سلطان بيك
14/10/2011, 02:21 AM
بسم الله الرحمن الرحيم
تخبرون الايام هذي أيام براد , والحر طول الفترة الي طافت ذبحنا , وحنا مجموعتنا ما حنا راعين مقناص , لا , حنا راعين مكاشيت وفلة حجاج , أي غيمة تمطر حولنا إلا حنا حوله , وأي ربيع يذكر قريب منا شلعناله .
فهكا اليوم دقيت على الشباب وأخذت موافقتهم للطلعة يوم الاربعاء , ومن زود الشفاحة ضبطت العزبة من إلى بيوم السبت, وما تبقى إلا اللحمة تكفل بها واحد من الربع قال وأنا جاي أجيبه معي , فجاء الأربعاء الحلو يقول الشاعر :
يضيق صدري لا طروا ليلة السبت
ليت الليالي كل أبوها ربوعي
,, وبعد صلاة العصر بساعة وأنا أرسل للشباب رسالة قلت بكا الفيضة نتواجه , ما هي بعيد عننا حول 35 كيلو رملي , فيضه مليانه شجر , وقاعه نظيفة ومتشطرة عن الناس .
بي عادتين وحده حلوه والثانيه قشرا , أما القشرا فهي العجلة , الظاهر ما في أحد بالعالم أعجل مني , بس عجلة على سنع , بالتايم تحصل كل شيء على أصوله ولا أحب التأخير , والحلوه إني أحرص على صلاة المغرب بالبر , فلحظة المغيب لحظة قد تغرورق عيناي بالدموع حينما أكون وحيداً .أحرص عليها خصوصاً لا صرت لحالي
حينما أتى العصير صرت حول أكا المكان , وتمشيت حوله يمار ما فيه أحد من البشر , خالية ما فيه الوالي , وأنا أنزل الفرش وأضبط الجلسة وأشب النار وأصلح القهوة والشاهي , وتخبرون الشغل الحلو المتكتك ,, وأنا أطالع للمغيب يمار الشمس غابت , توضيت وأنا أأذن لصلاة المغرب , صليت فرضي وجلست شوي بعد الصلاة ,, هدوء , وتفكر بحالي ,, مشاريع كثيرة قمت أخططها براسي ممزوجة بروحانية الصلاة ,, رجعت لجلستي على النار , وتخبرون الملقاط معك , وتتقهوا , قمت وشغلت الراديو وقعدت أتسمع لإذاعة الكويت الأخبار ..وبيدي كاستي ..
أدمس الدماس , وأظلمت ,, أقرب واحد قال بعد ساعة أجيك , تخبرون متزوجين وأنا الوحيد ما اعرست عسى الله يرزقنا العرس ,,أدعوا لي:D
سبحان الله وانا متمركي ضاربن لي جادة , أهوجس على ما قالوا , يمار بين السدر صوت رجال ,,,,, يا ولد ,,, يا ولد ,,,
من الخرعة قلت إقلط , وطرا على بالي الجن كفانا الله شرهم , العادة قلبي ماهو خريش ولاني خواف بالحيل , الوكاد إني التمست وخفت شوي ,, وإلا أكا الرجالين شباب بمنتصف العمر ,, وهم يقربون , وأنا اقرب لهم , وهم يسلمون ,, قال الأول الغالي معك سكروب حنا سيارتنا هنا وحنا محتاجين سكروب , مالكم بالطويلة هالاثنين يوم تكلموا معي ماهم بيد الرحمن ,, سكارى ,, ريحتهم من قوها أحسها بمخي ,, قلت تعالوا اشربوا قهوة ,, يوم قلت كأني قايل لهم أبسجنكم ,,, لا لا الله يعطيك العافية يقولون ,, بخوف وارتباشه منهم ,,
صراحة أول مرة يصير معي هالموقف ,, اثنين ماهم بحالة طبيعية ,, وبالبر ,, وأنا لحالي ,, لا والله إلا ذبحوني ,,
من الخرعة قلت : معي زراديه تبونه :D
قالوا لا دام زرادية ما نبيها ,, وراحوا يترنحون ,, يوم ابعدوا عني وتفطن علي علبة سكاريب شاريه بـ15 ريال من أحد المحلات , وأنا اصوت لهم وهم يرجعون قلت خوذوا هذي سكاريب وبكافة المقاسات , قالوا لا حنا نبي مقاس مدرري كم
قلت والله إلا تاخذونه كله وما تجيني :D
أبي فرقاهم والله كل ما أعطي أحد شيء أعطيه عن كرم ومعزة , إلا هكا اليوم عطيتهم من خرعة ..تشكروا مني , والي مستغرب أنا منه هو إن سوالفهم ومردهم حلو , بس ريحتهم تصرع ومشيتهم باين إنهم ما هم بحاله طبيعية
رجعت للفرشة والقهوة , وقلبي ماهو على كراسيه , يرقل :D , وأنا أفكر , وأخبر بالجرائد لا صارت مشكلة كبيرة قالوا إن الجاني بحالة غير طبيعية , أو بيانات وزارة الداخلية يقولون أقدم على تناول المسكر وارتكب جريمة ,, الوكاد وأنا اخرش , وانا اروح للعزبة أبي أطلع سكين يمار السكين ماهو بالعزبة :D
قلت ما بدهاش ,, وأنا أشيل لي حطبة سمر كبيرة وأحطها تحت الفرشة قلت في حال جو يبون يسرقوني أفاجئهم بها وأكمخهم بالحطبة ..
وأنا أفكر مرة ثانية قلت يولد لو واحد مسك هالحطبة وتشاوشت أنا وياه وتشابطنا , والثاني يطعنن ولا يضربن بحصاه على راسي ..
إفزع يولد :D وتطري علي طفاية الحريق بالسيارة , قلت أخليها بيسراي والحطبة بيميني وإلي جاين يهدد أرشقه بثاني أكسيد الكربون هههههههههههههه وامصطه بالخشبه
قلت كويس هذا حل حلو ..
وهي تطري على بالي ,, قلت لو رشقته بالطفايه حقت الحريق واختنق ومات ,, حرام إلا السياف واقفن عندي يبي يمسط رقبتي بسيفه ,,, وأنا أستبعد فكرة الطفاية ,, واخليها بعيدة عني وأنا أتعوذ من ابليس
الوكاد حاسوا أبو طلعتي الي كنت متمني إنها أفضل من كذا , الوكاد هواجيس بهواجيس وكل شوي أويق ورا شجرة يمكن متغبين وراها , طلعوا ماهم يمي ولا دروا عني
جو أثنين من اخويانا وقالوا حنا بطرف الفيضة لقينا سيارة مغرزة , وقالوا تعالوا دفوها معانا دفيناها معاهم , واستغربوا أخوياي قالوا هل السيارة يدفون السيارة ويطيحون ,, يقولون لياما طلعناها وراحوا
قلت لعنبو شياطينكم هذولا سكارى :D
الوكاد طول ليلي وأنا أفكر بحالهم , شباب ضايع , مستهتر , لا يدركون حجم الكارثة التي يتعاطونها , حمدت الله أن عافانا مما ابتلاهم به , سألت لهم الهداية , وبعدما دعيت لهم يقول خوينا :
إقلطوا ..العشا خلص ..
اللهم اهد ضال الأمة , اللهم اهد ضال الأمة .
تخبرون الايام هذي أيام براد , والحر طول الفترة الي طافت ذبحنا , وحنا مجموعتنا ما حنا راعين مقناص , لا , حنا راعين مكاشيت وفلة حجاج , أي غيمة تمطر حولنا إلا حنا حوله , وأي ربيع يذكر قريب منا شلعناله .
فهكا اليوم دقيت على الشباب وأخذت موافقتهم للطلعة يوم الاربعاء , ومن زود الشفاحة ضبطت العزبة من إلى بيوم السبت, وما تبقى إلا اللحمة تكفل بها واحد من الربع قال وأنا جاي أجيبه معي , فجاء الأربعاء الحلو يقول الشاعر :
يضيق صدري لا طروا ليلة السبت
ليت الليالي كل أبوها ربوعي
,, وبعد صلاة العصر بساعة وأنا أرسل للشباب رسالة قلت بكا الفيضة نتواجه , ما هي بعيد عننا حول 35 كيلو رملي , فيضه مليانه شجر , وقاعه نظيفة ومتشطرة عن الناس .
بي عادتين وحده حلوه والثانيه قشرا , أما القشرا فهي العجلة , الظاهر ما في أحد بالعالم أعجل مني , بس عجلة على سنع , بالتايم تحصل كل شيء على أصوله ولا أحب التأخير , والحلوه إني أحرص على صلاة المغرب بالبر , فلحظة المغيب لحظة قد تغرورق عيناي بالدموع حينما أكون وحيداً .أحرص عليها خصوصاً لا صرت لحالي
حينما أتى العصير صرت حول أكا المكان , وتمشيت حوله يمار ما فيه أحد من البشر , خالية ما فيه الوالي , وأنا أنزل الفرش وأضبط الجلسة وأشب النار وأصلح القهوة والشاهي , وتخبرون الشغل الحلو المتكتك ,, وأنا أطالع للمغيب يمار الشمس غابت , توضيت وأنا أأذن لصلاة المغرب , صليت فرضي وجلست شوي بعد الصلاة ,, هدوء , وتفكر بحالي ,, مشاريع كثيرة قمت أخططها براسي ممزوجة بروحانية الصلاة ,, رجعت لجلستي على النار , وتخبرون الملقاط معك , وتتقهوا , قمت وشغلت الراديو وقعدت أتسمع لإذاعة الكويت الأخبار ..وبيدي كاستي ..
أدمس الدماس , وأظلمت ,, أقرب واحد قال بعد ساعة أجيك , تخبرون متزوجين وأنا الوحيد ما اعرست عسى الله يرزقنا العرس ,,أدعوا لي:D
سبحان الله وانا متمركي ضاربن لي جادة , أهوجس على ما قالوا , يمار بين السدر صوت رجال ,,,,, يا ولد ,,, يا ولد ,,,
من الخرعة قلت إقلط , وطرا على بالي الجن كفانا الله شرهم , العادة قلبي ماهو خريش ولاني خواف بالحيل , الوكاد إني التمست وخفت شوي ,, وإلا أكا الرجالين شباب بمنتصف العمر ,, وهم يقربون , وأنا اقرب لهم , وهم يسلمون ,, قال الأول الغالي معك سكروب حنا سيارتنا هنا وحنا محتاجين سكروب , مالكم بالطويلة هالاثنين يوم تكلموا معي ماهم بيد الرحمن ,, سكارى ,, ريحتهم من قوها أحسها بمخي ,, قلت تعالوا اشربوا قهوة ,, يوم قلت كأني قايل لهم أبسجنكم ,,, لا لا الله يعطيك العافية يقولون ,, بخوف وارتباشه منهم ,,
صراحة أول مرة يصير معي هالموقف ,, اثنين ماهم بحالة طبيعية ,, وبالبر ,, وأنا لحالي ,, لا والله إلا ذبحوني ,,
من الخرعة قلت : معي زراديه تبونه :D
قالوا لا دام زرادية ما نبيها ,, وراحوا يترنحون ,, يوم ابعدوا عني وتفطن علي علبة سكاريب شاريه بـ15 ريال من أحد المحلات , وأنا اصوت لهم وهم يرجعون قلت خوذوا هذي سكاريب وبكافة المقاسات , قالوا لا حنا نبي مقاس مدرري كم
قلت والله إلا تاخذونه كله وما تجيني :D
أبي فرقاهم والله كل ما أعطي أحد شيء أعطيه عن كرم ومعزة , إلا هكا اليوم عطيتهم من خرعة ..تشكروا مني , والي مستغرب أنا منه هو إن سوالفهم ومردهم حلو , بس ريحتهم تصرع ومشيتهم باين إنهم ما هم بحاله طبيعية
رجعت للفرشة والقهوة , وقلبي ماهو على كراسيه , يرقل :D , وأنا أفكر , وأخبر بالجرائد لا صارت مشكلة كبيرة قالوا إن الجاني بحالة غير طبيعية , أو بيانات وزارة الداخلية يقولون أقدم على تناول المسكر وارتكب جريمة ,, الوكاد وأنا اخرش , وانا اروح للعزبة أبي أطلع سكين يمار السكين ماهو بالعزبة :D
قلت ما بدهاش ,, وأنا أشيل لي حطبة سمر كبيرة وأحطها تحت الفرشة قلت في حال جو يبون يسرقوني أفاجئهم بها وأكمخهم بالحطبة ..
وأنا أفكر مرة ثانية قلت يولد لو واحد مسك هالحطبة وتشاوشت أنا وياه وتشابطنا , والثاني يطعنن ولا يضربن بحصاه على راسي ..
إفزع يولد :D وتطري علي طفاية الحريق بالسيارة , قلت أخليها بيسراي والحطبة بيميني وإلي جاين يهدد أرشقه بثاني أكسيد الكربون هههههههههههههه وامصطه بالخشبه
قلت كويس هذا حل حلو ..
وهي تطري على بالي ,, قلت لو رشقته بالطفايه حقت الحريق واختنق ومات ,, حرام إلا السياف واقفن عندي يبي يمسط رقبتي بسيفه ,,, وأنا أستبعد فكرة الطفاية ,, واخليها بعيدة عني وأنا أتعوذ من ابليس
الوكاد حاسوا أبو طلعتي الي كنت متمني إنها أفضل من كذا , الوكاد هواجيس بهواجيس وكل شوي أويق ورا شجرة يمكن متغبين وراها , طلعوا ماهم يمي ولا دروا عني
جو أثنين من اخويانا وقالوا حنا بطرف الفيضة لقينا سيارة مغرزة , وقالوا تعالوا دفوها معانا دفيناها معاهم , واستغربوا أخوياي قالوا هل السيارة يدفون السيارة ويطيحون ,, يقولون لياما طلعناها وراحوا
قلت لعنبو شياطينكم هذولا سكارى :D
الوكاد طول ليلي وأنا أفكر بحالهم , شباب ضايع , مستهتر , لا يدركون حجم الكارثة التي يتعاطونها , حمدت الله أن عافانا مما ابتلاهم به , سألت لهم الهداية , وبعدما دعيت لهم يقول خوينا :
إقلطوا ..العشا خلص ..
اللهم اهد ضال الأمة , اللهم اهد ضال الأمة .