سوال لاهل الخبره ( في الجير) لو تكرمتو

[تميم2222]

السلام عليكم .... هل الثري كوارتر والسفن ايت ..ياتي منها وكري ..بدون ما يدخل فيها نسبه شاهين ؟؟....محتاج الاجاااابه لو تكرمتو

[اقدم صقار]

السلام عليكم
على ما اضن يجي منها وكري بدون نسبة شاهين
والاخوان اهل الجيره اعرف مني
تقبل مروري

[الرّمااااي]

نعم عندي الان فرخ ثري كوارتر جير وربع وكري والان توه طايح وادعيه ملواح وحمامه ولكن الطير راسه عنيد جدا ونزر

[قلب ذيب]

ممكن ان يكون وكري لكن الافضل الحر وهو المجرب والناجح .

[تميم2222]

بيض الله وجيهكم يالربع وما قصرتو ..اله يعطيكم الف عافيه على الردود الطيبه ... طيب كيف اعرف ...؟؟ هل فيه مواري عليه انه وكري ؟.. يعني مثل دق الريش او القطعه مثلا ؟؟ وبنسبه لاطوال ؟؟ يجي منها احجام كبيره ولالا .. يعني .. من 17وطالع

[ابوعزيز2007]

والله مادري ياتميم بس واحد من الربع معه جير وكري وحجمه حجم الوكارى العاديه

[دلوع الهوى]

نعم ياطويل العمر مدامة تهجين

[تميم2222]

نعم ياطويل العمر مدامة تهجين
مشكور دلوع ...

والله مادري ياتميم بس واحد من الربع معه جير وكري وحجمه حجم الوكارى العاديه
الله يعطيك العافيه .... ابو عزيز ماقصرت

[(هزاع)]

(التهجين)
عالم وعلم كل شيء جايز تحصله وبالخصوص تهجين المهجن
والمهجن جايز انه ينفك ويهرب ويهاجر ويتزاوج ويجي له فروخ وحوش مهاجره
(تخيل طرح فرخ امه ثري وبوه حر وحش هذا رائي الدكتور البراء ال عثمان)
في السنين الجايه نبي تحليل دي ان لمعرفة اصول الطير الله المستعان

[الجنرال الصعب]

الطير الصافي الوحوش هي افضل الطيور واحسنها

[تميم2222]

ردود تثلج الصدر بكلامها الرائع ... وفعلا صدق الايام الجايه راح يكون فيه لخبطه في امور التهجين خصوصا في الوحوش .. من 4 سنوات والوضع غير مطمن في الشبات اللي تجي غير نظاميه ويبكون فيها تفاريخ مطلقه .. وكنت اقول لربع اللي معي يجماعه الوحوش اللي عليها الكلام معد اشوفها قبل فتره كان اذا طرح الوحش القرناس سمعنا عنه حتى ولو هو في دوله ثانيه والحين الله المستعان الشبه يجي فيها 3 ..4 وعاادي........
بصراحه الموضوع طويل ويحتاج تفصيل اكثرر ..اسعدني مروركم