شريت دبة الغاز الجديدة وتوهقت

[ابوعبدالله 22]

السلام عليكم ورحمة الله


ياخوان شريت دبة الغاز الجديدة الحجم الصغير مقاس 12.5 لتر وحجمها 3.7 كلجم .
شريتها من قطر لان المقاس هذا غير متوفرعندنا بالسعودية ، اعجبني حجمها وخفتها وارخص من الكبيرة قلت هذي تصلح للكشتات ومنها نسنتغني عن الدافور .


لكن للاسف ليتنا من حجنا سالمين .. محلات الغاز رفضوا تغييرها بحجة ان ماعندهم مثل الحجم هذا وقالوا رح لشركه الغاز وهم يعبونها لك . رحت لشركة الغاز ومعي دبتي وطلبت منهم يعبونها او يستبدلونها وايضا للاسف رفضوا كانهم بيعبونها ببلاش . وسالتهم ليش قالوا لان حنا نستبدل فقط الحجم الكبير اللي عندنا وحتى التعبئة مانعبي الا نفس الحجم . مع ان تعبئة الدبه الكبيرة والصغيرة بنفس الطريقة . طبعا ممكن هم يبون يجبرون الناس تشتري الحجم الكبير من هنا ولا تجيب اي شئ من الخليج .


المهم ياخوان اناشد فزعتكم في حل لمعضلتي لان الظاهر الحل الوحيد الترهيم فمن عنده خبره مانستغني والله يجزاه خير . علما ان الساعه ماشريتها من قطر ولا ركبت عليها ساعة الدبه الكبيرة الموجوده عندنا .. واليكم الصور



http://www.mekshat.com/pix/upload05/images231/mk54323_1.jpg






http://www.mekshat.com/pix/upload05/images231/mk54323_2.jpg






http://www.mekshat.com/pix/upload05/images231/mk54323_3.jpg






http://www.mekshat.com/pix/upload05/images231/mk54323_4.jpg






http://www.mekshat.com/pix/upload05/images231/mk54323_5.jpg

[شاعر وحساس]

الحل انك تركب عليها راس من الشركه السويديه سرفيت مدري وش اسمه المهم اللي تنسيمه من فوق وعبها وهيجن وبكل صراحه تحفه

[محلات الكشاتة]

الله يكون بعونك وأنا أخوك

[منــاكد]

الحل انك تركب عليها راس من الشركه السويديه سرفيت مدري وش اسمه المهم اللي تنسيمه من فوق وعبها وهيجن وبكل صراحه تحفه


انا اتوقع ان هذا افضل حل ويشكر عليه الأخ شاعر وحساس...

تحياتي...

[سرهيد]

السلام عليكم

الدبة هذي عندي من سنة ونصف او حولها

ولكني لم استخدمها لأني الحقيقة رأيتها كبيرة نوعا ما واكبر دبة زرقاء اصغر منها ... لأن راعي البر يحرص على الحجم في الغالب اكثر من حرصه على الوزن ...

مثل ما قال اخوي حساس المحبس السنة الخارجي مفيد ويحتاج فك الجزء اللي على الدبة والذهاب للمخرطة لجعل سنة تركب عليه وتركب على المحبس السيفرت وهذا حل جيد ومناسب .0

واضيف ان كنت اشتريت معها محولها الضغط العالي هذي صورة المحول الضغط العالي اللي يجي معها ..

http://www.mekshat.com/pix/upload01/prof019/mk40450_mk40450_aa5-1.jpg

تشوف لك اللي اللي يعبيء الدبة الزرقاء وهذه شكله

http://www.mekshat.com/pix/upload01/prof021/mk40450_dfdfd.jpg

وتقطع الجزء المؤشر عليه وتأخذ المحول الاخضر الضغط العالي وتروح به لمحلات كبس الليات وتخليه يكبسه بحيث يكون بالطريقة هذا

http://www.mekshat.com/pix/upload01/prof021/mk40450_dfdfdf.jpg

مع ملاحظة اني وضعت صور للي تعبئة من الدبة الفيبر جلاس

يعني تخليه يسوي لي طرفه يركب في الدبة هذي اللي انت عارض والطرف الثاني يكون راكب ومكبوس في الدبة المنزلية

ولعلي اسوي على اللي عندي واجرب لك واعطيك النتيجة

وان شاء الله بنفع معك واذا انت في الرياض احضر لي المحول الاخضر وان شاء الله اقدر اخدمك

تقبل مودتي


راجع الموضوع التالي فيه بعض المعلومات قد تفيد :

http://www.mekshat.com/vb/showthread.php?t=412132

[wafi4sa]

دائما نقول هذا المثل يامن شراء من حلاله عله
الله يكون في عونك
وإن شاء الله يكون الحل لك قريب وسهل

[ابوعبدالله 22]

جزاكم الله خير على ارائكم ..

رأس سيرفت السويدي وين احصله ؟وهل سهل اني افرغ الدبة من الغاز قبل لااروح للمخرطة ؟

وبالنسبة للمحول اخوي سرهيد للاسف ماشريته .. وانا انتظر نتيجتك مع الدبة اللي عندك .

وتقبوا تحياتي