معلومات مهمة لأصحاب السيارات المزودة كيف تحافظ على كامل قوة سيارتك

[صياد مرجوج]

السلام عليكم

حبيت اليوم اعطيكم بعض المعلومات المهمة للشباب الي مزودين سياراتهم يمكن كثير من الناس ما يعرفونها
اكثر من 90% من الناس تروح تزود سياراتها وما تعرف انه في عوامل تأثر على عزم السيارة في الشارع يعني مثال انه فلان زود سيارته وطلعت 380 حصان ولما طلع على الشارع سيارة جايبة 360 راحت عنه هنا الرجال بيكره سيارته وبيصير يقول سيارتي عزمها تعبان واكيد فيهامشكلة وبيدخل في متاهات وبيروح يسوي تصفية

عشان كذا انا اليوم بحطلكم موضوع انه كيف تحافظ على كامل عزم سيارتك

النقطة الأولى الي ابي ابدأ فيها اني اوضح فكرة بشكل مبسط
هالحين انت لما تروح تبرمج السيارة المبرمج يعاير كذا شي بالسيارة من ضمنها توقيت الشرارة او Timing حيث يقوم المبرمج برفعه الى حد معين بس في عدة عوامل ممكن تأدي انه Timing ينزل للحفاظ على مكينة السيارة من ال detonation او مثل ما بيقولو من الصرقعة اول هذي العوامل هي سنسر حرارة الهوا (IAT او Intake Air temperature ) الي داخل على الانتيك وهذا بتلاقيه في انتيك السيارة عبارة عن اصبع صغير لونه اسود هذا وظيفته انه يقيس درجة حرارة الهواء الداخل للأنتيك بحيث انها لو زادت عن حد معين بيعطي اشارة لكمبيوتر السيارة ECU انه لازم تنزل Timing لأنه لو زادت حرارة الهوا الي داخل في عملية حرق البترول بيأدي الى حدوث صرقعة طبعا لما ينزل ال Timing درجتين ممكن السيارة تخسر 15 حصان !!!
فعشان نتجنب هالشي ايش لازم نسوي ؟
لازم نسوي عزل كامل للأنتيك وما نخليه يسحب هوا حار من داخل المكينة عشان كذا اكيد الكل لاحظ انه لما تفك الشمعة السيارة بتفرق فرق حلو مش لأنه السيارة صارت تشفط هوا اكثر لا لأنها صارت تسحب هوا بارد.

زين ملاحظة ثانية هالحين لما تكون السيارة واقفة على اشارة طبعا الحرارة بتحتبس داخل صندوق السيارة (الكبوت) لأنه مافي هوا بيتحرك وبيدخل عشان يبرد على السيارة بسبب وقوفها في هذي الحالة بيرتفع حرارة الهوا الي داخل على الانتيك وبينزل التايمنج وما بيرجع لوضعه الطبيعي الا لما تمشي السيارة وتبرد شوي
زين ما حد سئل نفسه كم من الوقت الي بيلزم لل IAT عشان يرجع يرسل اشارة انه الهوا رجع بارد للكمبيوتر عشان يرجع يرفع التايمنج ؟
مشكلة سنسر الوكالة انه بطئ في القرائة يعني بيحتاج وقت كبير عشان يقرا الحرارة الجديدة عشان كذا انصح الكل بتغييرة الى نوع سريع مثل الي انا مركبه من شركة MSD وسعره حول 20 دولار وهذا البارت نمبر ماله MSD-2320 وهذي صورة توضح شكل سنسر الوكالة لونه اسود على اليسار مع المعدل على اليمين

http://img37.picoodle.com/img/img37/3/11/29/f_LS1IATsensom_820549b.jpg (http://www.picoodle.com/view.php?img=/3/11/29/f_LS1IATsensom_820549b.jpg&srv=img37)

وهذا الرابط الي حاب يشتري :

http://store.summitracing.com/partde...5&autoview=sku (http://store.summitracing.com/partdetail.asp?autofilter=1&part=MSD-2320&N=700+115&autoview=sku)

الشي الثاني الي ممكن ينزل timing هو بخار الزيت الي يجي من ال valve cove او غطا الروس ويرجع يدخل الى الثلاجة او intake manifold وهذا لما يختلط مع الهوا والنزين يسبب detonation او صرقعة وبالتالي knock سنسور ينزل التايمنج فشعان نتجنب هالشي لازم نركب oil catch can الي هي علبة تصفية الزيت وهذا شكلها :


http://img32.picoodle.com/img/img32/3/11/29/f_pdmcan3largm_21227c7.jpg (http://www.picoodle.com/view.php?img=/3/11/29/f_pdmcan3largm_21227c7.jpg&srv=img32)

وطريقة تركيبها سهلة مثل الشكل التالي :

http://img26.picoodle.com/img/img26/3/11/29/f_untitledm_4fcd6ed.jpg (http://www.picoodle.com/view.php?img=/3/11/29/f_untitledm_4fcd6ed.jpg&srv=img26)


وهذا شكلها وهي راكبه :


http://img19.picoodle.com/img/img19/3/11/29/f_PCV7Mediumm_c9f4f37.jpg (http://www.picoodle.com/view.php?img=/3/11/29/f_PCV7Mediumm_c9f4f37.jpg&srv=img19)


سعرها يبدا من 20 دولار الى 160 دولار

المصدر منقوووول