المساعد الشخصي الرقمي

مشاهدة النسخة كاملة : وين احصل الملابس المموه لصياد


طالب المعرفه
15/10/2011, 01:40 PM
السلام عليكم

يا احباب يا اخوان


وين احصل الملابس المموه لصياد

التي على شكل اوراق شجر او قطع حجر
kASER-999
15/10/2011, 01:43 PM
حدد موقعك ليفدونك الشباب
أبوعابد 22
15/10/2011, 01:44 PM
هلا ومرحبا اخوي طالب الملابس المموه كانك في الرياض عندك الهدف
في شارع التخصصي وعليك باثياب الشهب والجكيت العسكري تراه ينفع
ولبس البندق مموه واسف على الاطاله واتمنا اني افتك
عزٍيزٍ
15/10/2011, 01:56 PM
فنيلة وسروال
واصبغهن بني واخضر
وريح مخك
ذرب المعاني
15/10/2011, 02:23 PM
شارع انكاس
او شارع الكهرباء
محلات البدل العسكريه

زحلق المصري وفصل لك بنطلون مموه .. تبع حرس الحدود :)

شف الصوره الرمزيه انا لابس بنطلون مفصله
المعايد
16/10/2011, 07:26 PM
فنيلة وسروال
واصبغهن بني واخضر
وريح مخك

ههههههههههههههههههههههههههههه
والله أنك جبتها
وجاري الصبغ والتنشيف
Red falcon
16/10/2011, 10:26 PM
خذ قماش من المحلات العسكرية
وبكيفك خذ ثقيل للشتاء وخفيف للصيف
ورح فصل لك ثوب عادي في خياط عادي
وتقدر تحط فية مخابي على كيفك
وبكيفك تاخذ قبوع أو تشتري غتره رملية
من محلات المقناص أذا تحب تلطم أو تعصب راسك
Red falcon
16/10/2011, 10:27 PM
ولو تبي دور ثوب اماراتي عند محلات الرجالية يجي رملي
ممتاز وانا أستخدمة مع الغتره الرملية ومجنن الوبارة تجنين

وأترك الهدف والرماية
ماعندهم ملابس لاتصلح لطبيعتنا ولانصلح لها
تموية أخضر على بني على أحمر على أسود

ماعاد صارت تموية بتصير توضيح
وبيشوفك الصيد من بعيد
ويمكن يسوي لك محبالة ويصيدك :)
طالب المعرفه
18/10/2011, 01:03 PM
الله لا يهينكم

ما قصرتم

بيض الله وجيهكم
عاشق ام صتمة
19/10/2011, 10:44 PM
السلام عليكم ورحمة الله وبركاته
مسكم*صبحكم الله بالخير جميع
عساكم طيبين
ياشباب انا بالمدينه وين ابا القاه
لاهنتو.
سسسسسسسلام
سراي اليل
20/10/2011, 11:02 AM
فنيلة وسروال
واصبغهن بني واخضر
وريح مخك
هههههه اخاف تصير مثل الجدار ماقدر اتحرك
الإستراتيجي
20/10/2011, 11:26 AM
لو بغيت تصبغ ملابس هناك ألوان مخصصه لها ..

وبعد ما تصبغها بالألوان ودائما أنصحك بالأصلي ,,

تسوي لها كوي ثم تغسلها مرة ثم تكوي وخلاص ..


لكن الصبغ حاجة و الملابس الجاهزة حاجة ثانية


على فكرة البدل العسكرية أنا فصلت كم مرة عندهم لكن أنصحك نصيحه لا تأخذ بدل مخصصه وتفصل نفس تفصيلهم يمكن تتورط في أمر ثاني لا قدر الله ...


وبعنا جاهزين لأي أمر ، لذلك خذ لك حاجة ما توحي على قطاع معين علما أني أشتريت جيشي مرة وفصلته لأمر ثاني :D ما أقدر أقوله :D لا يروح بال أحد بعيد ترى الأمر عادي بس ما أقدر أقوله :p
باث 2000
20/10/2011, 06:37 PM
تلقا بالقناص
طالب المعرفه
24/10/2011, 08:31 AM
وين القناص فيه يا الحبيب باث
راع البنلي
24/10/2011, 10:36 AM
السلام عليكم ورحمة الله وبركاتة
اذا انت بالرياض عندك محل الهدف بشارع التخصصي
تقبل مروري...
BO HAMAD
16/07/2014, 01:52 AM
تابعوني على الأنستقرام وإن شاء الله تحصلون مبتغاكم
MARINA_BAY848