المساعد الشخصي الرقمي

مشاهدة النسخة كاملة : وش افضل وكر


اسير اطير
15/10/2011, 10:07 PM
سلام عليكم اخواني ممكن تفدوني
في احسن شي اخلي اطير يوكر عليه في الغرفه الخاصه فيه
انا الحين حاطه علي خيشه مليانه تراب الله يعزكم
ولي اخليه علي الوكر الي فيه العشب اصناعي ولي علي رمله ولي حصه وش تنصحوني
الله لا يهنكم
سلاااامات
15/10/2011, 10:52 PM
وش لك بخيشة الرمل وانا أخوك الوكر اللي فيه العشب الاصطناعي أفضل لطير وكل أسبوع لو تحطه على رمل مرتين أو ثلاث أفضل لك مليووووون بعد أنتظر وشوف رأي الاخوان
وكري نجد
15/10/2011, 11:01 PM
سلامااااااااات كلامه مية في المية
اسير اطير
15/10/2011, 11:27 PM
جمل الله حالكم ما قصرتو
ومنكم نستفيد
قلب ذيب
16/10/2011, 01:20 PM
وكر الطير يجب ان لايكون صلب , اي لين او متعرج السطح بحيث تكتمل الدوره الدمويه في ارجل الطير
وبالتالي نجنبه الاصابه بالسومار والحفاه .
.. وفي أكثر الاحيان يكون وكر الطير من الفرش الاخضر ( الترتان ) او الاسفنج المغطى بالجلد ذلك في مرحلة نقل الطير والقنص به , انا في المقيض فيفضل وكور الحصى المطليه بالطين والتي تحافظ على كفوف الطير مما ذكر سابقا .
.. ولابد من ملاحظة كفوف الطير ودهنه بالفازلين وما شابه من المراهم التي تقلل من نشوف جلد الطير وتعرضه للتشقق , ولابد ايضا من تقليم اظافر الطير بشكل متساوي وباذرته , واخيرا تنظيف سطح الوكر وعدم ترك بقايا العلف عليه أمر مهم لأن تلك البقايا من الفضلات تدخل بين صدفيات كف الطير وتجلب له التسمم والالتهابات . اما الشبه فكانت في سابق الزمان تلف بالخيش وتوضع عليها الطيور أما الان فأن معظم الشبات عباره عن الواح مكسيه بالترتان المحافظ على الطير من الوقوع واكتمال الدوره الدمويه في ارجله . والله اعلم .
ابوعزيز2007
16/10/2011, 01:37 PM
ماعندي زيادة على الاخوان
تميم2222
16/10/2011, 02:10 PM
افادوك الاخوان
اسير اطير
17/10/2011, 03:25 AM
الله يدكم الف عافيه والله ما قصرتو
مشكرين
اقدم صقار
17/10/2011, 04:03 AM
السلام عليكم
اخوي افضل شي تريح الطير عليه انك تجيب خشب دائري او عود شجر ويكون بسمك موية الصحه ام ريال وتلف عليها خيش حق رز وتربط الخيش بحبل دقاق حق خياطة نعال ومن يقراء بكرامه وترفعها من الارض يعني تصير مثل الشبه وكل ما تمسي طيرك عليها تنثر عليها رمل وتشمسها كل يوم وبعض الايام خله يمسي على الارض في السبوع يومين ثلاثه
اما الوكر انا ضده خاصه بشكل مستمر لان كف الطير تكون متساويه وهذا الشي يضر كف الطير يصير الحمل على بطن الكف
وكل واحد له رائي وهذي وجهة نظر خاصه فيني وانت استشرت
اسف على الاطاله وتقبل مروري
مدهل الطير
17/10/2011, 12:57 PM
افادك اقدم صقار وتراه مدررررررررررسه من غير قصور بالباقين
اقدم صقار
17/10/2011, 01:45 PM
افادك اقدم صقار وتراه مدررررررررررسه من غير قصور بالباقين


شهادة اعتز فيها يا الغالي وعسى الله يرفع قدرك
وانتم فيكم خير وانا ادرس منكم الله يطول عمرك
اسير اطير
17/10/2011, 11:06 PM
انا اشهد انك مدرسه يا اقدم صقار
ولي يهونو الباقين
اقدم صقار
18/10/2011, 03:23 AM
انا اشهد انك مدرسه يا اقدم صقار
ولي يهونو الباقين




هلا بك اخوي اسير الطير
وما عليك زود يا الغالي ولا يهونون المطاليق اللي معنا وكلن فيه حقه
وشهادتك وسام وشرف عسى الله يرفع قدرك