يا اخوان وش الحل

[عاشق الظلمه]

السلام عليكم ورحمة الله وبركاته
عندي فرخ جبلي لا جا وقت العصر ووقت الهدد يعذبني بالمكافخ واحترت معاه بمجرد مايخلص علفته تشوفه على الشبه مسمار الي عنده طريقه ولا علم يفيدنا يا اخوان

[عاشق جلاد]

اخوي طبيعي لانها عارفه وقت العلف وتدوره

[حمود الصعيبي]

ادعها الصبح والعصر فتره بسيطه وعقبه بتركد

[ربع خالي]

وعليك السلام ورحمة الله وبركاته

طيرك ياخوي نازله عديته شوي ، وشي طبيعي يوم يجي وقت عشاه يكافخ محري بالعشى وهو في اشد جوعه .
ارفع عديت الطير شوي وبيركد ان شاءالله .
تحياتي

[wwmfs]

علف الطير زيااده ويركد معك ان شاء الله

[اسلي نفسي]

افادوك الاخوان

[اقدم صقار]

السلام عليكم
اخوي انا ضد كلام الاخوان وهذي وجهة نظر وراي شخصي
بقول الاسباب
من بداية كلامك تقول فرخ شاهين من عرفت الصقاره والشاهين تبي طيار تبي تطرد تبي الهدد لو تهدها كم مره في اليوم ما عندها مشكله
الشي الثاني الشباب يقولون ارفع الطير
طيب ممكن اسالكم ليش قلتو ارفع الطير !!!
ما تدرون ان الوقت باقي ولا احد يقول لا بارد الجو ويكذب على عمره ؟
الوقت حلوو بس باقي الطيور ما بعد استهدت يعني الطير اذا زودت عشاه بيعطيك ظهره وبيخرب طبعه وبيترك طريدته او صيدته ويمكن يتنكر .
اقول لك يا راعيها ادع الطيره الصبح واذا انت تهد لها حمام هد وعطها راس الرجل (الفخذ) بس وفي العصر عطها صافق اذ هي مقاسها اقل من 14 وخل ممساها تحت المكيف او في مكان بارد والشي الاهم واكثر الناس يقع فيه انهم يعطون الطير صافي !!!
طيب على اي اساس تعطي الطير صافي ؟
عط طيرك عضم وريش ولحم واذا انت تعشي غير الحمام انا اقول لك وزنة صقار وهي اقل من مسح الريش ليله وليله مسح ريش
يمكن يوافقني بعض الاخوان على كلامي والبعض بيعارض وكل واحد له صقاره
اتمنى اني قلت ما يفيد والعلم عند الله
تقبل مروري واسف على الطاله

[ربع خالي]

اخوي الغالي اقدم صقار :
كلامك في محله ولاعليه اي غبار ولكن .
ليه أخذت برفع العديه على اننا نطالبه بعدية مقيض ؟
لا يالغالي ماهو هذا اللي نقصده في رفع العديه ، ولكن نقصد بان يقيس شبعة طيره على اقبال الطير على الملواح وحنا ماندري ولا انت تدري ، يمكن الطير لاحقته ضعفه خفيفه وهذا اللي يجبره على المكافح طالب عشاه .
اخي الكريم في كل امور الدنيا ناخذ فيها الوسط ، وكذلك الطير وعديته .
وحتى في البرد ان رفعت وزن الطير اكثر من اللازم بحجة البرد ؟ تراه بيعومسك في هداده وخاصه اول الصبح ، ولهذا نأخذ اوسط الامور في مايخص الطير وهو محور حديثنا .
والصقار ادرى بطيره ونحن هنا مجرد تقريب المعلومه للسائل .
اخوك ابو سيف

[هاوي بر و صيد]

جزاكم الله خير الجميع

[@قرناص@]

ماقصرو الربع ،،

والله يعينك عليها ،،

[لبيه يمنادي]

السلام عليكم ورحمة الله وبركاته
عندي فرخ جبلي لا جا وقت العصر ووقت الهدد يعذبني بالمكافخ واحترت معاه بمجرد مايخلص علفته تشوفه على الشبه مسمار الي عنده طريقه ولا علم يفيدنا يا اخوان




ياخوي

من خلال تجربتي مع الشواهين والحرار والجيره خلال السنين اللي مضت .. انا مع اخوي بو سيف
الطير من يجي حزة معشاه يجني ولا يردك في السياره من كثر الجوع وخاصه الشاهين .... وخاصه اذا لاحقه شويت ضعف او نزول في العديه ... والدليل ان لاحقه ضعف كلامك ( بمجرد مايخلص علفته تشوفه على الشبه مسمار )... ارفع عدية الطير شوي الله ايطول عمرك وشوف طيرك أن شأ لله يصير معك مثل المسمار .. او غده غداء بسيط بكره من بدري وشوف العصر طيرك اشلون ايصير حتا طياره بيختلف عليك للاحسن وانا اخوك ..

[ابوعزيز2007]

ماقصر ابوسيف

[اقدم صقار]

اخوي ابو سيف
كلامك ووجهة نظرك احترمها
قال الرجال ان طيري يكافخ من تجي حزة عشاه
وهذا دليل على ان عدة الطير نازله وقلت له هد الصبح منها يتطلق الطير مع البراد ومنها يغدي طيره غدا بسيط ويركد الطير لين يهده حزة عشاه
اما في موظوع الوسطيه انا اوافقك الراي الا في الصقاره لانها تبي صقار وخاصة مع الشياهين وابحث عن معنى كلمة شاهين ؟
تلقى الاجابه
هذي وجهة نظر خاصه فيني وانا احترم جميع من يدلي باي معلومه او راي وكل رجال له صقاره
اسف على الاطاله وتقبل مروري

[عاشق الظلمه]

شكرا لكل من افاد من الاخوان
الطير كان صنيع ونزل فجاءه صرت ازود العلفه بس ماتبان عليه اعطيه الثنادي كامله بدون عظم وعي يصطنع

[لبيه يمنادي]

افحص الطير الله ايطول عمرك عند الطبيب .. يمكن عنده شي ايلده من العديه ... مثل الكوكسيديا ..او دود بطن او قرح في الفريسه .... او غيرها من الامراض ...

وخل العلف علي فترتين عشاء ......... وفطار الصبح بعد الروباجه .. وأنشأ الله ماعليه الا العافيه ...

وعليك بالماء اسق الطير ياخوي عشان مايصير عند الطير جفاف ..

ولا تحرم الطير من علف الريش والعظم لان فيها فوايد كثيره ..

تحيااتي

[عاشق الظلمه]

لاهنتو بيض الله وجيهكم جميع لاعدمناكم يالنشاما

[سطام ابو سعود]

ارفع صنعه الطير شوي كلامك يدل على ضعف الي يخلي الطير يكفخ وقت العشاء اما عن اقدم صقار اشك بقدم صقارتك وخبرتك بئنك مستجد ههههه امزح معك ههههههه

[اقدم صقار]

السلام عليكم
اخوي سطام كلامك في محله توي مستجد على ما قلت
ولاكن نتعلم منك طال عمرك

[سنجااار]

غير وقت عشا الطير وارفعه مع ان بعض الطيور صنيع ولاجات حزت عشاه تكسر