يوسف الخليفة1
16/10/2011, 05:29 PM
بسم الله الرحمن الرحيم
السلام عليكم ورحمة الله وبركاته
بان النهار وشعت الشمس بالنور=والضلع الاقصا ما تلاشا سواده
روس الحصا فيها حماميق وانسور=فوق المواكر رزقها بالحماده
والنار تومي كنها ضو تنور=واوجست من رمل المذاري براده
والدلة الصفرا على غير دافور=شقارها يشدي مجيج الجراده
ليفتها بالثعبه كما عش عصفور=والهيل الاخضر حط فيها زياده
منشوقها يجذب هوا كل منعور=سراي دربن مبعدن عن بلاده
لحالي بجو الخلا عن هوا الدور=ما حولي الا الذيب عجل اجتلاده
سجيت مع فكري جراهيد وابحور=مركاي رجبه عن ليان الوساده
وابديت ذكر الله وتكيت مسرور=مدي صلاتي ما وطيت القراده
وابعدت باسبوتي عن الزيف والزور=بعد النجوم الغابره بابتعاده
لقيت بالي في هوا البر ماسور=مدري هوايه والا حب الركاده
هو رغبتي بالكيف ما نيب مجبور=واخير من هذا سبيل العباده
اللي حصيلتها لها يوم مذكور=في حزتن كلن يحصل حصاده
يا زين سجات الخلا والزم الشور=قبل الفتا شيبه يكسّر شداده
تزرا عظامه عن وطي قاصي القور=واليا بغا ينهظ يزيد ارتعاده
حتى عيونه مادركت راس عنقور=تدانا شوفه ما يحطب العراده
عصره مضا يمسي على الساس مستور=ما كنه الا الطير مقفي هداده
هذي هي الدنيا مقابيل وادهور=يالله نختمها بنطق الشهاده
هي الغنيمه كسبها حور واقصور=التقوا والتوحيد والصبر زاده
يوسف الخليفة ( أبو عبد الله )
السلام عليكم ورحمة الله وبركاته
بان النهار وشعت الشمس بالنور=والضلع الاقصا ما تلاشا سواده
روس الحصا فيها حماميق وانسور=فوق المواكر رزقها بالحماده
والنار تومي كنها ضو تنور=واوجست من رمل المذاري براده
والدلة الصفرا على غير دافور=شقارها يشدي مجيج الجراده
ليفتها بالثعبه كما عش عصفور=والهيل الاخضر حط فيها زياده
منشوقها يجذب هوا كل منعور=سراي دربن مبعدن عن بلاده
لحالي بجو الخلا عن هوا الدور=ما حولي الا الذيب عجل اجتلاده
سجيت مع فكري جراهيد وابحور=مركاي رجبه عن ليان الوساده
وابديت ذكر الله وتكيت مسرور=مدي صلاتي ما وطيت القراده
وابعدت باسبوتي عن الزيف والزور=بعد النجوم الغابره بابتعاده
لقيت بالي في هوا البر ماسور=مدري هوايه والا حب الركاده
هو رغبتي بالكيف ما نيب مجبور=واخير من هذا سبيل العباده
اللي حصيلتها لها يوم مذكور=في حزتن كلن يحصل حصاده
يا زين سجات الخلا والزم الشور=قبل الفتا شيبه يكسّر شداده
تزرا عظامه عن وطي قاصي القور=واليا بغا ينهظ يزيد ارتعاده
حتى عيونه مادركت راس عنقور=تدانا شوفه ما يحطب العراده
عصره مضا يمسي على الساس مستور=ما كنه الا الطير مقفي هداده
هذي هي الدنيا مقابيل وادهور=يالله نختمها بنطق الشهاده
هي الغنيمه كسبها حور واقصور=التقوا والتوحيد والصبر زاده
يوسف الخليفة ( أبو عبد الله )