ايهم افضل جكسار او لكزس

[الكمبيوتر]

ياشباب معي قيمة جيب جي اكس ار 8 سلندر يعني بحدود 210 الف ريال وحاط براسي هالجيب جاني واحد قال في اكس ار هو الموتر لكن قيمه حول 270 الف ريال

عطاني اقتراح وحبيت استشيركم فيه قال اشتر جيب لكزس لو مكوديل 2007/2008/2009

بحدود فلوسك لكن السياره مريحه

مدري ايهم افضل جيب جي اكس ار جديد او لكزس لو موديله قديم بسنتين او ثلاث

بانتظار ردودكم

[الشقردي 205]

إخوي اللكزس أكيد وانا اقولك خذ لكزس احلى لك . . .


اللكزس فخامه كشخه هيبه وحتى لا شريته ماراح تطلع فيه للبر . . .


لكزس أزيــــــن لك . . .


والله يوفقك . . .

[الكمبيوتر]

يعطيك العافيه

والله هذا الي يدور براسي

لكن اكيد بيكون غالي ماراح ينزل من ال 250 لو هو نظيف

لان الموديلين او الثلاثه ماراح ينزل كثير

ممكن اي موديل احصل بال 200 الف ونظيف

[ابو محمد 2011]

خلك على الجديد افضل

والكزس روووعه بس ما الظاهر تلقى نظيف ورخيص

[شخصية مستهدفة]

السلام عليكم
انا جربت اللكزس واللاندكروزر بصراحه الاندكروزر مافيه راحه يعني زي الهايلكس
وبالنسبه اللكزس موتر راحه خذ راحه وكشخه بس منت مدخله للبر بتخاف عليه فماراح تستفيد منه بس يفضل تشتري جديد والذمه بالمعرض لك عليهاااا لو يحلف منى لبكره لاتصدق اسمع نصيحت اخوك وخلك على الجديد اشتر gxr4 تحصل سعره جديد 217000 والله يوفقك

[الكمبيوتر]

يعطيكم العافيه جميعا

الاخ شخصيه مستهدفه
الحين تقول الاندكروزر ماهو مريح وبالاخير تقول اشتر جديد

مع انك تمدح الكزس لكن ماشجعتني عليه

[مجنون عسل]

اخوي خذلك جديد لا ندكروزر
اللكزس حلو بس انت شوف قناعة قلبك وعقلك اذا هم متفقين على لكزس خذ لكزس اذا لا ندكروزر خذ لاند كروزر

[مافيه]

والله وانا اخوك هي على حسب استعمالك

لاكن الكزز الجديد مهوب مثل القديم في التحمل ((القديم مثل الفي اكس ار الجديد زادت مواصفاته و حساساته)) < اذا كان استعمالك ديره انصحك فيه

عن استعمالي انصحك بالفي اكس ار اي فئة تقدر عليها ون حصل لك جديد افضل لك وحاول انك تاخذ شي بدون هيدروليك

الجي اكس ار مافيه عذروب واذا حدتك دراهمك عليه توكل على الله ولاتتردد

واهم شي الجديد الي على رجلك اصفار مهوب مثل المستعمل لوه مامشى الا 10 الاف واذا كان حولك واحد مستعمل وتعرف الرجال وسواقته توكل على الله و المعارض الذمه عندهم الله بالخير يبيعلك المدمور بسعر حول الجديد

ولاتنسى الاستخاره

[ملحوظه]

لدي طلبك ادخل على اعلاني

[كنود]

الله يكتبلك الي فيه الخير ونصيحتي لك مبلغ كبير ماشاء الله حطه في شي جديد حرام تحط المبلغ هذا في مستعمل ولكن استخر وتوكل على الله.