هل عبد اللطيف جميل يستقبل الاندكروزر الخليجي

[الصحافة 15]

حيا الله أخواني المكشاتيه
عند استفسار وش أفضل المواصفات والموردين للاندكروزر بالنسبة للخليجي
وهل أبو جميل يستقبل صيانة الخليجي

[ابو ريون]

السلام عليكم ، نعم يستقبل صيانة الخليجي ،،،،،،،،،،،،، لن معي 2010 بريمي واستقبله

[مخاوي خوياه]

اذا تقصد الربع والشاص
افضل شي البريمي


نعم يستقبل بالصيانه
لكن ياخذ عليك اول مره تقريبا
مبلغ 1500 دخوليه
وبعدين يشملك الضمان

[r7al sder]

يشملك بشرط 1000كيلو + 5000 + 10000 +15000

ولا ادري تزيد او تنقص

[حمد الامارات]

كفو ولله بشباب ما شالله

[الصحافة 15]

الله يبيض وجيهكم جميع على الردود ومشكورين وبالنسبة للمواصفات أقصد الاند كروزر GXR

[شخصية مستهدفة]

السلام عليكم
عبداللطيف جميل يستقبل الخليجي بس بدراهمك بس لو صار عندك مشكله ماراح يدخل على الضمان اول كان يدخل على الضمان ولا ياخذ عليك شي بس الحين مغيرين ادارة الضمان وصارو اذا جبت الموتر فيه شي بالمكينه او القير يقولك عطني كتيب الضمان حق الخليج والأستماره واكيد انه مو موجود فما راح يصلح السياره على الضمان

[الصحافة 15]

والله ياجماعة أنا محتار بين سعودي وبريمي ومضايق صدري شغل أبو جميل يقولي واحد أمس أنك تفتح ملف عندهم بمبلغ وقده 5000 ريال علشان تدخل الضمان

[شخصية مستهدفة]

والله يالطيب اول مره اسمع هالكلام بس ابي اسأل واحد من الشباب واعطيك العلم الأكيد

[تناساني]

اصلن انت ع بالك الصيانه الي يسويها ابو جميل المخيس ببلاش ههههههههههههه
كل ما تجيه ياخذ منك فلوس وكل صيانه يزيد سعر الصيانه عن الي قبله
وكله بس تغيير زيت و فلتر و يمسكك الباب هههههههههه
وسواء الجيب خليجي او امريكي راح يسوي له الصيانه و بفلوس حتى لو انت شاريه من عندهم الصيانه بفلوس.

بعدين اذا اشتريت اشتر خليجي
يكفيك ان كل قطعه شد بلد جنود اصليه كشافات جناح سماعات مسجل اغلب القطع اصليه
لكن ابو جميل يلفقها جنود تجاريه و اسطبات و كشافات و جناح و دواسات الركوب كلها تجاريه

ابحث بقوقل ( الفرق بين الجيب الخليجي والسعودي بالصور) وتشوف الفضايح

لدرجة انه صاير يجيب بعض السيارات بدون مكيف و يركب لها مكيف مثل (الفوتشنر)

و انا ناوي اشتري FJ إن شاء الله . وراح يكون بفضل من الله من الخليج الامارات او قطر.
ماني رايح ادفع مبلغ وقدره على شي تلفيق × تلفيق
وحسبي الله ونعم الوكيل



موضوع فتح الملف بـ 5000
اعتقد انه يقصد تسوي ملف صيانة شامل القطع الاستهلاكيه (زيوت/فلاتر/فحمات فرامل) فقط لمدة سنه
ولو تفكر فيها خلال سنه مستحيل انك تغير اي شي استهلاكي بـ 5000
هذا قصدهم بالصيانه.

واكرر كلامي سواء خليجي او سعودي من ابو جميل المخيس
راح ياخذ فلوس للصيانة بكل الحالتين ويستقبل ابو جميل المخيس او صيانة البازعي مايردون اي سياره لانهم حالهم حال أي ورشة ماراح يقولون لا. ومستحيل يقولون لا وهم ماخذين فلوس بكل الحالات

[ابو محمد 2011]

يا الغالي يبطي ياخذ منك 1500 والله لو انه مهبوول
انا موترين شاريهم من اليحيى وكلهم ضمان عند بو جميل
ما ادري المبلغ كم بالضبط
بس انه بحدود 100 ريال ( مئة ريال )
ولا يهمك اللي يقووول 1500 او 2000

[الصحافة 15]

الله يعطيكم العافية على الردود الشافيه وجزاكم الله خير ياشقردية مكشات

[هاجد2000]

ايه يستقبلك بدريهماتك وانا اخوك مايرد احد بحلالك تصلح موترك

وانصحك بالموتر وارد البريمي لو هلكس احسن من ابو جميل واااجد

[مطعس ركض]

نعم يشمله الضمان لكن تدفع فلوس اول مره بس ويفتحلك ملف
اتوقع 5000 ريال
لكن نصيحة لاتشتري الا خليجي لانه يجيك ياباني اصلي
اما حق ابو جميل كله تلزيق واكسسوارت صينيه وتايوانيه يتم تركيبها بجده
اجل الكشافات تجي دقمه !!!!!
الله يوفقك

[سيل بن سايل]

الله يعطيكم العافية

[السلمي515]

اخوي الله يعطيك العافيه انا مدخل عندهم موتري خليجي ومسوي له عندهم يسمونه تعريف للموتر وفتح ملف كله بمئة ريال

[ماجد ابو فيصل]

والله انصحك لا توديه عباللطيف جميل حراميه