ماهو افضل نوع من الغزول (الشبك)

[كبير النواخذه]

ماهو افضل نوع من الغزول (الشبك)

وليش
لاني وبصراحه..مش راعي غزول ..طراد و خيط وقراقير ولفاح نعم ..بس غزول لحين
والحين ابي اجرب الغزول ..والله جربتها من قبل وما عجبتني ...لانها تبي يد ماخذه على الغزول والسمك ايخيس ابسرعه

المهم ..

ارائكم يانواخذه ؟؟

[حاقد على لخمه]

انا اشوف ان احسن غزل هو البريسم قلتلى ليش لان القطن ثقيل يوم طلعه من الماى ويترسلك الطراد ماء والنايلون ممنوع ويطقطع بسرعه اما لبريسم خفيف

[بو راشـد]

السلام عليكم ورحمة الله وبركاته
الغزل يعتمد على أي نوع من السمج تبي تصيد مثل الميد يبيلهم عين غزل أنجين إلاربع. الصافي أنجين وربع أو أكثر حسب حجمة . فلذالك يستخدمون الغزل الأسرائيلي الي أهو ثلاث شقات(ثلاث صفات ورى بعض) هذا طال عمرك يخم الي في البحر كله ولاكنه ممنوع وأنا مع قرار منعه لأنه يقضي على الحياة البحرية.

تمنياتي لكم بلتوفيق..............................

[ABU 7AMDAAN]

السلام عليكم ورحمة الله وبركاته

بالنسبه للخباط يفضل الغزل لعشاري خيط 12 او خيط 9
بالنسبه لسمك التونه وما شابه يفضل لثماني خيط 15
اما اسماك القوع مثل الشعري والصافي والقش و..و..و.. يفضل لعشاري خيط 4

تحياتي

[بن عيدان]

السلام عليكم اخوي كبير النواخذة اولا انصحك اتغير اسمك لان كبير النواخذة مايعرف احسن الغزول هذي مشكله ؟

لكن معليش انعلمك وانا اخوك اسمع ياخوك احسن غزل طبعا هو الاسرائيلي لكنه ممنوع وحرام انا اعتبره من وجهة
نظري لانه ايصيد السمك لصغار ويموتون ول نستفيد منهم ، ثانيا الغزل الثاني هو البريسيم لانه مايذبح السمكه والقطن
يشرب الماي ويصير ثقيل لذلك وانا اخوك البريسيم هو الافضل لحد الان حق : الصافي ، النيسر ، الشعري ، الينم .


اي استفسار وانا اخوك اسال .


بن عيدان

[( برى بحرى)]

البريسم طال عمرك ممتاز

بس اذا تلف الشبك لا ترميه بالبحر حتى لا يصبح مقبره للسمج ويدمر المرجان + البيئه

[أبو عوف]

احسن شئ ابو ثلاث طبقات من النايلون

[gulfhunter]

السلام عليكم ورحمة الله وبركاته


حياك الله أخوي كبير النواخذة

بالنسبه إلى افضل الغزول . . . فيعتمد على الشخص نفسه وعلى نوع الصيد ..... لكن يعتبر النيلون من افضل الغزول وبالنسبه إلى الثلاث وجيه يعتبر الأفضل من ناحية الصيد ولكن انصحك بالأبتعاد عنه لأسباب عدة ومن اهمه انه يعدم المكان اللي انت فيه يصيد الصغير والكبير وايضاً يتعبك بفك السمك خاصتاً إذا انت ماتعرف للغزول! لكن لبعض الأخوة الخبرة فيستعملون الثلاث وجيه ولكن يكبرون العين .... لأن بعض السمك يصعب صيدة بوجه واحد.... لكن يضل الثلاث وجيه مدمر للبيئه......

بالنسبه إلى ان السمك اللي في الغزل يخيس بسرع . . . يعتمد على الوقت مثلاً الأيام هذي صعب انه يخيس بسرعه لأن البحر بارد ...... لكن بالصيف انا معاك بسرعه يخيس يعني لازم تباري الغزل على طول في الصيف امَا بالشتاء تقدر انك تبيته وان شاء الله السمك يكون زين
تحياتي لك وللجميع

[كبير النواخذه]

مشكورين على المرور
وتسلمون على المعلومات السنعه


بالنسبه حق اخوي بن عيدان مش لازم الواحد ايكون خبير في كل شي..يعني النفس وما تريد..
بس اذا ايعجبك ويرضيك انك اتقول اني اعليمي ..انا عليمي

جزاكم الله خير

[بوفايز]

السلام عليكم اخوي كبير النواخذة

لا تحط في بالك يمكن اخونا بن عيدان يمزح وبعدين اجهل الناس اللي يقول انا اعرف كل شي. الحياة مدرسة والبحر نتعلم منه كل يوم شي. دكتور في الجامعة علمني ان السؤال الغبي هو السؤال اللي ما نسأله يعني نستحي او نخاف نسأله. اخذ راحتك يا كبير النواخذة واسأل وتعلم وحتى احنا نتعلم وياك وموضوعك حمسني ورحت محلات ادوات الصيد وبديت أسأل عن الغزول مع اني بعدي ما اعرف شي في البحر لا لفاح ولا حداق ولا شي توني في بداية المشوار. والسلام ختام

أخوكم بوفايز

[وعر]

السلام عليكم
اخواني اما بالنسبه للغزول انا جربت كل الانواع والصراحه افضلها من ناحيه الصيد هو الغزل الاسرائيلي(بو ثلاث طبقات من النايلون) هو طبعا ممنوع بس انا ما استخدمه إلا في اماكن محدده (الاماكن اللي مافيها سمك صغار) وهو طبعا لا يعلى عليه
ويجي بعده غزل النايلون وهو طبقه واحده وهذا ايضا استعماله ممتاز
اما النوع الثالث فهو غزل ايضا من النايلون ويسمونه بو قطه (نوع من النايلون الخفيف يستعمل مره وحد) وهذا الصراحه انا ماشفت له ميزه غير انه صغير في الحجم (تقريبا 40 سم وهو مطوي ) وخفيف في الوزن وهذا بصراحه اشوف انه ماينفع إلا للاماكن الممنوعه لأنه مستحيل يبين وهو منصوب
اما بالنسبه لغزول البريسم(القطن) فهناك انواع على حسب الطلب فيه غزول للسيف وفيه حق داخل والفتحات انواع (بانسبه لي افضل استخدام الاربعتعشري) وايضا الغزول لها الوان مثل الابيض والاخضر (على حسب القاع)

وفي النهايه اتمنى اني قدمت شي مفيد

ونصيحه لـ أخوي كبير النواخذه ( وسع صدرك ) ترى كلنا اخوان

[كبير النواخذه]

اخواني الاعزاء ..حياكم الله كلكم من غير عد اسماء

اخواني انا اعارض كل الي ايقولون ان افضل غزل هو الاسرائيلي (النايلون او بو3وجيه)
يمكن ايكون اكثرهم بالصيد ..بس اسمحولي ..مش اكثر واحد جاب سمك هو النوخذه ...لالالالالا

ياخي اذا انا باصيد بدل الكيلو عشره كيلو ..بس باخرب الاولي والتالي..مابي العشره كيلو.انا افضل كيلو واحد على العشره اذا كلن الصيد مدمر بهذي الطريقه

ياخي صيد كل يوم كيلو واحد وان شاء الله دوم... بس يظل البحر عامر
ولا اتصيد عشره كيلو لمده ايام وبعدها ماتحصل شي

يعني باختصار..قليل دائم خير من كثير منقطع

وما اعتقد ان ضمير الشخص الصالح يسمحله يستخدم مايقطع رزقه ورزق غيره

وجزاكم الله خير

[وعر]

اعذرني اخوي كبير النواخذه بس اصابع يدك مب سوى في فرق بين اللي ينصب من غير تفكير وبين اللي يدرس المكان اللي بينصب فيه
وبعدين حتى الغزل الاسرائيلي فيه انواع والغزل الاسرائيلي عموما فكرته انه يصيد السمكه الي تمشي بجانب الغزل لاته يكون منفوش والسمكه ماتنتبه للنايلون<O:p

اما بالنسبه لموضوع انك تضر البيئه انا معاك في حاله اذاانك تنصب في مناطق الشعاب المرجانيه<O:p

اما بالنسبه لموضوع الثروه السمكيه (اخوي الغالي) الغزول الاسرائيليه منعوها من الدوحه من سنه 95 وانا ماخبر ان فبل سنه 95 الثروه السمكيه كانت مهدده وقبل هذا التاريخ كان كل اللي في الدوحه يستعملونها والكل كان مبسوط منها ومحد اشتكى ان السمك خلص من البحر واذا انك ماتدري انشد شيابك


واسمحلي على الاطاله

[كبير النواخذه]

اخوي وعر حياك الله واشكر مشاركتك
اعتقد ان اذا كان صاحب الغزل النايلون يدري انه ضار ..المفروض ماينصبه
واعتقد ان الجهات المسؤوله لازم تتخذ موقف قبل لتبدا المشكله وهذا ماحدث عندتا في قطر..ولا اذا طاح الفاس بالراس مافيه فايده..ولهذا السبب منعوا النايلون والا كان الحين ماتحصل سمك في البحر الا ماندر..ومثل ماقالوا الوقايه خير من العلاج
انا سمعت ان في البحرين (المنطقه الغربيه) قل عندهم السمك بدرجه كبيره(مع العلم انني كنت هناك شخصيا اصيد سمك في اوقات كثيره من السنهوكان الصيد قليل جدا)والسبب كما يقال من الصيد الجائر والنايلون احد اسبابه..الى درجه انهم بدوا يستسرعون الاسماك في تلك المناطق

جزاك الله خير