المساعد الشخصي الرقمي

مشاهدة النسخة كاملة : خيمة الأندلس من السنيدي


شاص
09/02/2006, 11:56 AM
السلام عليكم ...
في جريدة الرياض يوم السبت شفت دعاية للسنيدي عن خيمة اسمه الأندلس 4*3 وسعره 800 أو أزود شوي لكن يوم دقيت عليهم قالوا خلصت.

أحد جرب هالخيمة أو شافه عن قرب ؟؟ يعطينا رايه
الضاري
09/02/2006, 02:21 PM
مساء الخير شاص

ياليت لو نشوف صور للخيمة

مع خالص تحياتي لك
محتري السيل
10/02/2006, 06:38 AM
أخوي راعي شاص

وعليكم السلام ورحمة الله وبركاته

الخيمة شريتها انا من محل القناص في الدمام بسعر 780 ريال

من مميزاتها حجمها الصغير وخفة الوزن وشكلها الجميل والوانها الزاهية

وكذلك سهولة الفك والتركيب وقوة الخياط والتفصيل

ومن عيوبها أنها لاتصلح للتثبيت في الرمال وانما تصلح في الأرض القوية المستوية المتماسكة

والسبب خف وزنها وحاجتها للتثبيت بقوة في الأرض

والصورة خير برهان

http://www.mekshat.com/pix/upload/images14/mk21540_image(229).jpg

http://www.mekshat.com/pix/upload/images14/mk21540_image(230).jpg

http://www.mekshat.com/pix/upload/images14/mk21540_image(231).jpg

http://www.mekshat.com/pix/upload/images14/mk21540_image(232).jpg


وبالتوفيق



.
almgwar
10/02/2006, 10:50 AM
عزالله خوش خيمة
ناجز
10/02/2006, 02:33 PM
خيمة حلوه جداً بس لونقولون لناايش نوع القماش الخارجي
محتري السيل
10/02/2006, 04:24 PM
القماش الخارجي والبطانة خفيف نوعا ما أكسبها ميزة تقليل الوزن وسهولة الحمل
ولاكنه أثر على ثبات الخيمة وأستقرارها في الأرض
فهي تصلح فقط في الطقس المعتدل ولاتقاوم الرياح العاتية
اما الأمطار فلم أجربها حتى الآن

واليكم مواصفاتها كما ذكر في النشرة المرفقة معها .

http://www.mekshat.com/pix/upload/images14/mk21540_image(233).jpg


وبالتوفيق
شاص
12/02/2006, 09:22 PM
أخوي محتري السيل .. جزيت خيراً معلومات كافية ووافية ..
بالنسبة لعدم ثباتها بالرمل هل المشكلة من الأوتاد اللي تجي مع الخيمة لأني أعرف أن السنيدي يحط الأوتاد صغيرة فلو استبدلت بأوتاد العرب الكبار هل ستحل المشكلة ؟؟
هل تنصح بالخيمة وإلا ؟؟
علي الشايع
13/02/2006, 12:34 AM
السلام عليكم مساء الخير اخوي الشاص الخيمة حليوه وتفي بالغرض وأنا ممن اقتناها لكن يعاب عليها ردائة الخياطة حيث أنها مع الشد المتوسط تتمزق زواياها .
لكن الحل هو أنك تحط لها حزام وتخيطه مكان الخياطة السابقة .
وأنا جربتها بوقت المطر وكانت عملية .
أرجو لك التوفيق بالإختيار السليم والصحيح والعملي أيضاً .
علي الشايع
13/02/2006, 12:40 AM
أخوي الشاص بالنسبة للأوتاد اللي معها ما تنفع أبد لكن تقدر تستفيد منها في تثبيت رواقات الخيمة من الداخل لكن بالنسبة لمسألة الرمال فهناك حل عملي ومجرب وهو أنك تأتي بأي كسرة خشبة تقارب 30سم وتربط الحبل فيها ثم بعد ذلك تحفر لها حفرة وتضع الخشبة بالحفرة وتدفنها فتكون عملية الشد قوية جداً .
يعني خيم بالنفود وأنت مطمئن يا الشاص .
شاص
13/02/2006, 12:07 PM
أخي أسير الهيش .. بيض الله وجهك وجزاك خير على النصيحة
الضاري
14/02/2006, 11:51 PM
بصراحة أنا غيرت نظرتي لخيام السنيدي

أخذت منهم خيمة التنهات ومكتوب على الشنطة انة ضد المطر حتى مع المخيط

وسألت اللي بالمحل وقال مثل اللي مكتوب على الخيمة

المهم شرطت عليهم أذا فيها تهريب أرجعها لهم

ورحت لسامودة وصارت علينا الخيمة مصيبة من المصايب

لأننا معتمدين عليها بعد الله سبحانة وتعالى من المطر

المهم جمعناها بشنطتها ورجعناها لمحل السنيدي وأخذنا دراهمنا

وخوفي أن هالخيمة تصير مثل خيمة التنهات

لكن أشوف رأي أخوي أسير الهيش مختلف وهو أبخص لأنة مجرب الخيمة وأعطى رأية بصراحة
راعي الزين
19/02/2006, 09:19 AM
ياســـــــــــــــــــــــــــــــلام,,,,
جلمود1
20/02/2006, 07:20 PM
شكلها ممتازه وشكلي ابشتري مثلها
سحاب1111
04/03/2006, 11:48 AM
مشكووووووووووووووووووووووووووووووووور
بن فيصل
04/03/2006, 12:19 PM
مشكور يالحبيب
عزوز الليل
14/03/2006, 11:50 AM
أخوي شاص ان كانك شريت عطنا رايك فيها
عمار السفينه
14/03/2006, 05:36 PM
عطنا الراي يامن جربها
الشقردي
18/03/2006, 02:00 PM
يا قربها من خيام التوافق الاوله
راعي العوجاء
18/03/2006, 06:07 PM
شكلها مو مره يشجع
المموه
22/03/2006, 01:03 PM
عاد تبون الخيمه اللي ماعليها كلام لامطر ولا عج وتطقه بأي مكان وخفيفه وحجمه مثل الفراش وعندي له اكثر من عشر سنوات كل من شافه راح اشترى مثله . توجه الى مصنع توافق للخيام مخرج 10 الدائري الشرقي ووجهك غرب ادخل اول فتحه بالخدمه يجيك على اليمين مقابل مركز الامير سلمان حتى لو تبي تفصل بمواصفات معينه هم مستعدين . الخيمه عمدانها المنيوم ورواقاتها مشبوكه معها ومقاسات وثلاث الوان رملي زيتي ابيض ومقاسات . بس فيه ملاحضه هم يحطون الرواق واحد متر خله متر ونصف .
الصاروخ
03/04/2006, 01:58 PM
مشكور يشاص انت تسال عنه


انا شريته من السنيدي الي في الغرابي في الرياض في الجه الجنوبيه ب750ريال في 23\2\1427ه

بس مابعد ركزته ولالقيت الالون زيتي خارجي والداخلي سدو اصفر
الضرغام
05/04/2006, 01:03 AM
شاص
مشكور على هذا الموضوع والله يعطيك ألف عافية

محتري السيل

مشكور أخوي على ردك الرائع بالفعل والجميل
والله يعطيك ألف عافية
بس ليتك توصف المحل اللي يبيعها
وهو(( محل القناص في الدمام ))

مع خالص الشكر والتقدير
mmalmousa
06/04/2006, 01:54 PM
السلام عليكم ورحمة الله
اولا : لي ملاحظه وهي ان المشرفين على الموقع جزاهم الله خير يزعلون لي عملت دعايه لأي محل او أي سلعه سواء بقصد أو بغير قصد يحذفون ردك ويكتبون بالبنط الاحمر العريض " مخالف لشروط الموقع " وهنا أشوف ان المشرفين بارك الله فيهم راضين ما ادري هل بعض الأعضاء عندهم واسطه ؟ ولا ما دخلنا مزاج المشرفين ؟

عموما الخيمه شكلها ممتاز وخفيفه وحقت طلعات خفيفه وشكلي با اخذ لي وحده منها ان شاء الله .
وشكرا على هذه الدعايه :) .
المموه
10/04/2006, 08:33 AM
هذه وانا اخوك لاتعتبر دعاية لمحل ولا غيره . بعض الاشياء تكون محدوده وتباع في اماكن معينه ولا بد انك توصف مكانها اثناء طرحك للموضوع . فلو مثلا... نزلت صوره خيمه وكتبت انها افضل خيمه ومواصفاتها جيده . ماذا ستقول لمن يسأل عنها انك شاريها من الصين . اكيد تبي تقول انها عند احد المتخصصين بصناعتها . وهذا يشمل كل ما يخص الرحلات اذا سئلت عن شي معجبك بعد طرحك له يجب عليك ان توصف المكان وتعطي الاسم ايضا . لذا لأ اعتقد ان ماذكر اعلاه دعايه . علما ان اكثر الاعضاء لا ناقة لهم ولا جمل بهذه المحلات مجرد يدفعون ويستلمون حاجتهم . بالاضافه انك ذكرت ان الخيمه اعجبتك وستشتري واحده ؟ طيب لو وضعت الصوره والمواصفات ولم يذكر اين تباع او من هو وكيلها كيف ستقوم بشراءها !!!.
هاوي خلا
10/04/2006, 09:07 AM
الأخوة شاص والاخ محتري السيل ((علشانه نزل الصور )) جزاكم الله خير والله يا أخي الصراحة الخيمة ماهي إلى هالدرجة والظاهر ان خيمة البيرق حقت القاضي أجمل واكثر عملية ، وانا ياجماعة مانا راعي خيام انا فراشي وعزبتي بالسيارة اذا اعجبني مكان قعدت فيه وارحل من مكان لمكان .
المهم الاسبوع اللي راح رحت للقصيم ومريت السنيدي ومالي حاجة وعزبتي شبه كاملة ولكن ما طلعت منه الا شاري بآلف ريال أجل اللي يبي يأسس عزبة جديدة وش يبي يصرف ، الصراحة عندهم كل ما يتمناه كشات ما بقى الا خويك يحطون له شراع على شان تكيسه فيه ، ما خلو شي .
أخوكم / هاوي خلا .
mmalmousa
10/04/2006, 02:19 PM
السلام عليكم ورحمة الله
الاخ المموه : معليش كلامك اولا لم يقنعني وياليت لو دعمت كلامك بدليل من شروط الموقع ثم يا اخي الفاضل ان لم تكن هذه دعايه لمنتج فبالله عليك صف لي معنى "دعايه" .. ثم ان الاسباب التي ذكرتها لا تقنع احد فعندما تقول :(( فلو مثلا... نزلت صوره خيمه وكتبت انها افضل خيمه ومواصفاتها جيده . ماذا ستقول لمن يسأل عنها انك شاريها من الصين . اكيد تبي تقول انها عند احد المتخصصين بصناعتها )) يعني بكره احط كل المنتجات اللي تعجبني واكتب في بداية الموضوع ( افضل منتج على الاطلاق ) هل يسمح لي مشرفي الموقع بالدعايه ؟! عجيب !!!
الغريب يا اخ مموه اني صادفت نفس المشكله باني طرحت موضوع في هذا المنتدى وسالني احد الاخوه عن بعض القطع "التي لاناقة لي فيها ولا جمل كما تقول " ومن باب المساعده دليته على منطقه تباع فيها هذه القطع وهو سوق بالرياض "وليس محل معين" فتم حذف الرد ووضع على الرد العباره " مخالف لشروط الدعايه والاعلان في الموقع " ما قلت لك ما دخلنا مزاج بعض المشرفين ؟!
عموما اخي الكريم هذا من احد اسباب انسحابي من هذا الموقع ورجعت لهذا الموقع بالصدفه وللإستفادة من مواضيع بعض الاخوه الاعضاء القديمة والخروج ان شا الله من هذا الموقع وعدم المشاركه فيه مجددا ان شا الله .. ومشاركتي هذه اتت بعد ان رأيت عدم الانصاف والمساواة بين الاعضاء فاحببت التوضيح والاعتراض في نفس الوقت .
السلام عليكم ورحمة الله .
الضاري
10/04/2006, 10:35 PM
الصراحة عندهم كل ما يتمناه كشات ما بقى الا خويك يحطون له شراع على شان تكيسه فيه ، ما خلو شي .
أخوكم / هاوي خلا .

ههههههههههههههة

الله يرج عدوك

عزالله أنك صدقت

تحيتي
أخوك / الضاري
الطعس الذهبي
10/04/2006, 11:09 PM
الصور ماطلعن
راعي العالياء
15/04/2006, 06:20 AM
السلام عليكم الخيمه زينه وسعرها مناسب والله يعطيك العافيه
sohib
20/12/2006, 11:57 PM
ليش ارتفع سعره عند السونيدي اصبحت 780
معالي الوزير
22/12/2006, 02:02 AM
السلام عليكم

يا أخوان اللي مجرب الخيمة يقول لنا الله يوفقه

وياليت تعطونا رقم المحل اللي يبيعها بالرياض

وشكراً .
مجنون تميم
22/12/2006, 04:18 AM
جميلة جداااااا مشكور على الصوره
ابونايف 2010
24/12/2006, 01:11 AM
مسأكم الله بالخير من تجارب سابقه للخيام وجدت افضل الخيام سهلة التحميل والتركيب وذات جوده عاليه لايمكن بمشئية الله عز وجل تسرب المطر حتى لو استمر فترة طويله وسعرها 1200 مقاس 3*3 تأخذ 6 أشخاص خيمة توافق
مداوي الهلي
24/12/2006, 10:23 PM
اللي يسأل عن خيمة الأندلس ومن واقع تجربة شريتها يوم الأربعاء الماضي من محلات الرجم بالدمام بـ 750 ولا أمسيت إلا في النعيرية المهم مالكم في الطؤيلة يوم شدينا الحبال وطرررررررررررر تنفتق الخيمة من الزاوية طبعاً بلعتها ونمت وفي اليوم الثاني جيت أفك عمدان المزيونة وما وعيت إلا والعامود ينكسر من فوق مكان تثبيته بالخيمة ومالكم في الطويلة ويوم حطينا الجنازة مدري الخيمة في الكيس المخصص لها واسحب السحاب وما وعيت الا والسحاب مجاوب معي واذا هوبين اصابعي ، نسيت اقول لكم اني في تلك الليلة متت من البرد مع اني متلفلف في سليب باق :j ، ميزتها خفتها وصغر حجمها بعد التصفيط
حريقي دوت كوم
24/12/2006, 10:58 PM
والله حلوة الخيمة اخةكم حريقي دوت كوم