المساعد الشخصي الرقمي

مشاهدة النسخة كاملة : ظاهره في سماء الرياض الساعه 7 الا عشر دقائق حدثت امس واليوم لا أعرف ماهي !!


أبوعبدالرحمن الأسعدي
17/10/2011, 07:58 PM
السلام عليكم ورحمه الله وبركاته

يا اخوان أمس الساعه 6 ونص او تزيد تقريبا مساءا كنت راجع من عملي وكنت في حي الروابي واشوف من جهة الأفق الشرقي نجمتين وحدة فوق الثانيه لونهن غريب برتقالي ساطع جدا(شبيه بأنوار الشوارع تماما ) وكأنهن ينزل بشويش واستمر هالوضع لمدة تقريبا دقيقه او اكثر ثم اختفا الشعاع الي تحت وبقي الي فوق وتشوفه ينزل على خفيف مره بشكل ملحوظ ولكن نزول ببطئ شديد جداً علما ان كل الشعاعين او النجمين يومضن يعني يزيد السطوع ثم يخف وعلى هالحال ..!!!

واليوم او قبل قليل وتحديدا الساعه 6 و50 دقيقه تقريبا مع اذان العشاء شفت نفس الي شفته امس وفي نفس المكان وركض والقط الدربيل وابدأ بالرصد :good2: وفجأه اشوف الشعاعين وقد اختفى الاول واشوف دخان خلفه يشبه لدخان الشهاب والشعاع الثاني باقي له شوي ويختفي ومازال يومض حتى اني اشوف الدخان خلفه واضح ... السؤال فيه احد شاف الي شفته !!؟؟ وهل هو نيزك او صاروخ او طيارة او ايش !! طبعا مستحيل يكون طيارة او اي شي صناعي ..!

هذي صوره قمت بتصميمها بالفوتوشوب وهي تقريبيه لما شاهدته

* عفواً النجمه الي علي اليمين انا كتبت المريخ وانا اقصد المشتري..

http://www.mekshat.com/pix/upload05/images230/mk65196_1234321.jpg
اديب بن صالح
17/10/2011, 08:29 PM
السلام عليكم اخوي

طبعا في هذا الوقت من كل سنه حسب الجدول التالي

http://www.lakii.com/img/all/Jul07/5UEWf207191713.jpg

والله آعلم اذا رأيت مثل ما رأيت خلال الليله والليالي القادمة

فأنها بداية مقدمات زخات شهب الجباريات نسبة لكوكبة الجبار


http://www.mekshat.com/pix/upload05/images230/mk37415_gabar.jpg



يشاهدها من يستخدم جهاز سيتاليريوم ايضا
talalonazi
17/10/2011, 08:35 PM
السلام عليكم
هذي طال عمرك قنابل مضيئه تستخدم في مناورات تدريبيه للحرس الوطني شرق الرياض
أبوعبدالرحمن الأسعدي
17/10/2011, 08:38 PM
هلابك اخوي اديب

يالنسبه لقولك انها شهب الجباريات ماعتقد والله العالم . .. لاني بحثت ووجدت انهن نفس الشهب العاديه ونفس السقوط والسرعه ولونهن ابيض ساطع وهذا يخالف ماشاهدته تماماً

عموما مشكور على مرورك
اديب بن صالح
17/10/2011, 08:40 PM
اخوي طلال كيف مضيئة وهو يقول تلاشت واختفت


اخوي الزبير حدد موقعك بالضبط وجميل انك حددت الجهة والوقت ايضا


لكن بالمناسبة شهب الجباريات هذا هو وقت سقوطها طال عمرك
أبوعبدالرحمن الأسعدي
17/10/2011, 08:42 PM
السلام عليكم
هذي طال عمرك قنابل مضيئه تستخدم في مناورات تدريبيه للحرس الوطني شرق الرياض

ايه هذا العلم ولا يهون اخوي اديب ..

انا ياخوي مادري وش جاني حسيت اني بنهبل معقوله ماحد شاف الي شفته ههههه ماخليت موقع فلكي مادخلته ولا فيه احد ذكر الي شفته.. انا قلت يمكن قمر صناعي شاق الغلاف الجوي ولا نيزك ولا شي فلكي

الي خلاني اجزم ان هااللي شفته هو في خشم العان :D ماله اي علاقه في الفلك والأنواء اذكر كنت على خط السريع الرياض-القصيم واشوف نفس الي شفته هالحين ولكن كانت تصعد للسماء عكس هذي وفيه دوي انفجارات تسمعها بعد ماركنت سيارتي وقمت اصور ..!

شكرا لك وماقصرت
أبوعبدالرحمن الأسعدي
17/10/2011, 08:43 PM
اخوي طلال كيف مضيئة وهو يقول تلاشت واختفت




اخوي الزبير حدد موقعك بالضبط وجميل انك حددت الجهة والوقت ايضا



لكن بالمناسبة شهب الجباريات هذا هو وقت سقوطها طال عمرك




موقعي طال عمرك حي الروابي امام حديقه ابي القاسم بالضبط والمشهد كان جهة الشرق في لبه السماء ...!
talalonazi
17/10/2011, 08:47 PM
اخوي اديب انا في شرق الرياض امس وفعلا شفتها فوق شبك الرمايه التابع للحرس الوطني شرق الرياض. وماهي اول مره دايم نشوفها. وهي قنابل مضيئه تطلق و تضيئ لمده لا تتجاوز الدقائق المعدوده اثناء نزولها البطيئ الى الارض. وتنزل وهي معلقه ببرشوت صغير.
اتمنى اني افدتك
اديب بن صالح
17/10/2011, 08:54 PM
ممتاز سؤالكم اجل ووصولكم اعتبره فرصه ودعوة لمشاهدة شهب الجباريات

كما ذكرت في الجدول بالصورة في الاعلى :)

وهي بقايا حطام مذنب هالي الذي تقترب الارض من مداره فتخترق الغلاف الجوي وتحترق

بالتوفيق
أبوعبدالرحمن الأسعدي
17/10/2011, 09:01 PM
شكرا لك اديب بن صالح ولك اخي طلال

بالنسبه لمذنب هالي اذكر اني شفته لمده شهر كامل بدربيل الوالد الله يرحمه (علما انك تقدر تشوفه بوضوح عالي جدا بالعين المجرده) وكان هالكلام من سنين والله ماذكر تقريبا 20 او أقل أو أكثر مادري بالضبط لكن كأنه الان قدام عيني وكان جهة الشرق ايضا (بس ماهو حول خشم العان ولا اليه لابارك الله في قنابلهم الي خلتنا نسوي سبق علمي على الفاضي :D)
المهم كنت كل ماطلع مع الوالد رحمه الله للمسجد لصلاة الفجر اشوفه واذا رجعنا اخذ الدربيل وابدأ بالرصد كان منظره رهيب ومهيب في نفس الوقت

هذي صوره للمذنب وهي لنفس المشهد اليومي بالضبط من غير زياده ولا نقصان .. سقا الله ذيك الأيام

http://homepage1.nifty.com/oku896onsen/astronomy/comet/Halley.jpg
اديب بن صالح
17/10/2011, 09:15 PM
الله يغفر لوالدك ويرحمه ويسكنه جنات النعيم

أجمل مافي الامر هو ان مناسبته شواهد [ كلها معاينة ] والعلم يثبت بالمعاينة آكثر من الخبر

بيض الله وجهك
راعي الغنمات
17/10/2011, 09:15 PM
هذي قنابل مضيئه تطلق و تضيئ لمده لا تتجاوز الدقائق المعدوده اثناء نزولها البطيئ الى الارض.ونستخدمها دائماً في ميادين الرماية فوق خشم العان اثناء التدريبات اليلية
ابو محمد 276
17/10/2011, 09:16 PM
اخوي الكوكب اللي انت تقول انة المريخ تراة المشتري يا غالي ولو عندك تيليسكوب ما راح تنزل عينك من جمالة هو واقمارة الاربعة بارك الله فيك
من بني ازد
17/10/2011, 10:19 PM
بكم هو به هالتلسكوب؟
يكفيني نظرة
17/10/2011, 10:25 PM
انا شفتهن اليوم قبل اذان العشاء وانا عند كلية المعلمين..
البواردي.
17/10/2011, 10:30 PM
اليوم بعد صلاة المغرب شاهدتها وكانت 4 ثنتين تحت وثنتين فوق وشوي ويختفي منا واحده
ابو محمد 276
17/10/2011, 10:30 PM
بكم هو به هالتلسكوب؟

هو انواعة كثيرة في الرخيص وفي الغالي والمتوسط يبداء من 500 ريال تليسكوبات صغيرة الى 20000 الف ريال انا اخذت واحد قيمتة حول 2000ريال وفية افضل منة ب 3000 ريال بالتوفيق
meezaan
17/10/2011, 11:35 PM
الله اعلم

يمكن فلاش ساهر لقطله طياره:D
هذلي مكه
18/10/2011, 12:04 AM
سبحان الله
storm way
18/10/2011, 12:17 AM
مثل ما قالو الاخوان

هذي قنابل مضايه تجدها دائم في الاماكن المعزوله او التدريب

وبالنسبه لي شفتها اكثر من مره لونها برتقالي

وشاهدتها بالعين المجرد من مسافه بعيده

وفي احد المرات تم التبليغ عنها

وافادو انها قنابل مضياه يتم استخدامها للبحث عن الاشياء المفقوده

والمكان اللي شاهدت فيها هذا الاضاء كان ثاني يوم لا سقوط طائره حربيه عندنا بالشرقيه
خالد البدائع
18/10/2011, 12:57 AM
اخوي اللي أنت شفت مع الوالد الله يرحمه مو مذنب هالي
بل هو مذنب هايل بوب و كان عام 1417
و هذا الرابط يفيدك
http://www.mekshat.com/vb/showthread.php?t=350805&referrerid=140127
أبوعبدالرحمن الأسعدي
18/10/2011, 02:07 AM
حياكم الله وبياكم جميعا

اخوي الغالي خالد البدائع اهم شي انه مذنب وشفته على الطبيعه عاد اسمه هالي ولا هايل ولا ابو جلمبو اهم شي شفناه ويالله لك الحمد عاد يقولون مايطلع الا كل 82 سنه يعني يمديني افقش على عيالي وعيال عيالي وابهر السالفه ويمكن اقولهم اني شفت يحوم على البيت ..الخ ماحد يقدر يقول تسذب ههههه !! والوعد بعد 82 سنه يمديهم نسوا السالفه ..:D

انا الي قريت بالرابط يقولون انه جهة المغرب وينشاف قبل الغروب لكن الي انا اشوفه مع اذان الفجر وجهة الشرق وانا متأكد مليون بالميه انه من جهة الشرق لان باب بيتنا شرقي واول ماطلع اشوفه قدامي :p عاد يمكن يمشي مثله مثل النجوم الى حول المغرب ويصير جهة الغرب هذا والله اعلم ونفع الله بعلمي الاسلام والمسلمين :D
Dr.3li
18/10/2011, 08:35 AM
بارك الله فيك أخوي - الزير أبوحميد -

اسمحلي أزودك من الشعر ( صورة )

هذه صورته وحيدا
http://www.m5zn.com/uploads2/2011/10/17/photo/1017112210025qjcf8nr8p5ikpb2.jpg (http://create-avatar.m5zn.com/)

وفي الوسط صورته مع رفيقه
http://www.m5zn.com/uploads2/2011/10/17/photo/1017112210023ztx106b2u9rduwy.jpg (http://create-avatar.m5zn.com/)

صورة أخرى لهما
http://www.m5zn.com/uploads2/2011/10/17/photo/1017112210022nb1hgioywtxg.jpg (http://create-avatar.m5zn.com/)

صورة أقرب ( ويظهر فيها انطفاء الي تحت واحمرار الي فوق )
http://www.m5zn.com/uploads2/2011/10/17/photo/101711221002fjeuw1kpzk5h.jpg (http://create-avatar.m5zn.com/)

صورة لهم الثلاثة أقرب
http://www.m5zn.com/uploads2/2011/10/17/photo/101711221002hgkou3wjt.jpg (http://create-avatar.m5zn.com/)

صورة لهم الثلاثة أبعد
http://www.m5zn.com/uploads2/2011/10/17/photo/1017112210026yvd79k30gff2ulnte9.jpg (http://create-avatar.m5zn.com/)






المعذرة على رداءة الصور لأنني صورتها بجهاز (آي باد) وعلى عجاله
لكني استغربت اليومين الفائتين جدا

وأنصح الفلكيين وأصحاب التليسكوبات بالتأكد اليوم المغرب من هذه المضيئات والتصوير إن أمكن
وهو كا قال الأخوة بالرياض جهة الشرق

وشكرا أرجو أني أفدتكم بالصور
ركن العز
18/10/2011, 01:33 PM
انا كنت ماصدق بالسوالف هاذي الا اني شفت بعيني مرتين انوار في السما لاهي طياره ولاهي من صنع البشر وليس لها صوت وقريبه
أبو مهند الزهراني
18/10/2011, 01:38 PM
يوم الجمعة الماضي ومع اذان المغرب
شيء مضيء يتجه من الجنوب الغربي إلى الشمال الشرقي يشبه الزهرة لكنه اشد اضاءة واستمر اقل من دقيقة حتى اختفى
الشباب اللي معي قالوا : هذا قمر صناعي
فما هو هذ القمر ؟
ابو ثآمر
18/10/2011, 01:40 PM
حتااء أ،ا شفتهااا وانا رااايح يم الآستراااحه وراااء الفحص ووقفت ودربلتها بالدربيل احس اناها لهب نااار

مدري تقووول العاااب ناااريه بس بين اللهب فيهااا
تثول شبت ناار
مشقاح
18/10/2011, 03:30 PM
لقد رايتها بالشرقية "القطيف"قبل اذان المغرب ب 3 دقائق تقريبااستمرت دقيقة تقريبا وكانت جهة الشرق مائلة قليلا للجنوب وكان واضحة جدااااااا وبرتقالية
مشقاح
18/10/2011, 03:35 PM
[B][CENTER]بارك الله فيك أخوي - الزير أبوحميد -

اسمحلي أزودك من الشعر


[SIZE="5"]المعذرة على رداءة الصور لأنني صورتها بجهاز (آي باد) وعلى عجاله
لكني استغربت اليومين الفائتين جدا

وأنصح الفلكيين وأصحاب التليسكوبات بالتأكد اليوم المغرب من هذه المضيئات والتصوير إن أمكن
وهو كا قال الأخوة بالرياض جهة الشرق

وشكرا أرجو أني أفدتكم بالصور


مشكور اخوي وما قصرت على التصوير السريع :good2::good2:
سبحان الله نفس ما كنت اشاهده بالشرقية تماما
تحياتي لك
لاند93
18/10/2011, 03:55 PM
شف ذا الرابط يمكن يفيدك,,,

http://www.sabq.org/sabq/user/news.do?section=5&id=31942
الثلج الدافئ
18/10/2011, 04:08 PM
هذولا الحرس الوطني يرمون انا اشوفهن واضحات من قدام بيتنا .