يوسف الخليفة1
17/10/2011, 08:36 PM
بسم الله الرحمن الرحيم
السلام عليكم ورحمة الله وبركاته
قالوا لي كيف تسج وحدك بالاقفار=كيف اتهنا في بعيد المشاوير
قلت اسمعوا يا ناس لاسباب الاسرار=يوجد دوافع للفتا ترفد السير
الرافد الاول ترا القلب صبار=لو شاف من ضيم الدهر يرجي الخير
لو ياطا بالمخمص على راس مسمار=ما قال آهن لو تزيد المسامير
والثاني كيف البال مع كل مشوار=حب الصحاري لو عليها المداهير
يحبها حب الحجازي للابحار=وحب الشمالي للفياض المزاهير
وحب اهل نجدن لزخات الامطار=وحب الجنوبي للرجوم المعاسير
وحب الحساوي للنخل داخل الدار=وحب القصيمي للزروع ومشاجير
والثالث الدين النقي درب الاخيار=يريح نفس العبد من دون تكدير
هذي ثلاث تخلي البال جسار=ما يرتخي عزمه بعسر المداقير
ما كل سجه تلقا من صاحبن بار=نوابات لو بالمال ما تكسب الغير
لا تحسب انه عيب حذراك تحتار=هذي هي الدنيا لموم وشعاثير
جرب كلامي وانته بكيفك اختار=عقلك دليلك وانهج بحسن تدبير
يا زينها بالبيدا نوهات الاسفار=في خاليه ما فيها يدوي سوا الطير
فيها الحطب وافر بها تشعل النار=من ضوحها يضوي عليك المسايير
والدلة الصفرا بها بن وابهار=واعنيبسين مستطيبن بتخدير
هذي هي الدنيا ليالي وتذكار=مردها وانعامها للمدابير
ما يبقا غير الحي بالعرش جبار=الواحد المعبود من دونه نحير
يوسف الخليفة ( أبو عبد الله )
السلام عليكم ورحمة الله وبركاته
قالوا لي كيف تسج وحدك بالاقفار=كيف اتهنا في بعيد المشاوير
قلت اسمعوا يا ناس لاسباب الاسرار=يوجد دوافع للفتا ترفد السير
الرافد الاول ترا القلب صبار=لو شاف من ضيم الدهر يرجي الخير
لو ياطا بالمخمص على راس مسمار=ما قال آهن لو تزيد المسامير
والثاني كيف البال مع كل مشوار=حب الصحاري لو عليها المداهير
يحبها حب الحجازي للابحار=وحب الشمالي للفياض المزاهير
وحب اهل نجدن لزخات الامطار=وحب الجنوبي للرجوم المعاسير
وحب الحساوي للنخل داخل الدار=وحب القصيمي للزروع ومشاجير
والثالث الدين النقي درب الاخيار=يريح نفس العبد من دون تكدير
هذي ثلاث تخلي البال جسار=ما يرتخي عزمه بعسر المداقير
ما كل سجه تلقا من صاحبن بار=نوابات لو بالمال ما تكسب الغير
لا تحسب انه عيب حذراك تحتار=هذي هي الدنيا لموم وشعاثير
جرب كلامي وانته بكيفك اختار=عقلك دليلك وانهج بحسن تدبير
يا زينها بالبيدا نوهات الاسفار=في خاليه ما فيها يدوي سوا الطير
فيها الحطب وافر بها تشعل النار=من ضوحها يضوي عليك المسايير
والدلة الصفرا بها بن وابهار=واعنيبسين مستطيبن بتخدير
هذي هي الدنيا ليالي وتذكار=مردها وانعامها للمدابير
ما يبقا غير الحي بالعرش جبار=الواحد المعبود من دونه نحير
يوسف الخليفة ( أبو عبد الله )