الدعاسه عيفتني الشاص

[دروب السيار]

هل دعاسة الشاص 2011م لها حل ,يعني استبدالها بعاديه ويصبح عزمه مثل 2009م تراي زهقت منه وافكر ابيعه

[zulfi]

حسب علمي إنه ماهو من الدعسه البلا كله من المكينه الراسين,والكثير يعاني منها خاصه راعين النفود.

[خبايا انسان]

ياخوي بالنسبه للدعسه طبيعييييييه جدا جدا


اللهم الاختلاف : الموديلات السابقه الدعسه حقتها ( سلك )

والموديل الجديد الي معك : الدعسه كهرب

ف عشانك متعود على الموديلات السابقه ( دعسه سلك ) , تحصل نفسك متضايق من دعسه الكهرب .. مع الوقت راح توزن الدعسه وتتعود , , ارجوا اني افدتك

[الا سير]

كم له الجيب معك ؟
مثل ماقالوا الشباب اصبر شوي
راح تتأ قلم على استخدامه

[مسافر الشمال]

الدعاسة الكهربائية تتاخر قليلا في الاستجابة بعكس العادية والتي تكون مع حركة القدم
اما استبدالها فـ يبيلك تغيير للمكينة :)

[شفت]

حسب مااعرف ان بالقصيم حولوا دعسة الكهرب عاديه مثل القديم وصار العزم مايحتاج

[MRW]

فيه واحد بالقصيم ذكره أحد الأعضاء اسمه وليد الصمعاني

على ما أذكر الظاهر انه صاحب تشليح أو كهربائي ما أذكر بالضبط


لكن يحول الدعسه الى عاديه ويلغي الكهرب بحدود 600 ريال

والرجال يمدحه وانا ما جربت لكن اذا ضبطت معاك عطنا العلم الأكيد


تحياتي لك وللجميع