أم صتمة الغازية (CROSMAN 1077) ومعلومات عنها

[oO BANDR Oo]

السلام عليكم ورحمة الله وبركاته
انا عندي موضوع وحبيت اطرحه في هذا الموقع الرائع واكثر من رائع :)
الا وهو عن أم صتمة اللي تعمل عن طريق الغاز (CROSMAN 1077) اللي تنباع في صاب
انا كنت ادور عليها عندنا في السعودية من يجي سنتين ولا حصلتها ابد :( وفي يوم من الايام وانا في الكلية دخلت مع خويي في سالفة عن الصيد وفجأه :eek: قال لي فيه ام صتمه جديدة قلت وشي؟؟ قال تطلق 12 طلقة ورا بعض قلت لا تكون ام صتمه الغاز قال الا بلا وياليتكم شفتو وجهي ذاك اليوم بغيت اتشقق من الفرحه :D قلت له وينهي فيه قال في محل صاب اللي على شارع الاربعين في النسيم مقابل الرميح .
ماصدقت خبر ودقيت سلف وسحب على المحاظرة الاخيرة ورحت يمهم وببعد عناء مع الزحمة اخيرا وصلت نزلت لهم وكلي آمال دخلت عندهم قلت فيه البندق اللي تشتغل عن طريق الغاز قال ايه . قلت عطنيها يوم شفتها بغيت انصدم حللوة وخفيييفة مره تقريبا وزنها 2 كيلو. صناعتها امريكية والشركة اللي صانعتها (CROSMAN) والموديل 1077 قلت له بكم قال 900 ريال!!!؟؟ :(
بعد هالسالفة قلت ماراح اشتريها لين ابحث عنها واشوف وش مواصفاتها قريت في الانترنت ان قوتها نفس قوة الديانا 27 قلت حلو اخليها للدخل . لاكن خل ابحث عن سعرها في الدول المجاورة . بحثت عن السعر في دولة الكويت الحبيبة لقيتها عندهم تنباع من 40 الى 45 دينار يعني تعادل بالريال السعودي 600 ريال وفوق كذا معها دربيل و 400 صتمه وجفير و10 علب غاز!!!!!!
واللي عندنا صاب يقول معها 500 صتمه و خمس علب غاز... وسعرها 900 مأقول الا حسبي الله عليكم :mad: كل هذا طمع في الشعب السعودي اللي صار ينسرق من كل جهه ولا حسيب ولا رقيب .

ما ابغا اطول عليكم هذي مقاطع للبندق من اليوتيوب تبين سرعة الطلق وطريقة تعبية السلاح بالغاز والصتم بصراحة حلوة بس غالية عندنا


المقطع الاول يبين فيه كيفية تركيب الغاز والصتم
J3uBHGEvgRg

المقطع الثاني يبين فيه سرعة الطلق وهي سريعة مررة اعذروني على صفاوة المقطع
GVQw9g_MKYg
واللي يبي يشوف مقاطع اكثر عنها يكتب في اليوتيوب CROSMAN 1077

رأيي فيها ان البندق حلوة ومريحة اكثر من بنادق الكسر العادية بحيث انها تشيل في البكرة الوحدة 12 طلقة وللمعومة علبة الغاز الصغيرة هذي تطلق 50 الى 60 طلقة عشان تخلص
وقوتها حلوة للدخل

اللي ابيه منكم يا شباب رايكم فيها وهل سعرها مناسب علما انه سعرها في الكويت مايتعدى 600 ريال وعندنا في السعودية 900 ريال

السؤال الاهم للي عنده معرفه هل أستطيع أني ادخلها من الكويت للسعودية او طلبها هل بتعصلج مع الجمارك ولا لا؟؟؟؟
وفي الختام اسأل الله ان يبارك في هذا المنتدى الرائع وبأعضائة الكرام

[ابو بدر العتيبي]

الله يستر عليك يابندر حلوه جداً

[magnum 350]

السلام عليكم
كيف حالكم يالغالين ان شاء الله بخير
هي مشكلتها الوحيده قوتها ماهي هاك الزود وفيها مشكله ثانيه يقولها لي صاب الي في الخرج وانا مسير عليه هاك اليوم ادور لي شي جديد وزين قال لي هذي زينه بس بيني وبينك ترى فيها تنسيم وبعد كم طلقة تضعف قوتها على شان الغاز يبدا يفضى هذا والله اعلم ارجو اني افدت يالغالين

[مبكي الصبر]

السلام عليكم ورحمة الله وبركاته

بالنسبة للسعر انت لو تدخل موقع الشركة الرسمي راح تلقى سعرها 74$
يعني 74×3.75 = 278 ريال !
على العموم الموقع فيه انواع كثيرة وقوية أكثر من اللي تفضلت وعرضتها

شكراً لك

[oO BANDR Oo]

الله يستر عليك يابندر حلوه جداً

حياك ربي يا بعدهم اهم شي نها عجبتك

[oO BANDR Oo]

السلام عليكم
كيف حالكم يالغالين ان شاء الله بخير
هي مشكلتها الوحيده قوتها ماهي هاك الزود وفيها مشكله ثانيه يقولها لي صاب الي في الخرج وانا مسير عليه هاك اليوم ادور لي شي جديد وزين قال لي هذي زينه بس بيني وبينك ترى فيها تنسيم وبعد كم طلقة تضعف قوتها على شان الغاز يبدا يفضى هذا والله اعلم ارجو اني افدت يالغالين

وعليكم السلام
حبيب قلبي انا ماقلت انها قوية عشان كذا قلت انها تنفع للدخل والطيور الصغيرة لأن الدخل ماراح تصيده على بعد 30 متر اكيد بتكون حدر طلحة وبيكون بعدها بالكثير 10 متر يعني البندق مناسبة جدا لمثل هذي الحالة
واذا كان على التنسيم لايهمك كلام هالمصري اللي عندك لأنها جديدة عليه ولايعرف عنها شي كثير
وعشان التنسيم تراهم يبيعون وانا اقصد بتراهم الديار اللي برا يعطونك معها عصار زي الشحم تحطه على راس علبة الغاز علشان تضمن انها ماتهرب واذا كان على انها تضعف بعد كم طلقة اقول لك غلطان لان كل ما تطلق طلقه يتعبا غاز في المخزن وهي في الموقع يقولك تطلق 50 الى 60 طلقة بنفس قوة اول طلقة بعدها رح تضعف ضعف واضح مرره يعني غير العلبة الله لا يهينك

وتسلم ع المرور واعذرني على الاطالة بس حبيت اوضح لك بعض الامور

[oO BANDR Oo]

السلام عليكم ورحمة الله وبركاته

بالنسبة للسعر انت لو تدخل موقع الشركة الرسمي راح تلقى سعرها 74$
يعني 74×3.75 = 278 ريال !
على العموم الموقع فيه انواع كثيرة وقوية أكثر من اللي تفضلت وعرضتها

شكراً لك

وعليكم السلام
ياحبيب قلبي انا عارف ان سعرها في الموقع كذا لاكن ما باليد حيلة وانا اخوك
هذا جشع التجار اللي عندنا كلن قام يزود والشعب ماكلها مايدري وين يشكي وان شكى لحقوق المستهلك قالوله يصير خير >>>>> انا ما ادري وش شغلتهم حقوق المستهلك احس اللي بيشتغل عندهم بيرتاح لأن مافيه احد مهتم

اذا كانت على القوة هين فيه اشياء اقوى بكثييير
ومشكور على مرورك

[سراي اليل]

هلاوغلا الله يرزقنا وحده

[oO BANDR Oo]

هلاوغلا الله يرزقنا وحده

آمين يارب العالمين

[الهنتر]

والله من زمان معجبتني صراحه بس مدري عن قوته ومداه يقولون ضعيف انا ودي بلي لاظربت راس الضب مكانه (راعي ضبان )هههههههه

[oO BANDR Oo]

والله من زمان معجبتني صراحه بس مدري عن قوته ومداه يقولون ضعيف انا ودي بلي لاظربت راس الضب مكانه (راعي ضبان )هههههههه

هههههههههههههه
والله ياخوك اذا على القوة ترا قوتها نفس قوة الديانا 27
سرعة الطلقة فيها 625 قدم في الثانية
عاد ما ادري انا بتفقع راس الضب ولا لا...

[aass1122]

السلام عليكم اخواني وش عيوب ومميزات الهوائيه ام غاز الي جربها لايبخل علينا بعلومها الله يجزاكم خير انا ناوي اشتري وحده اذا فيها عيوب علمونا وفقكم الله

[بحر الاحلآم]

علبة الغاز كم قيميتها؟اذا غالية ماتصلح لانها بتخسرك
واحسن مافيها انها ترمي ورا بعض وبالتوفيق

[النبع]

شفاها عند السنيدي (ببريدة) الموسم اللي راح اب 500 ريال ولاكنها انقطعت

[aass1122]

علبة الغاز سعرها 3 ريال بس نبي معلومات الي جربوها فيها مشاكل اواعطال اوتنسيم في الغاز على ماسمعنا

[مكشاتي 33]

يعني صكم +غاز+لو خربت ماتلقى غيار لها +السعر من فوقها
لاوالله عندي الكسر ابرك 1000,000,000مرة وخاااااااااااصة الالماني الفايروخ+الديانا

[بدرالدلم]

هذه بعض الإضافات لساكتون الغاز المذكوره
تستطيع تركيب غاز تعبأه موجود في الكويت والامارات ويضاعف قوتها
شاهد الصوره
http://www.network54.com/Realm/1077supermod/Dsc02763sm.jpg

http://www.dlairgun.com/airgun-images/Crosman/Crosman%201077%20Upgrade.jpg

http://www.airgunz.altervista.org/CatalogoNazionale3/Crosman_1077_05.jpg

http://www.airgunz.altervista.org/CatalogoNazionale3/Crosman_1077_10.jpg

http://www.network54.com/Realm/ginger/1077.jpg

http://picturearchive.gunauction.com/9506155018/8795842/1077%20as%20kit.jpg_thumbnail1.jpg

في امازون
http://www.amazon.com/Crosman-1077-Paintball-Adapter-Elbow/dp/B008WX9VLG/ref=sr_1_20?ie=UTF8&qid=1346321715&sr=8-20&keywords=CROSMAN+1077


ملاحظه الساكتون لن تكون قوية مثل ساكتون الغاز المطوره ذات المسافات الطويله وقوية التحمل
ولاكن كروسمان ١٠٧٧ وانا جربتها اعطيها بتقديري 60% اخترقت حمامه على بعد عشرين متر بإسطوانة الغاز الصغيره

محل في الكويت لديه اسطوانة الغاز الكبيرة
http://bulbulgun.com/

[هاوي رماية]

ما شاء الله شكل البندق جدا ممتازة وبعدين صوتها خفيف مو مثل الجنية الي معي ماغنوم 350 لا رميت احس اني مستخدم ار بي جي من صوتها. انا اقول اذا تقدر تجيبها من الكويت احسن لك واذا ما قدرت توكل على الله وخذها من صاب. لا تنسى تنقل لنا تجربتك


Sent from my iPad using Tapatalk HD

[العاقل الأوحد]

يقهرك بعض العقليات المتحجره لكن ما عليك منهم

أنا معك وإذا حصلت علمني , بس الآن أفكر أجيب وحده من الكويت أو الأمارات والمشكله في الجمارك

لا وفي معلومه خلتني أعيد الحسابات شوي وهي إن واحد اشترا مسدس هواء ويوم وصل منفذ البطحاء صادوه وطلع راعي المحل مبلغ عنه !!!!!

[هاوي رماية]

يقهرك بعض العقليات المتحجره لكن ما عليك منهم

أنا معك وإذا حصلت علمني , بس الآن أفكر أجيب وحده من الكويت أو الأمارات والمشكله في الجمارك

لا وفي معلومه خلتني أعيد الحسابات شوي وهي إن واحد اشترا مسدس هواء ويوم وصل منفذ البطحاء صادوه وطلع راعي المحل مبلغ عنه !!!!!

اخوي العاقل الاوحد اتوقع لو تعرف احد من الجمارك هو راح يساعدك في هذي المسألة حتى لو بلغ عنك.


Sent from my iPad using Tapatalk HD

[.أبوعبدالله.]

من جهة الجمارك أنسى أنهم يدخلونها

أنا طلبت مرة دربيل بندق ( دربيييييل ) مهوب بندق .. ومع ذلك أتصلوا علي الجمرك وقالوا عطنا تصريح من الداخلية بإستيراد الدربيل ( هذا وهو دريبل طلبوا تصريح .. أجل وشلون لو بندق )

بس حبيت أفيدك بهالمعلومة قبل ما تتوهق وتطلبها من الكويت .


ألا في حالة وحدة . إذا فيه أحد بيتزهل لك في الجمرك .. ويدخلها لك

غير كذا .. لا تروح عليك دراهمك ... ماراح يدخلون البندق .

[العاقل الأوحد]

والله يا أخوان أرسلت لوزارة الداخلية بطلب الترخيص لإستيراد أسلحة هوائية ومعدات رياضة الرماية بالقوس

أعرف الموضوع راح يطول ولكن لو صدر الترخيص راح أجيب بنادق ومسدسات ضغط هواء أما أم كسره ما راح أحط ولا ريال فيها

[بدرالدلم]

لازم تكون عندك رخصة استيراد بخمسمائة الف ريال

[العاقل الأوحد]

لازم تكون عندك رخصة استيراد بخمسمائة الف ريال

هو ضمان بنكي مرتفع جداً , ولابد من وجود سجل تجاري ساري

تتيسر الأمور إن شاء الله

[oO BANDR Oo]

والله يا أخوان أرسلت لوزارة الداخلية بطلب الترخيص لإستيراد أسلحة هوائية ومعدات رياضة الرماية بالقوس

أعرف الموضوع راح يطول ولكن لو صدر الترخيص راح أجيب بنادق ومسدسات ضغط هواء أما أم كسره ما راح أحط ولا ريال فيها

بتلقاني اول زبون عندك :D
ربي يوفقك ويرزقك من واسع فضله

[oO BANDR Oo]

البندق الحمد لله تم شرائها اليوم ولاكن بحكم الضروف ما اقدر اجربها تجربة حقيقة
قريبا انشاء الله
الموضوع قديم شوي لاكن مشكورين ع الردود

[oO BANDR Oo]

يقهرك بعض العقليات المتحجره لكن ما عليك منهم

أنا معك وإذا حصلت علمني , بس الآن أفكر أجيب وحده من الكويت أو الأمارات والمشكله في الجمارك

لا وفي معلومه خلتني أعيد الحسابات شوي وهي إن واحد اشترا مسدس هواء ويوم وصل منفذ البطحاء صادوه وطلع راعي المحل مبلغ عنه !!!!!

العقليات المتحجرة اخر شي افكر فيه اذا حطيت شي في راسي وذموه الناس ما اقتنع لييين اجربة بنفسي

مثل اللي يسبون الساكتون الاسباني اشترا الوالد وحدة وجلست معه 7 سنوات ولا غير فيها مسمار
هذا بعد غير استخدامي لها واخواني بعد وفي الاخير جا رجال عزيز على الوالد وطلبة انه يبيعه البندق وباعها عليه والى الآن والرجال يستعملها
بندق تتحسف عليها بكل ماتعنية الكلمة خفيفة وقوية وفيها ركاده ماشاء الله

[The End]

أخوي فيه نوع آخر أفضل من بنادق الغاز، هذا النوع تصل سرعة طلقته إلى 360 متر في الثانية و مبدأ عمله هو الهواء المظغوط ،،،
شف هذا الموضوع انا كاتب شرح عنه ،،،
http://www.mekshat.com/vb/showthread.php?t=515142
اذا علمت طريقة أستطيع من خلالها شراء ساكتون هوائي من الكويت فحبذا لو تخبرني ،،،
دمت في آمان الكريم ،،،

[oO BANDR Oo]

أخوي فيه نوع آخر أفضل من بنادق الغاز، هذا النوع تصل سرعة طلقته إلى 360 متر في الثانية و مبدأ عمله هو الهواء المظغوط ،،،
شف هذا الموضوع انا كاتب شرح عنه ،،،
http://www.mekshat.com/vb/showthread.php?t=515142
اذا علمت طريقة أستطيع من خلالها شراء ساكتون هوائي من الكويت فحبذا لو تخبرني ،،،
دمت في آمان الكريم ،،،

كل طير وفوقه طير
انا عارف هالشي وانا اخوك ما اختلفنا اعرف انواع وانت بكرامة من قوتها يصيدون بها الخنازير اعزكم الله
لاكن البلا حست الرياض كلها من شمالها لين جنوبها وماحصلت شي غير هذي في السعودية كلها
ماخليت قووقل في حاله :D بحثت لين قلت بس ما فييييييييه ابد
وبالنسبة الى انك تشتري من الكويت النظاام الاعوج مايسمح نهائيا بدخولها :mad:
حتى لو دبرتها بتبلش اذا احتجت اي قطعة للبندق لو مسمار لأن المحلات عندنا مايعرفونها نهائيا
وصاب ماعنده غير ذي بس

[العاقل الأوحد]

البندق الحمد لله تم شرائها اليوم ولاكن بحكم الضروف ما اقدر اجربها تجربة حقيقة
قريبا انشاء الله
الموضوع قديم شوي لاكن مشكورين ع الردود

الله يعطيك خيرها ويصرف عنك شرها
بس من وين شريتها وبكم ؟


أخوي فيه نوع آخر أفضل من بنادق الغاز، هذا النوع تصل سرعة طلقته إلى 360 متر في الثانية و مبدأ عمله هو الهواء المظغوط ،،،
شف هذا الموضوع انا كاتب شرح عنه ،،،
http://www.mekshat.com/vb/showthread.php?t=515142
اذا علمت طريقة أستطيع من خلالها شراء ساكتون هوائي من الكويت فحبذا لو تخبرني ،،،
دمت في آمان الكريم ،،،

قرأت موضوعك ويعطيك العافية على هذا الشرح المبسط والتوضيح

[العاقل الأوحد]

بتلقاني اول زبون عندك :D
ربي يوفقك ويرزقك من واسع فضله

امين يارب
وعشان كذا لك تخفيض , هههههههههه

[oO BANDR Oo]

جزاك الله خير
شريتها من محل صاب في الرياض حي الديرة
كلفتني 940 مع علبتين صتم وثلاث بكرات (محالة) زيادة و 15 علبة غاز
العلبة الوحدة ب3ريال ويجي في الكرتون 5 علب يعني الكرتون ب15 ريال
اتمنى اني افدتك

[oO BANDR Oo]

امين يارب
وعشان كذا لك تخفيض , هههههههههه

الله يسلمك ويارب يتحقق لك مبتغاك

[العاقل الأوحد]

جزاك الله خير
شريتها من محل صاب في الرياض حي الديرة
كلفتني 940 مع علبتين صتم وثلاث بكرات (محالة) زيادة و 15 علبة غاز
العلبة الوحدة ب3ريال ويجي في الكرتون 5 علب يعني الكرتون ب15 ريال
اتمنى اني افدتك

بنغلبك معنا بس تحملنا وأنا اخوك
ممكن صوره لعلبة الغاز
كم سرعة البندق ومداها ؟

[oO BANDR Oo]

بنغلبك معنا بس تحملنا وأنا اخوك
ممكن صوره لعلبة الغاز
ومدى البندق كم متر ؟

لا عادي خذ راحتك
للأسف ماعندي صورة لها اذا صورت بأحطها ان شاء الله
المدى ما اعرف لاكن قوتها 625 قدم في الثانية
نفس قوة ال27
هذي القوة ممتازة للدخل والطيور الصغيرة عشان كذا شريتها
ولا عندي 2 فايروخ 80 و3 ديانا 35 لاكن ماتنفع للدخل تقطعها تقطيع الا اذا كنت قناص وماتصيد الا مع الراس:D

[يارب الجنة]

السلام عليكم
الموضوع قديم
لاكن حبيت استفسر عن الي جربها وش وقعها
وهل تنفع لصيد االارانب واالطيور الكبيره

ارجوووو افادتي جزاااااكم االله خيرررر

[فيصل البهيشي]

السلام عليكم
الموضوع قديم
لاكن حبيت استفسر عن الي جربها وش وقعها
وهل تنفع لصيد االارانب واالطيور الكبيره

ارجوووو افادتي جزاااااكم االله خيرررر

فيه نوع اسمه والتر دومنيتور 1250 سعره تقريباً 3500 متوفر في محل بندقيتك او بندقيتي نسيت اسم المحل المهم انه في تبوك واعتقد مافيه غيره يبيع غازيه

طبعاً الساكتون ذي انا ناوي عليها بأذن الله قريب