المساعد الشخصي الرقمي

مشاهدة النسخة كاملة : مشاكل بالفكسار vxr أرجو من اهل الخبرة التكرم بالدخول


عبدالله المطيري
18/10/2011, 12:49 PM
السلام عليكم


تحية عطرة وبعد


عندي عدة مشاكل بجيب تويوتا فكسار 2002 قير عادي


أولا:
الموتر عزمه طايح مره واذا شديت عليه بأي نمره اذا تعدا الضغط 2.5 rpm انطلق وزادة سرعته بقوه ، بالنسبة للتقطيع لا يوجد ولله الحمد


ثانياً :
إذا شغلته ومشيت على طول يطلع صوت كأنه صوت قزوز ولكن اذا احتمى الموتر يروح أو يخف
والشغله ذي موجوده بموتري وموتر ولد عمي


ثالثاً :
إذا ركب معي احد ورا يعني حمل الموتر فيه صرصره قويه نوع ما من ورا حول الدفرنس
ولكن اذا مافيه الا انا ما اسمعها


أرجو ممن لديه خبره أو نصيحه بهذه المشاكل افادتي بتجربته




دمتم بود
يكفيني نظرة
18/10/2011, 02:18 PM
شيك على فلتر الهواء..
شيك على جلد الرباطات ..
عبدالله المطيري
18/10/2011, 06:08 PM
حياك الله أخوي


فلتر الهوا جديد توني مغيره من شهر بس بدون فايدة


جلد الرباطات ممكن
يالبى الهلا
18/10/2011, 07:46 PM
بالنسبه لعزم الموتر يبغالك تغير الصفايه اللي في التانكي داخل صغيره من ثم ابدا بالكشف على الكويالت واسلاك البواجي ويابنسبه للضوت عند التشغيل هذا من القزوز يبغاله استبدال وبافضل يكون من الوكاله او من التشاليح وبالنسبه للصوت ممكن من شيالات الدفرنس شيك عليها×
ابن عكاش
18/10/2011, 08:15 PM
الصوت اللي ورا يمكن من شيالات الدفرنس او المساعدات يمكن مفقعه
السبع2
20/10/2011, 01:18 AM
اخوي بالنسبه لصوت القزوز هذا طال عمرك من الماصوره اللي طالعه من القزوز تكون مشعوره بالمثلث
وبالنسبه لصرصره هذي الاسبير من الشيال يكون مرتخي
lo8oo8ol
03/01/2012, 08:29 PM
وش صار معك يا راعي الفكسار عطنا تقريرك ...؟؟؟!!!
عبدالله المطيري
08/01/2012, 01:41 AM
السلام عليكم


آسف للتأخير



بالنسبة للمشكلة قمت بتغيير البواجي وافردت موضوع عن تركيب البواجي
والفرق بين بواجي الفكسار الخليجي والسعودي موجود هنا بالمنتدى وقمت بعد تركيب
البواجي بشراء علبتين منظف بخاخ اي سي ديلكو يوضع في تانكي البنزين خليت
الموتر لين قرب يصفر البنزين حطيت العلبتين كلهم بالتانكي الاساسي وعبيت بنزين
احمر ٥٠ لتر فقط ومسكت خط حولي ١٥٠ كم واستمريت فترة ع البنزين الاحمر
والحمد لله الحين احسن من أول.....



المشكلة الثانية والثالثة على حالها الى الان



دمتم بود
ابوراكان تبوك
08/01/2012, 03:54 PM
السلام عليكم



ثانياً :
إذا شغلته ومشيت على طول يطلع صوت كأنه صوت قزوز ولكن اذا احتمى الموتر يروح أو يخف
والشغله ذي موجوده بموتري وموتر ولد عمي




اذا الكزوز عندك ماينسم بالعادة هذه صوت البلوف او التكايات وعادي جداً ماعليك منها يطلع صوتها والسيارة بارده مع الدعسة فقط تصليحها في اللاند 6 سرندل يكلف 600ريال واكيد الفكس آر يختلف بس خبري قديم بالسعر

موووووووووووووفق
العرمه
24/11/2013, 04:17 PM
بالنسبة لعزم موترك اعتقد انه من البواجي

البواجي نوعين عادي وبلاتينيم

وفيه ناس يركبون بواجي مرسيدس

المهم انه فيه فرق واضح بين العادي والبلاتينيم
العرمه
24/11/2013, 04:18 PM
انا عندي مشكلة القزوز دائما تنكسر مدري وش السبب مع العلم ان كل الشيالات سليمة

لكن الموتر مرفوع اربع سم