ايها المواطن انت رجل الامن الاول

[راعي الدسمه]

مرحبا بالجميع
نعم كما قالها وزير الداخليه حفظه الله
فاروي ماحدث لي شرق الرياض في يوم الخميس الماضي 15/11
كالعاده صاحي بدري الساعه سبع يوم الخميس طلعت للبقاله المجاوره للمحطه وجنب البقاله في بنشري لاحظت وانا خارج من البقاله فيه سيارة نوع فورد صغيرة حجم مدري عن نوعها موقفه عند البنشري ومنزله تقريبا 12 بطاريه ولوحات السياره معفوطه على فوق يعني مستحيل تبلغ عنه لو تشوفه يسرق من اي مكان ، وكانا شابين لم يتجاوز عمرهما 18سنه يتفاوضان مع اليماني
فذهب بسيارتي وعلى طول بلغت 999 وبالصدفه اذا فيه دوريه قريبه فانهيت المكالمه وناديت الدوريه وبلغته ، بعد شوي مريت الا الدوريات كلها مجتمعه وساحبين الشباب وسيارتهم يقودها عسكري . وطلعوا من سرقان الليل
لذا اخواني يجب ان لاتتهاونوا ولاتخاف منهم اذا شفت حاجه بلغ ومن بعيد
ثانيا : ماشجع هالسرقان الا من يشتري بضاعتهم من البنشريه وغيرهم
ولكم التحيه

[خوي مخباته]

نعم نعم نعم [ المواطن رجل الامن الاوول ]
لللاه درك وبيض الله وجهك وياليت كل واحد منا يسوى سواتك لانـــــــــك لو تساهلت وغضيت البصر وقلت انا وش اشغلنى لانيب لاعسكرى ولا دوريــــــــــه ثق جميــــــــع الثقــــــــــــه ان بكره عليــــــــــك الدوور؟؟؟؟؟!!!
وعلى قولتك لا تهتم لهـــــــــــم لان فيه مثل يقول [ الســـــــــــــارق خواف]
............... مشكووووووووووور.............. وما قصــــــــــــرت

[صقر نجد99]

الله يبيض وجهك

والله انك عملت الواجب

الله يجزاك خير

[عناز الحره]

جزاك الله خير واحسن ماااسويت
فالساااكت عن الحق شيطااان اخرس

[سليمان الربيعان]

الله يجزاك بكل خير والله يكفينا شر الحرامية
تقبل تحياتي...

[الصقار3]

بارك الله فيك ولك اجركم من واحد عندة مريض ويبي يودية للمستشفى وكم واحد عندة موعد وكم من واحد مفلس يدورحق اليموزين وقيمة البطارية من الديون الي علية وهذولا خذوبطارية سيارتة وأسأل الله ان يجعلها في موازين حسناتك وبصراحة لو ماأحد بلغ فيهم من المواطنين بيسرقون القريب والبعيدوتكثرالسرقات وتوصل لبيتك انت يالي كنت تشوفهم وتقول مالي دخل قبل حوالي 6ست سنوات شفت لي اثنين في حي الجنادرية القريب من النظيم وكانويحاولون في سيارة يفتحونها وبصراحة حركاتهم كأنهم اهل السيارة ولقيت دورية في اخر الحارة عندمحطة وبلغتهم قالو رح قدامنالين تدلناوالله يسترعليك ومشيت قدامهم لين شافوهم ورحت وبعد حوالي ثلاثة كيلو قلت ليش مرجع اشوف الي صارويوم جيت الا واحد ماسكينة وحاطينة في الدورية وواحدنقزفي البيت القريب من السيارة ولاكن ماله طريق الا يطلع الجدار واجهتة امامية فقط بيمسكونة بيمسكونة والعسكرواقفين امام البيت وعرفت انهم مهم اهل السيارة ومشيت وقلت الحمدالله انهم مهم اهل السيارة وبلاغي صار صحيح .

[ذهب صافي]

طيب عندي شطحة جميل

والمجرم الملثم (( اليماني )) يدري انهم سارقينها بنسبة 99% لماذا لا يحاسب ويسحب ويسجن ويأخذ عليه تعهد بعدم شراء البضاعه المستعمله من المواطنين

[سفير الحيا]

جزاك الله خير وهذا واجبك وواجب الجميع عدم التهآون بمثل هالأشكآل .
والمفروض البآئع والمشتري فـ السجن !!