قصتي مع طرح الشيهانه الوافيه

[q8ty]

السلام عليكم ورحمة الله وبركاتة. اما بعد حبيت اذكر لكم قصتي مع الشيهانه الي طرحتها يوم الاحد عشان الربع الي راسلوني يبون القصه بسم الله نبدا. طلعت بتاريخ 28 ميلادي ومزهب شغلي وعامل حسابي أني بجلس عشر ايام وفعلا جلست عشر ايام وفي اخر يوم الله رزقني فيها المهم الساعه 3 العصر اتصلت علي أمي الله يطول في عمرها اول كلمه لها صليت العصر؟ قلت لاوالله لي هالحين بس انتي ادعيلي ان الله يرزقني قالت صل واتصل علي وابشر بالدعوه المهم صليت العصر وتوجهت للمكان الي دايم اجي فيه ونسيت أمي واتصلت علي الساعه 4.40 دقيقه قالت ها عساك صليت قلت الحمدالله صليت ودعيت ان الله يطول في عمرك قالت كلمه وحده الله يرزقك وقفلت الجوال ولقيتلي شباب شرواكم صقاقير وجلست اتقهوا معهم عشر دقايق وانا طالع منهم حول 500 متر ول هي علي يساري اقول في قلبي هذا عقاب ولا وشو المهم حطيت الدربيل مابين من ظهره قلت ابجي قدامه يمكن يطلع طير يوووووم جيت قدامه ولا يازين بياض صدرها ووجهها والله يالربع ماشفت بحياتي مثلها المهم قلت يمكن طير واحد من الشباب الي تقهويت عندهم الانها جنبهم بالضبط وادربل عليها ولا ماعليها سبوق ولا حجل قلت اشوي اول مابشرت الوالده الله يطول بعمرها يمممه بلهجه عتيبه ياااااه لقيت طير أبشرك وعانيه قدامي قالت طرحته قلت لا قالت لا تستعجل ان شاء الله من نصيبك المهم وفك حمامه ولا هد وافك الحمامه الثانيه ولا هد وافك ثالث وآخر حمامه ولا هد مابغي غير الجربوع وحطه قدام خشمه ولا جاه الكلام هذا قبل المغرب بشوي قلت مافيه الي امرح عندها واتصلت علي رجال ياولد لقيت طير وأبي فزعتك قال والله انك فاضي ورانا دوامات وانت جايني تقول طير واتصل علي الثاني وقالي يارجال اضرب 160 كيلو عشان طير أخير شي اتصلت علي رجال عدواني قلت يابو خلف طلبتك وقل تم قال تم قلت ياخوي لاقي شيهانه وتكفي أبيك تساعدني عليها قال ابشر بعزك الي يوم رجعت الروح فيني الان مقدر اتعدا مكانها وعقبها دخلت منتدي مكشات الي وكتبت موضوع وقلت ادعولي تكفون الان صحيح كنت محتاج الدعوه من الوجيه الطيبه المهم جا خويي ومعه حمام وحميميج وقلت ل وخويي مر علي فلان يبيع حميميج وقله بوصقر يبي حميميج اثنين وفلوسهن علي الراتب يشهد علي الله ان ماكان معي الي 11 دينار للبنزين يعني 150 ريال المهم خويي نام وأنا مستحيل انام من كثر مافكر فيها صحيت خويي الفجر وصلينا والرجال يقول اصبر نبي نتقهوا قلت والله انك فاضي القهوا لي طرحنا الطير امش بس المهم رحنا سيارتين وضيعت مكانها قبل الفجر بشوي صلت يابو خلف خلك مكانك وبروح أنا ادور مكانها وإذ لقيتها بكبسلك بالنور قال اوكي خليت بسيارته حمامتين مشبوكات وجاهزاة المهم بعد معانات لقيت محلها الاني ممرح عنها بعيد شوي بالجهاز يابوخلف أبشرك لقيتها ها العلم موجوده قلت إيه موجوده قبل لا يجي احد ابفك لها الحميميج عليه نقل وانت خلك بعيد وشوفني بس قال فك حمامه احسن قلت. ياولد النقل افضل المهم غلطتي سمعت كلامه وفكينا حمامه ولا جتها بغيت ابكي من القهر المهم قلت مافيه غير الحميميج وانا أفكه الي يوم راحتله تلاعبه وطبت جنبه وانا اقرب وافك الحمامه وجتها علي طول المهم حنا عبالنا انها علقت الي يوم فكتها وراحت طبت جنبها وفكينا حمامه ثانيه والحمدالله علقتها وهي بالجو الحق الحق يابوخلف المهاد المهاد نفتح الشنطه ولا المهاد مهاد شبوط هههههههه مايركب والله يارياجيل من كبرها واجيب غترتي وامهدها ونطلع علي الخط ونلقا طاروح اشهد بالله انه رجال مطيري قلت ياولد نبي مهاد قال ابشرو ونزل وشاف الطير قال هذي شيهانه قلت ياولد هذا ماني متأكد الاني مسكتها وبرقعتها علي طول قال هذي شيهانه وابشرو بالخير أطيب شيهانه طرحت بتاريخ الكويت وانا اجي واحب راسه وقلت بيض الله وجهك ومهدها لنا ومشينا فيها للمكتب وبكره اكمل سالفه المكتب وشلون بيعت وياجماعه هالله هالله برضي الوالدين تكفووون ومع السلامه اشوفكم الجزء الثاني ×

[جبار1]

مشاءالله تبارك الله

الله يرزقك ؛؛؛تستاهل الطيب

وفالك أن شاءالله بالنادر

[q8ty]

المهم طلعنا بالطريق ونتصل علي الاخ خالد الهدبه عنده مكتب بيع صقور والرجال للامانه وقف معنا وقفت رجال قال تعالو وابشرو ابتصل علي الوكلاء قلتله الشيهانه هذي ماينقلها غير الشيخ سلمان الحمود ولا قصور بالناس الثانيه قال ابشر ابتصل علي وكيله المهم وصلنا ل بيت الرجال وتقهوينا عنده يووووم شافها قال ابشرو بالدراهم بس انتم قدمتوها للشيخ سلمان الحمود الصباح والحين يجي وكيله وان قبلها ابشرو والله بالدراهم المهم جو الوكلاء وكلن وده يسوم بس الشيهانه ناطرين وكيل الشيخ سلمان يوم جا الوكيل وشافها وقاسها طلع مقاسها ١٦/١٦ طلع كلم الشيخ ورجع قال أبوكم الشيخ سلمان يسلم عليكم ويقول ١٥ الف وإذ ماعجبكم السعر نزلوها مزاد وان جابت اكثر الله يرزقكم وان جابت اقل ترا شارينا ب ١٥ قلت ياطويل العمر الشيهانه هذي ماتروح الي للشيخ وقله عيالك يسلمون عليك وقبلو الشرهه والحمدالله اتصل الشيخ علي راعي المكتب وقال تسلمهم ١٥ صافي ولك انت ياراعي المكتب ٢٠٠٠ دينار شرهه ولك انت يالوكيل ٣٠٠٠ دينار يعني طلع سعر الشيهانه الفارسيه ب ٢٠ الف دينار كويتي وشكرا علي الايطاله وأي سؤال أنا حاضر

[ابوسرور الرشيدي]

الله يرزقك بغيرها ويوفقك

ومشكور علا الموظوع الحلو

[محمدآل هادي]

تستاهل والله
والله يرزقك من حيث لاتحتسب وهذا بسبب برك بوالدتك ودعواته نبيها تدعي لنا لعل الله يرزقنا لأننا بكرة طالعين والله يزيدك من فضله

بالنسبة للحميميج هو نفس الشبوط ولايختلف واذا كان فيه اختلاف في ايش بالضبط
وهل الافضل الصيد بالشبوط ؟ ولاالحمام
وناس تقول فك الحمام بدون ثقل وبعدين ارسل عليه طيرك والله ماادري ويش احسن طريقة ؟

[صقار مبتدئ]

الله يبارك لك و يرزقك

[ابو مناخ]

بس ياليت صورتها قبل البيع الله يرزقك بالنادر

[q8ty]

الله لا يهينكم علي الردود الي تثلج الصدر والله يرزقك يامحمد صل الفجر ودع ربك وان شاءالله الله بيرزقك والله يفرحنا فيك بالنادر يامحمد وبشرنا بكره اما علي الصور يالربع والله مالومهم اقسم بالله مالومهم في كم صوره بس مو واضحه وظالمتها

[مدهل الطير]

الله يبارك لك ياخوي ويرزقك ويرزق كل محتاج

[عبدالله السليمي]

ماشاء الله تبارك الله
الله يرزقك من واسع فضله
ويخلي لك أمك ولاهنت على القصه الشيقة
تحياتي لك

[حسن ابو طالب]

تستاهل كل خير يالذيب

كنت اتمنى تنزل صور للطير

..

[حمود المحيني]

الله يوفقك يا ابو صقر وربي يرزقك زوود


بارك الله فيك

[(هزاع)]

انت انسان مسلم رضي والدين نعم رضى الوالدين من اسباب رضى الله والرزق من الله تستاهل الخير

[الوافي512]

ماشاءالله لاقوةالابالله


الله يخلي لك والديك ويرزقك من واسع فضله

[مكرم الضيف]

الله يبارك لك بالدراهم ودامك رضي والدين يرزقك الله بخير كثير

[نادر عش]

تستاهل كل خير وانا اخوك والله أني متابع موضوعك يوم تمرحها وادعيلك وعليك بالصلاة وبر الوالدين واحسان النية وبترزق الله يرزق الجميع

[أبوفرحان]

ماشاء الله تبارك الرحمن

الله يخليلك الوالدة ومبركين يالامير

[اسلي نفسي]

ماشالله تبارك الله تستاهل
وثاني شي لكل مشتهد نصيب انت اشتهدت ودعاء والديك وربي سايقها لك من عنده
عسى الله يرزق الجميع
تقبل مروري

[ســـبــار ربــعـــه]

جعلها متبوعه ماهي مجبوعه
والله الله في الصدقه عن امك الله يطول عمرها وقلها تدعي لاعضاء مكشات بالهدايه والصلاح ولا تنسا اخوك فهيد ارسله لو خمسين دينار عيديه هههههههههههه الله يبارك لك

[اقدم صقار]

السلام عليكم
الرزق يقسمه الخلاق ولاكن له اسباب
رضى الوالدين من ارضاء الله
ودام عندك باب من ابواب الجنه اغتنمه والكلام للجميع
عسى الله يطول بعمارهم على الطاعه ويرزقنا رضائهم عنى ويرزقنا برهم
ولا تستغرب الدعوة من الوالدين لانها مستجابه كما ورد في الحديث
عسى الله يرزقك وكل مسلم
اسف على الاطاله وتقبل مروري

[ابن الاصيل]

الله يرزقك

[جير دبي]

الله يبارك لك ياخوي ويرزقك من واسع فضله

[ماجد ع الصبحي]

ماشاءالله تبارك الله

[q8ty]

بارك الله فيكم وماقصرتو علي الردود الي تثلج الصدر

[عسااااف]

ما شاء الله تستاهل كل خير والله يبارك لك ويرزقك بالنادر اللي تبشرنا بطرحه

[ابوعزيز2007]

تستاهل الخير والله يرزقنا وياك بالنادر

[رامى السيد]

الله يعطيك العافيه ويبارك لك فى رزقك والله تستاهل كل خير ولاتنسى هذة دعوات الام الله يحفظ امهاتنا جميعا

[ALAMIR]

ألف ألف مبرووووووك

والله يحفظ امك يا رب ويحفظ امهات المسلمين

[ابوسعود101]

مبروووك الله يرزق كل مسلم

لكن ليش ما وديتوها سوق الحفر
تراهم يعطون الطير حقه
ههههههه
(والله من قلة السنع بسوق الحفر)

[راعي همام]

أنا بغيت إسئلك انت عطيت راعي الشبابيط حقه ولالا

[ناصر القريني]

مبروك بطير و الله يطول عمر امك قولو امين

[مكشات تبوكي]

مبروك الطير ياخوي ...
... اعذرني لو جت متأخره

[الصقار الجديد]

الله يرزقك بنادر الله يعطيك الف عافيه

[توآفيق]

ما شاء الله تبارك الرحمن

مبروك ع الشيهانه ، والله يطول بعمر عجوزك بالصحه و العافيه

[q8ty]

أبشرك عطيت راعي الشبابيط حقه وفوقه 100 دينار هديه ههههههههههه

[ذيب الفاو]

ماشاء الله فك الله ضيقتك ورزقك من فضله

[الشله]

مشاءالله تبارك الله

الله يرزقك ؛؛؛تستاهل الطيب

وفالك أن شاءالله بالنادر