المساعد الشخصي الرقمي

مشاهدة النسخة كاملة : من سوالف الولد (2)


سفانه
18/10/2011, 11:47 PM
يقول الوالد :


كان فيه رجال عنده ولد صغير يا ثمان ياتسع سنين بالحدود .. وامه مطلقة مادري ميته وعنده زوجه لها اعيال من رجال ثاني وما غير تهاوش على الولد طق اعيالي اذاهم .. وهو يمكن انه صحيح اكبر منهم ويطقهم بس هي بعد مهب باغيته حيثنه مهب ولدها

.. المهم إن الرجال كان فقير ويشتغل بالمزارع اللي حواله حرفي .. وحالته حاله يالله يحصل لقمة عيشه .. ويجي ذاك اليوم راجع لم بيته تعبان ومنهد حيلة .. ويدخل البيت ولا يلقى حرمته .. وسأل يا فلان وين خالتك .. قال الولد : طلعت من البيت ..

مير يروح الرجال يسأل عن حرمته وينك يافلانه وراك رحتي .. قالت خلاص منب راجعه لك أنت وولدك ازعجتون واذيتون ...الخ ، رجع الابو لم البيت مغتث وضايق صدره .. وساله الولد وين خالتي ليه ما رجعت معك.. مير يحط الأبو حرته في ذا المسكين ويكمخه ذيك الكمخه الخفيفه ويقول له أنت مزعل خالتك وهي مهب راجعه بسبتك .. ويتركه ويروح ينام ويوم جاء الصبح طلع كعادته لم شغله .. طبعا الولد اسكت واخذ بخاطره وانتظر حد طلعت أبوه .. ومير يهج من البيت ويمشي على وجهه .. وبطريقة عند ذيك الديره اللي ماتبعد كثير عن ديرتهم صادف رجال معه قطيع حمير يحوشه شكله يبي يدوس عليهن الزرع .. قال الرجال تساعدن يا ولد واعطيك ريال .. فرح الولد وقال ايه ..!! وسأله عن اهله .. ورد عليه بانه وحيد ما عنده اهل ..!!
ومرت السنين وكبر الولد وصار بحدود العشرين سنه .. وهو مازال عايش عند راعي الحمير وصاير مثل ولده ولا يدري عن أبوه الحقيقي .. المهم إنه قال يايبه ودي أروح لم الرياض أشتغل واترزق الله .. قال الرجال .. والله ياولدي منب رادك بس ما عندي إلا ذا الميتين ريال والبنت ابي املكك عليه حتى يفتح الله عليك وتجي تتزوجه .. وفعلا ملك على البنت وراح لم الرياض .. وأول ما وصل الرياض لقى ناس يبون يحجون فعطاهم اجرتهم وركب معهم .. وصار رجال نشيط وقرم وخفيف يقوم ويشيل ويحط ويعزبهم .. حتى انهم استانسوا عليه وقالوا انت ياولد مانبي منك شي وردوا عليه فلوسه ..

المهم وبعد الحج وفي طريقهم راجعين بعد مامروا المدينه وعند منطقه - سماها الوالد بس نسيت اسمه – مروا على سيارة منقلبه .. فقال الولد للي معه وفقوا عنده خلونا نساعدهم .. قالوا الرجال لا والله محنا موقفين .. قال وقفوا أنا بنزل و ساعدهم .. قالوا ترى بنروح ونخليك .. قال : بكيفكم .. وفعلا نزلوه عندهم وراحوا هم في طريقهم ..







للقصه بقيــــــــــــــــــه ..
تؤبر تسبدى
18/10/2011, 11:55 PM
وين البقية ؟
سفانه
19/10/2011, 12:51 AM
آسفه على التأخير حدث أمر مستعجل ..
وهذي التكمله ..







راح الشاب لم مكان السائق وفتح الباب وسحب الرجال اللي في الداخل .. ولقاه حي مافيه الإ العافيه .. قال الرجال الله يعافيك شف أمي ورى مادري هي حيه ولا ميته تكفى ساعدني نطلعه .. وفعلا راحوا وفتحوا الباب وطلعوا الحرمه مغمى عليه ورشوا عليه ماء ومير تصحى حيه ترزق .. وفي نفس الوقت مروا عليهم ناس كويتيين راجعين من الحج وقفوا عندهم وساعدوهم وعدلوا السيارة وحاولوا يشغلون السيارة إلا وهي تشتغل مابه شي .. ركبوا السيارة ومعهم رفيقنا وراحوا لم الرياض .. ويوم وصولوا وهم ينزلون العفش حقهم إلا ويطب الرجال من السيارة ويختفي ولا يدرون وين راح ..


مرت الايام وقام يشتغل الولد .. ويجمع له شوي قريشات ويفتح له ذاك المحل يبيع فيه أقمشة وبعد مامر الوقت رجع لم ديرته وتزوج البنت وأخذها معه للرياض ..
وتمر سنه مبسوط ومستانس مع حرمته .. وتوصل المره شهره الاخير ويأخذها ويوديها عند اهلها .. ورجع هو لم الرياض وبعد كم اسبوع ارسلوا له ترى حرمتك ولدت وجابت ولد .. وما امداه يفرح إلا ويجية الخبر تراه ماتت هي وولدك .. مير ياهي الدنيا تضيق بعينه .. وتسود حياته .. ويضيق صدره .. وصك دكانه كم شهر .. ويوم فتحه صار بس جالس يوم يبيع ويوم يقول للمشتري رح قص لك من القماش اللي تبيه .. مرت الأيام على ما هو عليه ويدخل عليه ذاك الرجال .. ويأشر له على قماش يبي منه .. المهم قص له منه وبعد كم يوم رجع له نفس الرجال وقاله ابي من نفس القماش اللي اخذته منك ذاك اليوم اعجب امي وتبي منه زياده .. قال شفه قدامك رح قص لك منه .. راح واخذ حاجته وحاسبه وطلع .. المهم صار هذا الرجال يتردد عليه .. وياخذه ويطلعه ويتمشى فيه ويوسع صدره .. حتى جاء ذاك اليوم وقال له تعال عازمك عندي في بيتي ..
قال له صاحبنا : تراك غثيتن أنت .. مغير مبلشن ومبلش نفسك معي .. وش لك تعزمن وتقلق نفسك معي .. رد عليه : مالك خص أنت بس تعال ..
المهم رضخ له وراح لم بيته .. ويوم دخل للمجلس إلا وهو يلقاه مليان رجال من اول لآخره .. اسكت وقعد بينهم .. إلا وتجيه ذيك الطامه يوم قال الرجال اللي عازمه ياشيخ ملك أختي وضحى على ذا الرجال ..ويأشر عليه .. إلا ويلجم لسانه وتضيق الدنيا على كثر ما هي ضايقه عليه .. والوساوس بدت تاخذه يمين وشمال أكيد البنت به بلى وبيلصقونه بظهري .. ومن هالكلام ..
المهم اخذه الرجال ودخله على حرمته وهو ما قدر يرفع لها نظر من الكره اللي بقلبه له .. وتقطع له لحم وهو يحس انه قاعده تقطع له سم .. ويقول بنفسه هذي عقوبتي بابوي يوم اني تاركه كل السنين مادري عنه ولا فكرت اشوفه .. المهم جاء أخو البنت وقاله قم لبيتك .. قال وش بعد بيته .. قال : أمش أنت بس .. وأخذه عند ذاك البيت المسلح – في ذاك الوقت كانت البوت اغلبها طين – ودخله عند حرمه عجوز وقال له : سلم يا فلان على أمي ..
السلام عليكم .. ردت العجوز : وعليكم السلام .. يا فلان شكلك ما عرفتن .. قال : لا والله وش يعرفن بك ..
قالت العجوز : أنا ذيك الحرمه اللي أنقذته يوم كنا راجعين من الحج .. يوم يوقفون عندنا الكويتين ..الخ .. انا والله لي ثلاث سنين وانا اقوم الليل ادعي الله يجيبك لي اجازيك على صنيعك قبل لا اموت .. وهذي بنتي زوجتها لك منب لاقيه رجال احسن منك .. وبعد ما سمع كلام العجوز إلا والدنيا تتفتح قدامه وتزين زوجته بعينه وتطلع غزال ..
المهم مرت الايام وتحسن حاله وصار يشتغل مع أخو زوجته بالعقار واغتنى حتى جاء ذاك اليوم ويعبي سيارته ارزاق ويروح لم ديرة أبوه وينصى بيت أبوه ولقاه خرابه مهجور ما به أحد .. سأل عنه وين فلان اللي كان يعيش هنا قالوا له تلقاه بالمكان الفلاني .. راح لم الجهه اللي وصفوه له ودوره ولقاه على حاله يشتغل بنفس شغلته ..
نادى عليه .. وجاه الشايب .. قال : نعم وش تبي .. قال : تعال معي هناك ابيك بعلم ..
رد عليه أبوه : أجل اصبر بغير ثيابي حقات الشغل واجيك ..
قال لا تعال وأنت وثيابك خلاص ما عاد فيني صبر .. انا ولدك فلان .. مير يحول يفرح الشايب ويصيح ويحب ولد ويضمه .. كيف الله جابه له بعد مايئس ولا توقع انه بيشوفه بعد ذا العمر ..
المهم قال الولد : شف يبه خـــلاص أنت لا تشتغل ولا تحرك لك يد .. بشري لك بيت وكل ست أشهر بجيك واعبي بيتك باللي تحتاجه واعطيك فلوس بيدك تصرف به على نفسك واعيالك .. وفعلا يسر الله له بعد ذا العمر انه يبر بأبوه ويجبر شي من مما ضيعه بالسنوات اللي فاتت ..





وسلامتكم ...
انسانه؟
19/10/2011, 01:13 AM
قصه جميله وسردرائع ومشوق..
بارك الله فيك ياسفانه ولاتحرمينا من سوالف الوالدالله يحفظه لك.
قوافي ( أم نهار )
19/10/2011, 01:13 AM
حياك الله اختي الكريمه
اشكرك لتتويج حضورك الكريم بهذه السالفه
وفقك الله وننتظر جديدك
تحياتي.اختك
..قوافي..
محمد الظاهري
19/10/2011, 08:07 AM
حياك الله
وبارك الله فيك على القصه الرائعه
والسرد الممتع
اشكرك جزيل الشكر على الدرر الجميله
وننتظر القادم من روائع سردك
تحياتي وودي
سليمان الربيعان
19/10/2011, 08:16 AM
سالفه جميلة ورائعه تبين لنا الشقا والتعب في تحصيل الرزق اول
والله يجعلنا بارين بوالدينا اللهم امين
نتظر جديدك من السوالف الجميلة
تقبلي تحياتي,,,,
الزعل ممنوع
19/10/2011, 08:39 AM
الله يعطيك العافية اختي الكريمة على هذه القصة التراثية الجميلة وننتظر المزيد مع كل الشكر
شاعر وحساس
19/10/2011, 09:17 AM
يازين علومك وربي سرد اكثر من ممتع بارك الله لك وفيك ومتعك الله بالصحه والعافيه انت ومن تحب
راعي العجراء
19/10/2011, 10:55 AM
ياهلا والف من غلا ياسفانه
الله يعطيك ٍ العافيه على هذه القصه الممتعه والحزينه
تبين الصراحه دمعت عيني عقب هالسنين اللي كلها شقاء يرجع الى والده
بالحقيقه
قصه رائعه كروعة حضورك
اتمنى ان اشاهد مشاركاتك بمثل هذه القصه وبنفس الاسلوب
فلا تحرمينا ذلك
تقبلي تحياتي
ولد روووق
19/10/2011, 11:43 AM
قصة جميلة مشكورررررررر
Al3rands
19/10/2011, 01:53 PM
الله اكبر والله يسلمك
أبوعابد 22
19/10/2011, 02:48 PM
قصه جميل وسرد رائع
سفانه
19/10/2011, 09:08 PM
وين البقية ؟



اتتك البقيه ..
وعذرا على التاخير
اهلا بك
سفانه
19/10/2011, 09:11 PM
قصه جميله وسردرائع ومشوق..
بارك الله فيك ياسفانه ولاتحرمينا من سوالف الوالدالله يحفظه لك.



وفيك اختي الغاليه ..
أجوا أن تكون كما قلتي
شرفني واسعدني مرورك
سفانه
19/10/2011, 09:15 PM
حياك الله اختي الكريمه
اشكرك لتتويج حضورك الكريم بهذه السالفه
وفقك الله وننتظر جديدك
تحياتي.اختك
..قوافي..





أهلا بك عزيزتي قواقي ..
نورتينا ..
فكم اسعدني تواجدك هنا ..
لك شكري
سفانه
19/10/2011, 09:20 PM
حياك الله
وبارك الله فيك على القصه الرائعه
والسرد الممتع
اشكرك جزيل الشكر على الدرر الجميله
وننتظر القادم من روائع سردك
تحياتي وودي




أهلا بأستاذنا الكبير
جزاك الله خير على هذا الثناء ..
إن شاء الله نكون عند حسن ظنكم

حياك الله
مشعل_1001
19/10/2011, 10:42 PM
قصة روعة وسرد مرتب
جزاك الله خير
وتقبل مروري
النبهاني
20/10/2011, 09:39 AM
حيا الله اختي سفانه
سالفه جميله باسلوب رائع ممتع
الله يعطيك الف عافيه
يوسف الخليفة1
20/10/2011, 10:39 AM
وعليكم السلام ورحمة الله وبركاته

الشكر الجزيل سفانه
(هزاع)
20/10/2011, 10:53 AM
سبحان الله كثير وليس كل الاطفال اللي يربون ايتام يتعرضون للظلم والاضطهاد من قبل زوجت الاب
خوي مخباته
20/10/2011, 01:15 PM
الاخت " ســـــــــــفانــــــــه "
ســــــــــالفه ممتعـــــــــــــه واهدافهــــــــــــــا انســــــــــانيه و ســــــــــاميــــــــــــــــه وعضه و عبـــــــره
احســــــــــنتي الاختـــــيار ووفقتـــــى فى الســــــــرد الرا ئــــع ,,,,,,,,,,
ومشكووووووووووووووووووووووره ...... وفى انتظـــــــــــــار الجــــديــــــــد
.................................... تحيــــــــــــــــاتــــــــــي .......................... لتس
سفير الحيا
20/10/2011, 03:19 PM
ماشاء الله قصله جميله وبانتظار جديدك
أَبوابراهيم
20/10/2011, 03:29 PM
:) .... يعطيك العافية .. اعجبتني
سفانه
21/10/2011, 01:48 PM
سالفه جميلة ورائعه تبين لنا الشقا والتعب في تحصيل الرزق اول
والله يجعلنا بارين بوالدينا اللهم امين
نتظر جديدك من السوالف الجميلة
تقبلي تحياتي,,,,




حياك الله اخي الكريم
اللهم آمين
شرفني مرورك
سفانه
21/10/2011, 01:50 PM
الله يعطيك العافية اختي الكريمة على هذه القصة التراثية الجميلة وننتظر المزيد مع كل الشكر


أهلا ومرحبا بك ..
اسعدني تواجدك
سفانه
21/10/2011, 01:51 PM
يازين علومك وربي سرد اكثر من ممتع بارك الله لك وفيك ومتعك الله بالصحه والعافيه انت ومن تحب


شكراً لك ...
سفانه
21/10/2011, 01:54 PM
ياهلا والف من غلا ياسفانه
الله يعطيك ٍ العافيه على هذه القصه الممتعه والحزينه
تبين الصراحه دمعت عيني عقب هالسنين اللي كلها شقاء يرجع الى والده
بالحقيقه
قصه رائعه كروعة حضورك
اتمنى ان اشاهد مشاركاتك بمثل هذه القصه وبنفس الاسلوب
فلا تحرمينا ذلك
تقبلي تحياتي


وتحياتي ....
أهلا وسهلا بك هنا ...
سفانه
21/10/2011, 01:54 PM
قصة جميلة مشكورررررررر



العفوو ....
سفانه
21/10/2011, 01:55 PM
قصه جميل وسرد رائع



شكراً لك ...
أبو سعد البري
21/10/2011, 02:05 PM
قصة رائعة تستحق الشكر عليها
حربي2000
05/12/2011, 09:23 PM
مشكور على القصه الرائعه