مصطلحات جوية محلية شاركنا بما لديك

[( كاسر الشام )]

بسم الله الرحمن الرحيم

في البداية الصفري ( الشرقية الجافة ) هابه لها كم يوم وهذا امر مشجع اني آخذ اجازة من مكشات اسبوع كامل الى يوم الاربعاء القادم

وبإذن الل الصفري يفصلها المطر كالعادة خصوصا اذا كان ذلك مبكر

والى ذلك الحين اود ان تثروا هذا الموضوع بما لديكم من الصطلحات المحلية التي تخص الاحوال الجوية

اللهجات تختلف والديار تختلف

وهذه محاولة مني لكتابة مصطلحاتنا المحلية

مع محاولة تدعيمها بابيات شعر

أولاً :مصطلحات الرياح

1-العوالي : رياح جنوبية مبشرة بإذن الله

يقول بديوي الوقدان

ريح العوالـي مـن المنشـا تجاذبهـا ... جذب الدلي من جبا مطويـة الجالـي

2- الصبا : رياح شرقية وتكون مبشرة بإذن الله في بداية الصيف في حسابنا ( ابريل )

اذا هبت صبا قال قلبي مرحبا .. في الصيف والا في الربيع شمال

3- قرن يماني : رياح جنوبية شرقية وتكون مبشرة بإذن الله اذا هبت في الخريف

4- الصفري : الرياح موسمية الجافة وتكون شرقية او شمالية شرقية وهبوبها عادة في مثل هذه الأيام

قالوا عنها قديما

اذا هبت صفري العيشة قفري ( اشارة للجوع وقلة الدسم )

................

ثانيا : مصطلحات السحب

1- المزن : الجزء الأعلى من السحب الركامية

يقول بديوي الوقداني

يا الله من مزنــةٍ هبـت هبايبهـا
رعادها بات له في البحر زلزالي


2- الرواه : هي قاعدة السحابة الركامية وكل ماقربت الرواه من الارض دلت على غزارة المطر وخطورته

والرواه المائلة اخطر من المعتدلة هذا اثناء المطر

اما قبل المطر الرواه اذا كانت متعرجة كلما زادت التعرجات اقتربت من الهطول


3- السحق : هو سدا السحاب وهو نوعين

سحق يكون موجود اساسا وهذا يمنع تكون السحب

وسحق يمتد من راس المزن وهذا كل ما زاد امتداده دل على غزارة المطر ومن موسم لموسم يختلف الوضع

4- الربّان او الطُفـَل ( بضم الطاء وفتح الفاء )

سحب منخفضة جدا تأتي قبل الامطار الغزيرة

يقول الشاعر : عسى خلفنا يا مصلى العيد .. نو غزير مخالطه ربان

......

ثالثا : مستويات المطر

1- رش : المطر الخفيف اللي ما يمشي الارض

2- تناقيع : يقولون ابدا وجيه الماء وهو المطر الخفيف اللي يسبب تجمعات مياه بسيطة

3- وسم : المطر اللي يمشي الارض ويشي الدروب

4- قشع : مطر تسيل من التلاع والاشعب الصغيرة

5- سيل : تسيل منه الاودية والاشعب الكبيرة

6- حقاق : هو المطر اللي يجي افضل من خياله

7- حيا : المطر العام اللي تسيل منه اغلب الاودية





هذا مايحضرني الآن نلتقي بعد اسبوع بإذن الله

[الوافي512]

مقرقع البيبان ههههههه

هذا الهوا اللي يجي بشباط

[سيل امسيان]

اخوي كاسر دائماً تتحفنا بمواضيع مميزه
بارك في المولى
لي رجعة وامل اني افيد واستفيد

دمت بود

[ماجد الطلحي]

السلام عليكم
كلام جميل

[ماجد الطلحي]

مقرقع البيبان ههههههه

هذا الهوا اللي يجي بشباط
وشباط ذا اي شهر بالارقام
ههههههههه
مصطلح يستحق المتابعة في شهر شباط
تحياااااااااااااااااااتي لك

[verey سعودي]

ما شاء الله تبارك الله
عمل متعوب عليه
تشكر

[ابوفكس]

شعف : المطر الغزير مع رياح شديده
سالت التلعه : اوالمسيل وهو الوادي الصغير

[سفير الحيا]

يعطيك العآفيه ياكآسر الشآم وبالفعل كل ديره لها مصطلحات محليه خآصه بأهلها !!
واذكر لك شي بسيط عندنا يقولون للريآح الشمآليه ( السويداء ) :D لأن الأستقرآر يسود
على الديره اذا هبت بعد أمر الله . وكذلك يقولون للمطر الغزير جداً ( شقٍ من سماء ) :good2:
والمصطلحات كثيره وهذا ماذكرته عند مروري لـ هذا الموضوع

[سيل جارف]

الله يعطيك العافيه
نو الفاقه الي يسقي جميع المزارع

[مسامر البروق]

الله يعطيك العافية

تكثير ماء المطر الذي يجعل الماء في كل مكان
ما خلى دابه في جحرها المطر الغزير الذي يخرج جميع الدواب من الارض من غزارته
شاهد سيل الشعاب الصغيره وبعض الشعاب الكبيره بجريان متوسط
كاسر الشام المطر الغزير القادم من الشمال
يرف البرق الشديد
الشعيب يقب يسيل بشده
البردى سحابة تحمل كميات كبيرة من البرد
الرعاده سحابة شديدة الرعد
براقه سحابة شديدة البرق
رشوش مطر خفيف
دفن جره مطر خفيف الى متوسط يخفي اثر الاقدام
ظافي مطر يشمل مساحات كبيره جدا
سيل مهتنا سيل متوسط
ودان مطر مستمر
يلحق الثراء الثراء اي مطر يصل الى ثراء المطر الذي قبله
نفيظ السحب غير الممطره منخفظه جدا وتتحرك مع الرياح السطحية كثيرا ما تحدث عقب المطر الغزير في فصل الشتاء
سحوق ومحوق يقال لسنه الجدباء
عاصوف مطر مصحوب بهواء عاصف كثيرا ما يسبب اضرار في اماكن محدوده
نو سحابة شديدة المطر
بقاع ضباب
يرفاله يزيد المزن من المنشاء وينضم للمزن السابق
سحيته الرياح الشماليه الغربيه بعد المطر وهي تفرق المزن
سقيه الرياح الشرقيه وهي التي تعيق تقدم السحب بسرعه مما يجعل مطره غزيرا وتطول مدته ويصبح ديما

[albarad]

ماشاء الله- تبارك الله

[النهار]

يالله بمزن تالي اليل مردوم تستدخل العقيل منه الهبالي
موضوع رائع

[أبوسليمان السهر]

(منين ماهبت تذري) كناية عن الغبار أن كل مايأتي
الهواء من أي جهة تذر عليهم بالتراب

[بارق الشام]

موضوع جميل.
بارك الله فيك.

[تباشير]

هماليل المطر او هماليل السحاب

كما توضحه الصورة




http://img444.imageshack.us/img444/8431/imagelub.jpg

[راع الحيزا]

بسم الله الرحمن الرحيم
ابا ادلي بدلوي بلهجتنا بشمال القصيم
السقيا
المنشا او القبله
مبكية الحصني :الهوا اليا هبت من جنوب
الشماليه :الي ليا هبت تفرقع السحاب
#كميات الامطار:
هذرف:يعني الي يجي مع القبيس او النفيض الي يمشي مع الارض
رش:حبات المطر الصغيره
ديم :حبات المطر الصغيره المتواصله وهذا الي ينفع الارض
غشنه:حبات المطر الكثيره الي تاخذ شوي وتنقطع
يدهم الجره:يمحي الاثر الي قبل المطر
خف بعير:يعني اذا وطى البعير على الثرى يتعلق الثرى بخفه ويطلع العفار وهو مثل داهم الجره
واكف بيت:يعني يخر اويدخل الما دخل بيت الشعر
يكرب الارض:يعني يخلي الرض تتماسك بس ما تنقع
ولي او ملحق الثرى الثرى:هذا الي يالا الارض الي قبل قد جاها مطر
ري ارض: يروي الارض يعني لو تحفرالثرى يدق متنك بالارض وانت ما وصلت العفار
قاشع اويصفق الشغايا:يسيل المسايل الصغيره الشغيه او الساهبه
سيل:يسيل الشعبان كبيره وصغيرها
اما بالنسبه عرض السحابه يقاله اما شخطه اوضرس
وبالنسبه للسحابه اذا تفرقت على مااضن يقالها خلبت بشد اللام
واذا بدت ترش يقالها استهلت واذا صار الرعد صوته قوي يقاله صرقعه

[الوافي512]

لا دخل سهيل لا تامن السيل

[برق الجهمه]

يعطيك العآفيه ياكآسر الشآم وبالفعل كل ديره لها مصطلحات محليه خآصه بأهلها !!
واذكر لك شي بسيط عندنا يقولون للريآح الشمآليه ( السويداء ) :D لأن الأستقرآر يسود
على الديره اذا هبت بعد أمر الله . وكذلك يقولون للمطر الغزير جداً ( شقٍ من سماء ) :good2:
والمصطلحات كثيره وهذا ماذكرته عند مروري لـ هذا الموضوع



:D

السويداء اجل
نفس اللهجه عندنا عندكم ماش اختلاف
حنا نقول السويداء ونوب نقول السو :D

العليا او سحيته : هي الرياح اللي تجي من غرب وتشتت السحاب
السويداء : الشماليه البارده
الصبا : الشرقيه
الازيب : الجنوبيه
اما اذا الهواء متوقف نقول سكر الهوى يعني توقف << سكر لها نطق معين لكن ماعرفت احط عليها حركات :D
واذا في القيض والجو حراره نسميه : الومد :D

واسماء السحاب عندنا

الطخافه : وهي نفسها السحابه
الصريّد : اللي يسمونه جفيل او سحب البروده
الوحاه : المقصود بها صوت الرعد
يوندك : اي الرعد مايفصل


الرقاطا : وهذا شكلها تقريباً http://www.google.com.sa/url?source=imglanding&ct=img&q=http://ww2010.atmos.uiuc.edu/guides/mtr/cld/cldtyp/gifs/home2.gif&sa=X&ei=aXefTufAHYeaOpe8oKQF&ved=0CAwQ8wc4Eg&usg=AFQjCNF_zQiizhibS7QUZT-JLcXxGmUU5g

النذور : وهي مقياسنا عن كمية الامطار والاجابه اما وسم او قشع او سيل او تناقيع الخ

*****

اللي يدفن الجره : وهو الرشاش اللي يبل الارض ويخليها حمراء

اللي يبيض الرقه : تحولت الارض الى اللون الابيض من الماء

تناقيع او تماويه : وهي اللي تطلع فيها وجيه الماء

وسم الحشاط : وهو اللي يسيل الصمود والسكك الخفيفه

وسم : هو اللي تسيل منه التلاع الصغيره وتسيل منه السكك والارض الجرداء

وسم حديد : تسيل منه التلاع الكبيره بشكل طيب

شاهد : ايضا نفسه ^^

قشع : وهو اللي تسيل فيه التلاع الكبيره بقوه وتسيل منه الاوديه لكن ليس بالشكل القوي

سيل : وهو السيل اللي تجيب الاوديه كبرها ويمشي بقوه

(نقاح سيل):D : وهذا اللي مابعده شيء مايترك في الارض لا عشب ولا شجر (الشج نقول له شيران) :D

********

الغشين : معروف
الولي : وهو اشبه بالديم
والديم نسميه الودان
والشعف : هو المطر اللي معه هواء قوي
يسبل : يعني يصب :D
الرجع : وهو الربيع الطيب
وكذلك نسميه الحيا
ونقول الحيا طاح في هاك المكان
والعسوس هم اللي جيبون علوم الحيا والامطار :D

احس اني ماخليت شيء :D
ويمكن نسيت بعض المصطلحات هذا اللي على البال حالياً

[من شمر]

عندنا يقولون اليوم هابه مبكية ابا الحصين اي الثعلب وهي الرياح من مطلع الشمس الشرقيه الجنوبيه وهي رياح بارده والسبب في بكائه يريد الجلوس مقابل الشمس لكن الرياح القادمه من اتجاهها بارده

[كآيد الزين؟]

الله يعطيك العافية ياكاسر الشام على المصطلحات

ولاهانوا الاخوان

[الممدوح]

الهدبة :: تساقط المطرة بغزارة

[سفير الحيا]

:D

السويداء اجل
نفس اللهجه عندنا عندكم ماش اختلاف
حنا نقول السويداء ونوب نقول السو :D

العليا او سحيته : هي الرياح اللي تجي من غرب وتشتت السحاب
السويداء : الشماليه البارده
الصبا : الشرقيه
الازيب : الجنوبيه
اما اذا الهواء متوقف نقول سكر الهوى يعني توقف << سكر لها نطق معين لكن ماعرفت احط عليها حركات :D
واذا في القيض والجو حراره نسميه : الومد :D

واسماء السحاب عندنا

الطخافه : وهي نفسها السحابه
الصريّد : اللي يسمونه جفيل او سحب البروده
الوحاه : المقصود بها صوت الرعد
يوندك : اي الرعد مايفصل
الرقاطا : وهذا شكلها تقريباً
النذور : وهي مقياسنا عن كمية الامطار والاجابه اما وسم او قشع او سيل او تناقيع الخ

*****

اللي يدفن الجره : وهو الرشاش اللي يبل الارض ويخليها حمراء

اللي يبيض الرقه : تحولت الارض الى اللون الابيض من الماء

تناقيع او تماويه : وهي اللي تطلع فيها وجيه الماء

وسم الحشاط : وهو اللي يسيل الصمود والسكك الخفيفه

وسم : هو اللي تسيل منه التلاع الصغيره وتسيل منه السكك والارض الجرداء

وسم حديد : تسيل منه التلاع الكبيره بشكل طيب

شاهد : ايضا نفسه ^^

قشع : وهو اللي تسيل فيه التلاع الكبيره بقوه وتسيل منه الاوديه لكن ليس بالشكل القوي

سيل : وهو السيل اللي تجيب الاوديه كبرها ويمشي بقوه

(نقاح سيل):D : وهذا اللي مابعده شيء مايترك في الارض لا عشب ولا شجر (الشج نقول له شيران) :D

********

الغشين : معروف
الولي : وهو اشبه بالديم
والديم نسميه الودان
والشعف : هو المطر اللي معه هواء قوي
يسبل : يعني يصب :D
الرجع : وهو الربيع الطيب
وكذلك نسميه الحيا
ونقول الحيا طاح في هاك المكان
والعسوس هم اللي جيبون علوم الحيا والامطار :D

احس اني ماخليت شيء :D
ويمكن نسيت بعض المصطلحات هذا اللي على البال حالياً

ماشاء الله .. يازين وصف البدو وهذا ماكنت أبحث عنه :) مثلنا تماماً:D
أهل عفيف ربعٍ لنا ولانستغرب مايقولونه عن المطر بالنسبه لنا ولهم !!
شكراً يابرق الجهمه وليش ماذكرت لنا الجهمه ;) عشآن يعرفونها الربع :D
وعسآ ديآركم وديأرنا ومملكتنا الغآليه بالسيل النآفع

[azzaab11]

المحتية صوت نزول البرد في مكان بعيد نسبيا
له اجيج مروع خصوصا اذا كان على جروف السراة تجاة التهم
فانك تسمع صوتا مهيبا تهتز له شغاف القلب

[خيال المنشا]

مااقصرو الأخوان وحبيت أضيف
سحيق- وهو السحاب العالي الخفيف غير الممطر
خلبّت السحابة- بمعني أنزلت مافيه من خير ولم يعد فيها مطر
شخط أو شخيطة- وهي كناية عن المطر على منطقة صغيرة جداً

[رحال للمطر]

الكوس عند اهل الشرقيه واهل الخليج عامه = الرياح الجنوبيه الشرقيه اللتي تهب من الخليج العربي وتكون رطبه جدا

النسري = الرياح الشماليه الشرقيه البارده في الشتاء

واشكرك جدا على الموضوع