فزعتكم كانه صقر ببيعة .. بمليون ؟؟!

[abadi77]

السلام عليكم ورحمة الله وبركاته

الحقيقة يا أخوان أنا ساكن في شمال الرياض وفيه جمب بيتي جبل لاحظت وجود طير كأنه صقر
أنا والله ما أفهم فيها الغريبة أنهم الظاهر جوز يرجعون حول المغرب أو بعده لنفس المكان ولهم حوالي 10 أيام
على الحالة واللي لا حظته أنهم ما يرجعون سواء يكون فيه واحد والثاني بعد فترة يرجع

للمعلومية ترى حجمة صغير شوي
بالله عليكم علموني وشو هو صقر والا شبوط والا قريح أبا زنه ..

وهذي صورته

http://www.m5zn.com/uploads2/2011/10/19/photo/1019110010119oaakfokc2dq55gjn1e0.jpg

[الشقردي 205]

إخـــوي هـــذا بـــاشــق شــبوط وهو ياحليله ونيس خخخ . . .

[abadi77]

أفااااااا يالشقردي :(
قل غيرها يبن الحلال

أجل راحت المليون :p :p :p

متأكد وأنا أخوك أخاف أنه يسواله مية ألف :D:D

[الضامي...]

هاذا باشق يسوى 50 الف









قصدي خمسين ريال

[ولد روووق]

ههههههههههههههه يوم قريت العنوان واضحك عرفت انه مهب صقر

[ابوعزيز2007]

باشق شبوط وشكله في موسم التزاوج

[(هزاع)]

شبوط حلاته تفرج عليه وذا تبي تمتع اكثر خذ سمانه(فري)بثلاث ريالات وربط رجلها بحجر وخلها بعد 100 متر عنه وتمتع به دون ايذائه

[راعي البرقا]

وعليكم السلام ورحمة الله وبركاته

مثل ماتفضلوا الاخوان هذا شبوط وماينفع للصيد ولا كان طرحتهم لاني على مااعتقد جارك ودايم اشوفهم حول ابراج الكهرب في حي النفل :D

والله يكتب لك النادر اللي تطرحه وتبيعه بمليونين كاش ويتبعه الله بأخوه وتطرحه وتقنص به

وفالك التوفيق

[abadi77]

شبوط حلااته تفرج عليه وذا تبي تمتع اكثر خذ سمانه(فري)بثلاث ريالات وربط رجلها بحجر وخلها بعد 100 متر عنه وتمتع به دون ايذائه


والله أنك جبتها بكرة الصباح أبنقز لكارفور وأشتريلي 3 حبات سمان مبررررررد :D :D
على كيف كيفك وأبسدحهن عنده وأشوف وش يسوي

قال إيش قال مبررررد قال :D :D :D

ترى أحيانا الغشامة متشكلة ياعرب

[(هزاع)]

اقول تربط السمان بحجر تقول مبرد انا ابيك تستانس بهدته وفتراسه ولو به كمرة فديو تقرب كان بيزيد متعتك كلما عدت المقطع ونزله بالمنتدا وبي اشوفك صقار ان شاء الله لانها ولع رجال

[ماجد ع الصبحي]

هذا شبووووووووووووط الله يحفظك

[راكان12]

اهاهاهاهاهاهاهاهاهاهاهاها


لاحول ولاقوة الابالله

[اقدم صقار]

السلام عليكم
يا حليله ماشاء الله عليه
عطه سمان وشف وش يسوي فيها وتمتع
بتشوفك كل يوم تعشيه سمانه
تقبل مروري

[رامى السيد]

عوسق ويسمى شرياص ولا كلام ولى عندك نصف مليون

[mr.sam]

اقوووول من الاخير تبيع بـ 900000الف هههههههههههه

شاور وردعلي ههههههههههه الله يسعدك وتصوير جميل

[ابن الاصيل]

مليون مره وحده هههههههههههههه

[abadi77]

اقول تربط السمان بحجر تقول مبرد انا ابيك تستانس بهدته وفتراسه ولو به كمرة فديو تقرب كان بيزيد متعتك كلما عدت المقطع ونزله بالمنتدا وبي اشوفك صقار ان شاء الله لانها ولع رجال

اقول الله لا يحرمنا طلتك علينا أنت وهالوجيه الطيبة
والله يا طويل العمر من باب المداعبة قلت لك أبجيب مبرررررد

ولكن إصرارك على موضوع السمان لفت نظري وراح أسويها بحول الله أن الله أراد


لكن السؤال متى الوقت المناسب علشان أحط فيه السمان هل الصباح بدري أو حول المغرب

أو متى ؟؟!

لا عدمتك والله

[abadi77]

اقوووول من الاخير تبيع بـ 900000الف هههههههههههه

شاور وردعلي ههههههههههه الله يسعدك وتصوير جميل

هههههههههههههههههههه

الله يرزقك قل آآآآآآمين
أنا تراي بعيييييد سومتك ماهيب حولي عدل سومتك يالأجودي تسود أني أفكر فيها :D:D

والله لو ما يجي من هالصورة إلا وجيهكم الطيبة الله لا يحرمنا منها :good2:

[مخاوي دابذريع]

كانون والا نيكون والا فوجي ( أتوقع كانون ) ياراعي المليون :D

[ابو الريحان]

السلام عليكم
أعوذ بالله من الحسد ترى هم حاسدينك وانا خوك على ها الطير
تراه نادر وكامل الأوصاف بس شد حيلك وطرحه وترى المليون الي انت تتوقع انها سعره تراها فتحت باب وبدايه السوم الله يباركلك
ههههههههههه الله يسعدك دنيا واخره ذكرتني بأيام الطفوله يوم كنت الصيد هذا النادر واحوسه الله يغفر الذنب
فالك الطير والخيل والرزق الواسع ومخاوى الذيابه والسلام

[abadi77]

كانون والا نيكون والا فوجي ( أتوقع كانون ) ياراعي المليون :D

هذي ياطويل العمر نيكون D3100

وكانك لك نظر فيها ( اللي هي الكمرا ) تراها هي والصقر ببيعهم بمليون :)

بس الكمرا ماشاء الله ممتازة

[abadi77]

السلام عليكم
أعوذ بالله من الحسد ترى هم حاسدينك وانا خوك على ها الطير
تراه نادر وكامل الأوصاف بس شد حيلك وطرحه وترى المليون الي انت تتوقع انها سعره تراها فتحت باب وبدايه السوم الله يباركلك
ههههههههههه الله يسعدك دنيا واخره ذكرتني بأيام الطفوله يوم كنت الصيد هذا النادر واحوسه الله يغفر الذنب
فالك الطير والخيل والرزق الواسع ومخاوى الذيابه والسلام

أقول ياطويل العمر أنت والله النادر الله لا يخلينا :good2:

بصرااحة الجماعة أيسوني إلا من رحمة الله أنه يجيب المليون صعبة

طيب ما ودك تجيب لي حبة سمان وتاخذ الطير الحر :D :D

تسود أن حنا نطلع بشي من هالصورة ههههههههههههههههه