المولدات الكهربائيه

[فيدل كاسترو]

السلام عليكم اخواني الاعضاء الكرام مثلكم عارف غلاء مولدات الكهرب وبالاصح المكائن الي تعمل بالديزل والمواطير ماتوفي بالغرض مثل منتو عارفين عطال وازعاج ويدوب يشغل النور وكل شوي يبي بنزين فما ادري هل فيه احد يعرف وكيل او مستورد يجيب مكاين سعرها معقول يعني حدها عشره الاف ريال واقل وجوده حليله ماني قايل ممتازه ومنهو الذيب اللي يجيب تقرير عن المكائن اللي بشارع الريل واسعاره وجودتها ؟اشوف اني مصختهاا ودمتم بخير :D

[ابو البر]

فيدل يا كاسترو

يا عزيزي
سؤالك غير مفهوم

كم وكيف وفين

كم / تعني كم كيلو حاجتك .
كيف / الآناره اللي راح تستخدمها لمات نجف او لمات عاديه او كشافات .
وفين / مخيم او استراحه او بيت .
وبعدها بعطيك العلم على ما تبا .

[فيدل كاسترو]

فيدل يا كاسترو

يا عزيزي
سؤالك غير مفهوم

كم وكيف وفين

كم / تعني كم كيلو حاجتك .
كيف / الآناره اللي راح تستخدمها لمات نجف او لمات عاديه او كشافات .
وفين / مخيم او استراحه او بيت .
وبعدها بعطيك العلم على ما تبا .
اخوى ابو البرا حياك اغلب الناس تبحث عن كل شي وسط والنبي صلي الله عليه وسلم بمامعناه قال خير الامور اوسطها اوكما قال بمعنى اغلب الناس تبحث عن الماكينه اللي تشغل مكيف وجهاز تلفزيون ورسيفر وكم لمبه سوا كان باستراحه او غرفه مقطوره يعني مكينه متوسطة الحجم وترى ما افهم بالكيلو ولا الوات يعني تقريبا مكينه كبر مكينة الجيب واسف عالاطاله

[ابو البر]

اذا مكيف صحراوي صغير وتلفزيون وكم لمبه (نجف مثلا عشر لمبات )
فرح دور لك على الأول وبدون منازع وهو
(يانمار الأصلي تبريد هواء )ديزل 5500 شمعه يعني تقريب تقدر تشغل عليه من ثلاث الاف شمعه الى اربعة الاف ....مع الأخذ بالآعتبار ان القصد هو لراحت الماطور على المدى البعيد .
ولا تنسى كل ما زادت المسافه بين مكان الماطور والمخيم كل ما انت تحتاج ان يكون الكيبل فوق 6 انبير .

بالنسبه للمواطير الأخرى فبعد اليانمار يجيك الهونداء ثم الروبن.

ملاحظه مهمه جدا جدا
الآخوان اصحاب المخيمات يشترون زيت للماطور من النوع الرخيص وهاذا خطاء انا وقعت فيه .
وبسبب هالبخل على الماطور قمت بتوضيبه .

الفني اللي وضب لي الماطور علمني ان اشتري كرتون من سوق الجمله تحت كبري الخرج بالصناعيه 24 حبه 250 ريال
(سوبر شل) او من الآنواع الأخرى المعروفه بجودتها .
والى الحين من سته اشهر ما استخدمت الا ثلاث علب لآن الزيت الأصلي يخلي الماطور يعمل براحه وخصوصا ان التبريد في اغلب المواطير تبريدها هواء.
بيجيك الحين من يقولك رأئي ثاني وثالث وأكثر.
لاكن الأغلبيه راح يقولون لك (يانمار ) غير.

تحياتي .

[أنجليتا]

السلام عليكم
استخدم مولد الطاقة الشمسية افضل
وبالتوفيق

[فيدل كاسترو]

مشكور عالنصيحه يابالبراء رحت البارح لشارع الريل وتحديدا عند عبدالله هاشم وكيل ينمار وحصلت 6 كيلو 16 الف وخمس ميه صراحه ماهو بطال يشغل مكيف فريون وتلفزيون ورسيفر وكم لمبه بس عيبه صوته مزعج وفوق هذا التطبيق ماليزي

[فيدل كاسترو]

السلام عليكم
استخدم مولد الطاقة الشمسية افضل
وبالتوفيق
مشكور عالنصيح بس الطاقه الشمسيه يدوب لمبات واخوك يبي شي يجمل عندي غرفه مقطوره طولها 13 متر ومن فصلتها والوالد حايسني كل يوم يبي حاجه :mad:

[ابو البر]

مشكور عالنصيحه يابالبراء رحت البارح لشارع الريل وتحديدا عند عبدالله هاشم وكيل ينمار وحصلت 6 كيلو 16 الف وخمس ميه صراحه ماهو بطال يشغل مكيف فريون وتلفزيون ورسيفر وكم لمبه بس عيبه صوته مزعج وفوق هذا التطبيق ماليزي
هلا ولله
انا كنت خايف من هالشي

لاتاخذ الا يانمار الآصلي لو مستعمل وبعد لو توضبه .

اما من ناحية الصوت فهو صوت لاكن حط حواليه جدار على شكل حرف U

ولك وللزمان .

[حبيحب]

السلام عليكم
انا من وجه نظري
ينمار لا يعلى عليه

[ابو البر]

مشكور عالنصيحه يابالبراء رحت البارح لشارع الريل وتحديدا عند عبدالله هاشم وكيل ينمار وحصلت 6 كيلو 16 الف وخمس ميه صراحه ماهو بطال يشغل مكيف فريون وتلفزيون ورسيفر وكم لمبه بس عيبه صوته مزعج وفوق هذا التطبيق ماليزي
نسيت شي

انت تقول 6 كيلو يشغل مكيف فريون

من قال هالكلام لك
حبيبي
اسمع

عند قومت كمبروسر المكيف الفريون

يمغط الماطور مغطه ماهي صاحيه

وفي كل قومه للكمبروسر يقلل من نشاط الماطور وكلها كم يوم ويخبط .

انتبه
اذا فلوسك تكفي لشراء ماطور صح عشرين كيلو واكثر عشان كمبروسر الفريون ولا وقف .

انت تتكلم عن مكيف فريون يا شيخ.

ما يبيله ماطور صغير .


لمبات كشافات نتفاهم وغيرها ما عندي رأئي.

[سهاله]

السلام عليكم
أخي فيدل ولا يهينون الاخوان بالنسبه للماطور ١- احرص انه يكون له وكيل معتمد يقوم بتوفيرالقطع باستمرار
٢- عند تشغيل المكيف ضع باالاعتبار شيئ يسمى starting Rate current وهو مايمثل ١.٥ من التيار عند تشغيل المكيف أو عندما يعمل الكمبرسور في كل مره لذلك يجب ان يكون المكيف مناسب مع حجم الماطوروكلما زاد حجم الماطور بالكيلو وات زاد السعر عليك
٣- احرص على على اقتناء الماطور الياباني ولا تحمل الماطور زياده عن حمله بل اجعل الماطور ذات سعه أكبر لان ممكن اتضيف أحمال عليه بالمستقبل
٤- بالنسبه لازعاج الماطور هناك أنواع يجي عليها كاتم للصوت بس تكون أغلى
آسف على الاطاله واتمنى ان تكون المعلومه تنفع الجميع
ان أصبت فمن الله تعالى وان أخطأت فمن نفسي والشيطان

[سهاله]

وأضيف أيضا
معلومه كل ١ كيلو وات يمثل ١٠٠٠ وات
ويقاس التكييف بوحدة ال بي تي يو عادة BTU وهناك طريقه لتحويله للوات والكيلووات لكن للأسف لا تحضرني الآن

[ابو البر]

قصه صغيره بتفيدكم في هالموضوع

العام
اشتريت من وكالة هوندا ماطور صغير 600 شمعه بقيمة 1250 ريال

حملت عليه مكيف صحراوي صغير وكم لمبه وتلفزيون وريسيفر
واهملت الزيت (المهم خبط)
وديته للوكاله قالو توضيبه يكلف 1500 ريال .
يعني سعر التوضيب اكثر من سعر الجديد.

طبعا تناشبت انا وياهم على هالمغالاه .
ولا طلعت بنتيجه .

يعني شفت القهر في هالموضوع .

انتبهو من الوكالات وتلاعبها عند الصيانه .

[ابو البر]

قصه صغيره بتفيدكم في هالموضوع

العام
اشتريت من وكالة هوندا ماطور صغير 600 شمعه بقيمة 1250 ريال

حملت عليه مكيف صحراوي صغير وكم لمبه وتلفزيون وريسيفر
واهملت الزيت (المهم خبط)
وديته للوكاله قالو توضيبه يكلف 1500 ريال .
يعني سعر التوضيب اكثر من سعر الجديد.

طبعا تناشبت انا وياهم على هالمغالاه .
ولا طلعت بنتيجه .

يعني شفت القهر في هالموضوع .

انتبهو من الوكالات وتلاعبها عند الصيانه .
ياه
نايمين الأخوان


طيب علقو .

[بوجندل]

سلّمك الله ...


المكيّف أوّل مايشتغل يسحب 5 كي في


وبعدين يريّح على 3.5 كي في


بما معناه خذ لك 6.5 كي في وانت مرتاح


خذ ماطور اسمه elemax


لونه أحمر قوّته 6.5 كي في


المحرّك اللي فيه هوندا ياباني واكسسواراته الباقيه صينية درجة اولى


عندنا 4 محركات من 5 سنين ما اشتكينا منهم


سعره بقطر 6000 الى 6500 ريال قطري


وفيه نوع اسمه astra أو eagle


كلّهم صينيين وقوتهم 6.5 كي في


عندنا منهم ماطورين تقريبا من سنة ونصف وشغّالين آخر حلاوة


سعر الواحد بقطر 2400 ريال قطري الى 2600 حسب المحل


وفي السوق الصيني بالامارات تلقى سعرهم مايتجاوز 1750 درهم اماراتي


اتمنى انني أفدتك ...

[رٍسِـــلآنٍ ٱلدُفُــٱع]

رهم مكينه اكسنت على محول كهرب وتطلع باحلى النتايج