الفزعه يا مكنيكيين مكشات تكفون ابي رايكم

[عاشق دفرنسين]

السلام عليكم ورحمة الله وبركاته

كيف الحال اخواني

عندي استفسار ياشباب فيه واحد من الشباب معه ددسن دفرنسين موديل 2004 غمارتين

وصار عنده مشكله قبل يومين شيك عالزيت زيت المكينه مع العلم انه مغير من شهر ونص

وطلع العيار والموتر بارد شاف العيار باخر شيء بالعفطه تبع العيار مافيه زيت مرة

راح مكنيكي قاله شنبر مع العلم ان سيارته ماتدخن راح ثاني قال غير زيت وسيفون وجرب يمكن

من الزيت وغيره

وامس وراح فحصه كمبيوتر وطلعت له النتيجه هذي ياليت اللي يفهم فيها يعلمنا لان واحد من

الشباب قال الموتر فحص مكينه مايبيله شيء الفحص جيد جدا ماشوف انه يبي شنبر ياليت ياشباب

اللي عنده خبره بالتقرير هذا يبلغني يرد علي واذا فيه طريقه نعرف كيف انه يبي شنبر اولا

لان الموتر مافيه دخنه وراح فيه مكانيكي قال لازم افك المكينه وشوف مادري اخواني اللي يعرف

ورشه فاهم يعلمني فالرياض واللي يعرف في التقرير هذا يقولي

صورة التقرير

هذا رابط صورة التقرير لان حجمها لو حطيتها راح يكون كبير قلت احط الرابط احسن


http://www3.0zz0.com/2011/10/19/11/731344331.jpg

واسف عالاطاله

اخوكم

سلطان

[مركز حراره]

زود الزيت وخله على الفل وجرب استخدم السياره فتر وتاكد ممكن البنشري يوم يعبي الزيت نقصه

[عاشق دفرنسين]

غير الزيت هو قبل امس قال بشوف بس ابي لي احد يقرا لي التقرير

[جيبي جايزلي]

مافيه دخان يطلع مع الشكمان يعني ما فيه شنبر

وبعدين الزيت ناقص يمكن فيه تهريب ما انتبهت له او الزيت فيه مشكله غيره وان شاء الله خير

[الا سير]

اذا تبي تقطع الشك في اليقين:
1- غير الزيت وتاكدمن عياره انه عللى الفل
2- روح لمكان مستوي وعاير الزيت واذا كان فل ثبت على المكان
3- بعد ماتمشي السياره 1000 كيلو وقف السياره في نفس المكان وعاير الزيت
4-وكررالعمليه بعد ماتمش السياره 1000 كيلو
في الغالب تبين السياره معك من1000 الى 1500 كيلو
وعل فكره فيه سيارات مشاوير البلد ماتنفص فيها لوتمشي عليها 6000
وفي الخط الطويل تنقص لو انه 1500كيلو بس
ومدام انه مافيه دخان لاتشيل هم

[عاشق دفرنسين]

الله يجزاكم خير ويطمنكم مشكورين اخواني وديته ورشتين قال مافيه شيء

بس خويي يقول يمكن هو حاط زيت تبويش او هو يروح اذا غير الزيت ؟ لان غيره قبل شهر ومافيه دخنه وغيره قبل امس ومافيه شيء ورحنا اليوم انا وهو ورشتين قالوا مافيه شيء

[فواز الحربي]

السلام عليكم ورحمة الله

الضغط في المكينة كما في التقرير


سلندر 1 (99)
سلندر 2 ( 100 )
سلندر 3 ( 93 )
سلندر 4 ( 100 )

و إن شاء الله يفيدونك باقي الأعضاء

[عاشق دفرنسين]

الله يعطيك العافيه اخوي بس هل هذا معنى ان مافيه شنبر ان شاءالله

[يالبى الهلا]

السلام عليكم ورحمة الله

الضغط في المكينة كما في التقرير


سلندر 1 (99)
سلندر 2 ( 100 )
سلندر 3 ( 93 )
سلندر 4 ( 100 )

و إن شاء الله يفيدونك باقي الأعضاء

التقرير اكثر من ممتاز والماكينه زي الفل اذا كان ضغط البساتم اقل من 85 هنا بدات مرحلة التبويش وليس التوضيب فتوكل على الله وغير الزيت الاصلي لان فيه زيوت مغشوشه كيف مغشوشه وهي جديده اقولك
الان فيه شركات تشتري الزيت القديم من البناشر وتعيد صناعته وتصفيته من الشوائب وبيعه علا انه جديد فاحذر تسلم

[يالبى الهلا]

لاحظ في التقرير اخر الصفحه لضغط البساتم ان ٨٤ اقل شئ ويدل على بداية التبويش
اما الضغط الماكس او العالي ١٠٠ وهذا يدل على على ان المشكله من الزيت

[عاشق دفرنسين]

الله يعطيكم الف عااافيه اخواني عالردود ويطمنكم يارب مشكورين اخواني

ماقصرتوا الله يعطيكم العافيه