مشيت والسياره ماحتمت [الأرشيف]

مشاهدة النسخة كاملة : مشيت والسياره ماحتمت

فورد2001

20/10/2011, 10:40 AM

السلام عليكم ورحمة الله وبركاااته .
صباااااح الخير للجميع
ياشباب انا اليوم شغلت السيارة ومشيت بدون ماتحمى .

هل يسبب مشاكل لسيااااره ؟

ابو ناصر2011

20/10/2011, 11:27 AM

لا لا ياخوي ان شالله مايجيهى شي انا من عرفت نفسي ماقد خليت السيارة تحتر

sgl2002

20/10/2011, 12:39 PM

طريقة تحمية السيارة مخترعه من عندنا

انت شغل وثلاث دقايق وامش

هآوي الصيد

22/10/2011, 12:03 AM

sgl2002

22/10/2011, 12:08 AM

مره ومرتين ماراح يضررها

لكن مرره ثانيه خلها تحتمي شوي يعني حوالي 5 دقايق ثم امش . .

وبعدين جاك البرد لازم تحمي السيارره 10 دقايق ...
تبي تقول ليش وش المشكله اذا ماحميت الموتر ..

اولا الزيت باررد ونازل تحت اول ماتشغل المكينه تقوم المكينه بشغلها البساتم والدنيا ولازم يدخل عليها الزيت عشان مايصير فيها احتكاك

وان مشيت على طول مايمدي الزيت ارتفع للمكينه وراح يكون فيه احتكااك

هذا هو سبب ان الواحد لازم يحمي الموتر ..

اتمنى وصلت لك المعلومه ..

معليش ياخوي

الزيت يحتاج اكثر شي عشر ثواني ليكون مكتمل الدخول داخل اجزاء المكينة

يكفيني نظرة

22/10/2011, 09:29 AM

الوالد الله يطول بعمره بصحه وسعاده قد فك في اكس ار 99 وكاله على يده وجلس 7 سنوات حر برد صيف شتاء يشغل ويعشق ( قير تماتيك )ويمشي ولو القير عادي ان كان الظاهر يشغل وهو بالاول ينتعه وهي الدعسه وبعناه على واحد نعرفه عام 2006والى يومك ماشاء الله والمكينه ماعندها خلاف..

جي اكس ار2000

22/10/2011, 10:46 AM

انا عارف شخص معه باث فندر94 شغل ومشى والموتر بار طبعا من الرياض للاحساء ولماوصل طلع طقه بالمكينه وصار بستم مكسور فانتبه اذا عندك وقت سخن السيارة ولاتحسف موفق

عبدالله المطيري

22/10/2011, 11:17 AM

إذا السيارة بخااااااخ ماعليك شغل وامش

ولكن كبليتر لازم تحتمي

hytham

22/10/2011, 11:29 AM

بوضع لك رابط وان شاء الله يفيدك ويفيد الجميع بهذا الخصوص
وسامحونا على وضع رابط موقع اخر في منتدان الرائع

مقطع العروق

22/10/2011, 11:29 AM

شوف يالحبيب السيارة سواء كانت بخاخ او كلبليتر تحتاج تحمية
بس بعض الناس مفهومة غلط بالتحمية
الكلبليتر يحتاج فترة اطول
وصناع السيارة اخترعوا لك انبير على الاقل خليها تلامس الخط
انا الحمدلله السيارة سواء بخاخ او كلبليتر احميها ووش بيضرني كم دقيقة احمي فيها السيارة
وفيه معلومة مهمة
لاتسرف بالتحمية عشان ما يكربن

وجة نظر خاصة فيني + استفادة من خبرات الفنيين اللي اقابلهم

أبو مشآري

22/10/2011, 01:07 PM

اللي سمعته والله أعلم والعهده على الراوي
واحد من الشباب يقول راحت عنده التلاجه يعني القزوز البارد
يوم راح يصلحها سئل الفني عن السبب قال له أنت ماتحمي السياره
وهو فعلا مايحمي السياره

ماون ماركز

22/10/2011, 08:21 PM

السلام عليكم ورحمة الله وبركاااته .
صباااااح الخير للجميع
ياشباب انا اليوم شغلت السيارة ومشيت بدون ماتحمى .

هل يسبب مشاكل لسيااااره ؟

تصير مشاكل اذا حميتها ..

تحمية السيارة خطاء ..

شغل .. ودقيقة او دقيقتين بالكثير .. وحرك

هذا الصحيح والمعتمد من صانعي السيارات اللي هم أبخص فيها

تحياتي

ماون ماركز

22/10/2011, 08:25 PM

مره ومرتين ماراح يضررها

لكن مرره ثانيه خلها تحتمي شوي يعني حوالي 5 دقايق ثم امش . .

وبعدين جاك البرد لازم تحمي السيارره 10 دقايق ...
تبي تقول ليش وش المشكله اذا ماحميت الموتر ..

اولا الزيت باررد ونازل تحت اول ماتشغل المكينه تقوم المكينه بشغلها البساتم والدنيا ولازم يدخل عليها الزيت عشان مايصير فيها احتكاك

وان مشيت على طول مايمدي الزيت ارتفع للمكينه وراح يكون فيه احتكااك

هذا هو سبب ان الواحد لازم يحمي الموتر ..

اتمنى وصلت لك المعلومه ..

والله لا برد ولا صيف .. اشغل وأمشي

والسيارة الحين لها 21 سنة .. لا تنقص زيت ولا قد أنفكت مكينتها والله العظيم

مشت فوق المليون كيلو .. ميركوري ماركيز ..

أشغل .. وأمشي ..

تحمية السيارة أختراع عربي ..

والأن معاي ميركوري 2010 ونفس الطريقة لها سنة ونص تقريبا معي
أشغل وأمشي

حاضر بالنواظر

22/10/2011, 08:27 PM

اخوي انا أبقولك معاناتي مع سيارة الفورد
طبعا انا كنت ما أحمي السيارة وبعد فتره قصيره انكسرت معي الثلاجه (( طبعا الثلاجه في الفورد هي عباره علبه في اعلى الماكينه من فيبر مقوى يعني بلاستيك يحتفظ في الماء ويوزع الماء الى راس الماكينه وهو الوسيط بين اللديتر والماكينه والموزع للماءفي اجزاء المحرك:D:D:D دمي خفيف ))
طبعا سبب كسر الثلاجه هو عدم التحميه لأنه اذا شغلت ومشيت تكون الثلاجه بارده ففجأه توصلها الحراره فتتصدع وتهرب عليك ويخرج الماء الى الكويلات الي ماسكه البواجي انا مابديت احمي لين غيرت ثلاجتين هههه بس عقبه توبه تأدبت وبديت أحمي الموتر وماشاء الله معي له سنتين مافيه الا العافيه

ال-رايق

22/10/2011, 09:42 PM

السلام عليكم ورحمة الله وبركاااته .
صباااااح الخير للجميع
ياشباب انا اليوم شغلت السيارة ومشيت بدون ماتحمى .
هل يسبب مشاكل لسيااااره ؟

وعليكم السلام ورحمة الله وبركاته :
أخوي ولا يهونووووون الاخوااااااااااااااااااااان,, خذ كلامي ومن واقع تجربة على انواع كثيرة من السيارااات ولا تخاف من شي خصوصا اذا :-
1-- الزيت ماهو ناقص ولزوجته زينة ونوع اللزوجة 10/30 ومايقارب لها.والزيت اصلا ما يبيله يتوزع حتى لو تفك الغطاء وتدخل يدك تلمسة فقط ثواني والطرمبة تسحبه خصوصا اذا هو خفيف.
2-- القير زيته مهيأ انه يحتمي على طول.
3-- يجب بعد ما تتحرك انك ما تجور على الموتر امش شوي شوي لين ترتفع درجة الحرارة .
4-- عدم تشغيل المكيف على طول.
5-- ماء الاديتر يكون خاص واصلي عشان يحتر على طول.
----- وللمعلومية السيارات ومديلاتها تخلينا ما نتفق على شي لكن اذكر السيارة اللي نتلها وهي باردة تتفتف وعزمها يطيح .
أهم شي نقطة رقم 3 ............ والله اعلم

الوقيدي

22/10/2011, 10:24 PM

السلام عليكم: تحميه السياره ضروريه وتكتمل دورده الزيت عند تشغيل السياره بانطفاء لمبه الزيت او ارتفاع امبير ضغط الزيت لمعدله الطبيعي. كل هذا مشروط بوجود بلف الحراره بالسياره.وبعدهذا يجب عليك المشي قليلا بهدوء حتى تكتمل دوره حراره مياه الرديتر للسياره. وكذلك اكتمال دوره الزيت للقير بوكس خاصه لسيارات الدفع الرباعي القير العايدي لوجود طرمبه زيت للقير بوكس خاصه به فقط .وكذلك الدفرنس . عندها تستطيع ان تمشى كيفما تريد . والعكس صحيح والخساره كثيره خاصه في فصل الشتاء. ومع وجود الزيوت المغشوشه . الى اللقاء.

فورد2001

23/10/2011, 12:00 AM

الله يعطيكم العااااافيه
ولايريكم مكروه.

هآوي الصيد

23/10/2011, 11:54 AM

معليش ياخوي

الزيت يحتاج اكثر شي عشر ثواني ليكون مكتمل الدخول داخل اجزاء المكينة

عارفين انه اقل من عشر ثواني بعد ، لكن انا اقول انه خمس دقايق عشان يحتمي فيه فرق بين يحتمي وفرق بين مكتمل الدخول للمكينه .. :good2: