يوسف الخليفة1
20/10/2011, 08:42 PM
بسم الله الرحمن الرحيم
السلام عليكم ورحمة الله وبركاته
هيضني التذكار وقتن مضالي=وارخيت من بالي رداين شليله
لا واهني لو يرجعن الليالي=كان اغتنم عصر الصبا واشتكيله
لكنها الدنيا عليها ارتحالي=رجعتها لاعوامن ورا مستحيله
عصرن مضا قد راح ما له ومالي=عسا مقابيل الدهر زان جيله
يا راكب اللي مثل فهر الجبالي=ما شفنا من بين المواتر مثيله
اليا مشا يشدي هدير الجمالي=يوكون ضراب الخطوط الطويله
اسبق من الحوام فوق المفالي=واسرع من النغاق حزة جفيله
اليا بغا النوهات ذيب العوالي=راعيه باخص ما يبي له دليله
ديقان ربعه بالمساري مثالي=ما يلوي بسجات الاسفار ذيله
ما هوب نباحن يغث الرجالي=لاطالت الهجره يناقر خليله
طليق وجه من القروم العيالي=يرفع مقامك ما يجيب الفشيله
تشرا مخاواته بخشم الريالي=بلسم مداوي للنفوس العليله
اليا نوا فجن من البر خالي=ولم زهابه والبنادق بليله
وارقب طلوع الفجر وارخا الحبالي=مقفي بدربه بالعزوم الصميله
قبل الجهام وقبل حس القحالي=والناس هجاد وعلى الله حيله
لما يجي راس النقا بالرمالي=على الطعوس الحمر راد المقيله
والنار تلعج واركدن الدلالي=والبال رايق بالسهول الجميله
لا شك منهاة العمر للزوالي=والدنيا تستافي نهاية سبيله
والرابح اللي قاطف من اللوالي=بالاستقامه ما مشا كل ميله
يوسف الخليفة ( أبو عبد الله )
السلام عليكم ورحمة الله وبركاته
هيضني التذكار وقتن مضالي=وارخيت من بالي رداين شليله
لا واهني لو يرجعن الليالي=كان اغتنم عصر الصبا واشتكيله
لكنها الدنيا عليها ارتحالي=رجعتها لاعوامن ورا مستحيله
عصرن مضا قد راح ما له ومالي=عسا مقابيل الدهر زان جيله
يا راكب اللي مثل فهر الجبالي=ما شفنا من بين المواتر مثيله
اليا مشا يشدي هدير الجمالي=يوكون ضراب الخطوط الطويله
اسبق من الحوام فوق المفالي=واسرع من النغاق حزة جفيله
اليا بغا النوهات ذيب العوالي=راعيه باخص ما يبي له دليله
ديقان ربعه بالمساري مثالي=ما يلوي بسجات الاسفار ذيله
ما هوب نباحن يغث الرجالي=لاطالت الهجره يناقر خليله
طليق وجه من القروم العيالي=يرفع مقامك ما يجيب الفشيله
تشرا مخاواته بخشم الريالي=بلسم مداوي للنفوس العليله
اليا نوا فجن من البر خالي=ولم زهابه والبنادق بليله
وارقب طلوع الفجر وارخا الحبالي=مقفي بدربه بالعزوم الصميله
قبل الجهام وقبل حس القحالي=والناس هجاد وعلى الله حيله
لما يجي راس النقا بالرمالي=على الطعوس الحمر راد المقيله
والنار تلعج واركدن الدلالي=والبال رايق بالسهول الجميله
لا شك منهاة العمر للزوالي=والدنيا تستافي نهاية سبيله
والرابح اللي قاطف من اللوالي=بالاستقامه ما مشا كل ميله
يوسف الخليفة ( أبو عبد الله )