غرزت بسيارتي اليوم ورجعت بدونها للاسف (توجيهاتكم ونصايحكم) تم إرفاق الصور . ابواسامه

[ابو اسامه 2]

السلام عليكم ورحمة الله وبركاته


غرزت بسيارتي اليوم ورجعت بدونها


السبب دخولنا في وحل ما انتبهنا له


في منطقة اتضح لنا انها مستنقع بدون ما نشعر


غرزنا جيبين


طلّعنا واحد


والثاني حاولنا فيه بكل الطرق ما قدرنا


جا راعي وايت حاول يطلعنا غرز معانا والى الان هوه مغرز



جبنا شيول ( دركتر ) يسوقه مصري


حاول يقرّب من السيارة ما قدر واعتذر ومشى




رجعنا بدون السيارة باجيرو 2004


ايش الحل والتوجيهات


النيه نطلعها بكره ان شاء الله بعد صلاة الجمعة مباشرة



علما بأن السيارات تقدر توصل للسيارة الى مسافة 25 متر تقريبا




هل من توجيهات يا اهل الخبره




.

[أَبوابراهيم]

الله يعينك .. يجونك الخبراء ويفيدونك

وماصورت لنا الله يهديك

:)

[wrs3975]

وعليكم السلام ورحمة الله وبركاتهالحل بسيط يابو أسامه وهو سحب السياره من مسافه آمنه بمعنى تجيب لك حبل سحب قوي يتجاوز 25 متر ومن ثم تسحب السياره ومن ثم غسيل كامل لجميع الأجزاء السفليه للسياره وانتبه بعد ماتطلع السياره لا تسرع لأن الكفرات يبي يطلع فيها رجه وبعد الغسيل والتنظيف تروح إن شاء الله وبالتوفيق

[ابو اسامه 2]

الله يعينك .. يجونك الخبراء ويفيدونك

وماصورت لنا الله يهديك

:)


هلا بك يا ابو ابراهيم

انا صورت والجوال مغلق ولافيه شاحن

بحط الصور بكره ان شاء الله لاني مالي خلق تعباااااااان كان يوم شاق

تحياتي لك

[ابو اسامه 2]

وعليكم السلام ورحمة الله وبركاتهالحل بسيط يابو أسامه وهو سحب السياره من مسافه آمنه بمعنى تجيب لك حبل سحب قوي يتجاوز 25 متر ومن ثم تسحب السياره ومن ثم غسيل كامل لجميع الأجزاء السفليه للسياره وانتبه بعد ماتطلع السياره لا تسرع لأن الكفرات يبي يطلع فيها رجه وبعد الغسيل والتنظيف تروح إن شاء الله وبالتوفيق


الله يعطيك العافيه

فكرنا في هذا الحل

لكن رجعنا تعبانين ولافينا حتى نمر نشتري واير طويل

الله يستر بس من التشليح خايفين اهل النفوس الضعيفه يسوون فيها شي

سوال

هل لو اخذنا اكثر من واير وربطناهم ببعض ينفع ؟؟


بحثنا عن اي شخص عنده شاص ومعاه ونش طويل

لكن ما حصلنا للاسف

وقلنا مالنا الا الوايرات نربطها ببعض

والله يعين بكره بس

[volcano]

الله يكون بعونك

مافي وحل او طين الا ويكون حوله تراب جاف .. خذلك خيش وعبه وعلى طول فوق الكفرات الاربع غرقهم بالرمل ومع تحريك السيارة الرمل بجفف الطين بشكل كبير ويسهل عملية الخروج ..

موفق

[ابو اسامه 2]

الله يكون بعونك

مافي وحل او طين الا ويكون حوله تراب جاف .. خذلك خيش وعبه وعلى طول فوق الكفرات الاربع غرقهم بالرمل ومع تحريك السيارة الرمل بجفف الطين بشكل كبير ويسهل عملية الخروج ..

موفق


الله يعطيك العافيه


تسلم يا الغالي على النصيحة


تحياتي لك

[BLA6K]

رح للموتر بكرا الظهر إن شاء الله تكون الأرض ناشفه :)

أو مر على السنيدي تلقى عندهم وايرات متينـة

[كاشت وحداني]

اولا الله يعقل موترك لا يجيه احد ياخذ منه شي
ثانيا شف المسافه الامنه او العزاز ااقرب عزاز من موقع التغريز وجب لك واير او سبته على طوله وان شاء الله يطلع

[رسلان الوايلي]

جب صج حديد 4 حبت وخشب وحطه تحت الكفرات وخل اي موتر ثاني يسحبك مع الدبل
وموفق خير

[MRW]

طلعت عليكم الشكلاطه

والله اللي تبطون عظم وانتم ما طلعتوه

ياتنتظر حتى تنشف الأرض أو تسحب السيارة

غيره مافيه حل

[ابوفهد2001]

تبي تسهل يابواسامه بس من رأيي تدورلك موترين بهن ((ونش -مكره)) ويبي يتعاونن عليه ويبي يطلع بدون تمتيل وبدون معافر

[راعي الغنمات]

خذ معك 4 مرابيع خشب وحطه تحت الكفرات زي ماتكون السيارة ( على سكة قطار) وخل اي موتر ثاني يسحبك مع الدبل والله يسهّل عليك ياخوي

[sameer_1798]

الله يكون في العون ولعل اصحاب السطحات وايراتهم طويله تأكد منهم واذا احتجت جيب سطحه واسحبه .

[حسن ابو طالب]

السلام عليكم


صبحك الله بالخير ابو اسامه


انت شوف اصحاب السطحات حق نقل السيارات
بتلاقي عندهم ونش للسحب واتوقع يوصل هالمسافة


وبيسحبك وهو واقف بمكانه


اتمنى اني افدتك ..


والله يرجع سيارتك ويبغعد عنها اولاد الحرام



وفقك الله

[cci]

الله يفرج همك ويسهل دربك أنت والمسلمين

[ابن مدهون]

اهم شي اللي يبي يسحبك تاكد انه على عزاز لايغرز هو الثاني بعد

[ابو سليمان101]

الله يعينك وييسر امرك



انتبه ان كان هناك عمالة سائبة بدون لوحات ...


الله ييسر امرك...

[حنيف]

احب افيدك يا ابو سامه مشرفنا الغالي
انو كل ما طل القنص قلت القوه
معنى كلامي انكم تجيبون موتر على حافه الصبخ وموتر ثاني من ورا يجره
يقوي عزمه ....
وذا حولك رمل عبوه بثيابكم وكبوه تحت الموتر
ووالله يخارجكم
تمنياتي لكم بالتوفيق

[ابو مقعد511]

الحل : خذ لك مرابيع و رمل وحطوها تحت الكفرات ... واربطو السبت مع بعض وانتلوه نتل ..
والله يكون فعونكم ..

[ابو اسامه 2]

الله يعطيكم العافيه جميعا ً

ما قصرتو وبارك الله فيكم

تحياتي للجميع

[اديب بن صالح]

ابو اسامة

مشكلة الشعيب اذا صار متشبع بالماء

سبق صار لنا نفس الشي وغرزت ثلاث سيارات

هكست المواتر بالارض وتعلقت والشعيب متشبع بالماء لا وأزيدك من الشعر بيت

جالنا الشعيب يمشي وزاد الطين بله

ومن أخطر المواقف انك تكون بالسيارة بوسط شعيب يمشي لأن الثعابين يجرفها السيل معه

وأكيد تبي تلوذ بالسياره اذا لامستها


مالقينا حل الا بانتظار الشعيب ينشف شوي

صدقني المسافه البعيدة ماتطلع السيارة الا بأمر الله

لآن السيارة تبي سيارة ثانيه تجرها من قريب بطريقة النتل ماينفع سحب

لكن انصحك خذ معك شيول ومسحاة للحفر لآنك مضطر تسوي هالشي هناك

وأفضل شي خذ لك سلسلة لآن النتل غالبا يقطع الواير العادي غير الحديد


الله يوفقك اخوي

[N A I F - 98]

أتمنى تكون السيارة طليقة الآن
المهم شف يالغالي الطين مايعرف جيب أو غيره خاصة الطين الخالص (سادة)
الغراز بالمنقع وفيه مويه أهون من الغراز بالطين سادة لأن الموية تغسل الكفر ومايلصق الطين وهذا أكبر سبب بعد وزن السيارة طبعا للتغريزة بالطين
تنسيم الكفرات مفيد جدا بالطين تماما مثل الرمل هذا الكلام من تجارب شخصية
طبعا السيارة بالطين تكون لاصقة بالأرض يعني قبل سحبها لازم تحاول ترفع السيارة من الجهتين
بإستخدام البالون اللي يركب على الشكمان وبعدها تحط شجر أو رمل بطريق الكفر في الأمتار الأولى على الأقل
بعدها السحب بإذن الله يكون سهل على السيارة الأخرى طبعا بواير طويل أو حبل وهذا سهل
نصيحة أخيرة
كثير منا إذا تفاجأ بنزول كفرات قدام بطين راح يدوس للسيارة يطلع قدام وهذا خطأ كبير خاصة إذا كانت المنطقة غير معروفة للسائق
المفروض يوقف مباشرة وبأسرع وقت وبعدها الحل بسيط بإذن الله
أهل البر لاغنى لهم بعدالله سبحانه عن شيئين بالون رفع السيارة والونش رغم سعره المرتفع
أعتذر طولت عليكم وأتمنى السلامة للجميع

[شحرور الدهنا]

بشرنا طلعته ووشلون طلع

[يكفيني نظرة]

السطحه يطلعه ان شاء الله

[طير شلوى نجد]

الله يكون بعونك

[هويدي]

الله يكون بعونك بشر عساك طلعته

[ابو اسامه 2]

السلام عليكم

الله يعطيكم العافيه وجزاكم الله الف خير


ابشركم الحمد لله رب العالمين طلعت

جبت لي ونش سحبها من مسافة 70 متر

وشويه شويه لحد ما طلعت


يوم جينا على السيارة الحمد لله ما حد لمسها ومثل ماهي

انا خفت من احد يكسر القزاز ويفك الكبوت ويسرق البطارية والمسجل وو الخ

لكن الحمد لله

ما حصل اي شي من هذا

خروج السيارة استغرق نص ساعه

علما بان الموقع لقيناه ناشف كثير كثير عن امس

واخوي جاب معاه عفريته حقت البناشر الكبيره و خشب كثير

لكن في اخر لحظة انا دقيت على الغالي

ذراع الذيب وجزاه الله الف خير دلنا على ونش ممتاز

وطلعنا السيارة في نص ساعة

ولمن كنت امشي فوق الميه وانا راجع كانت ترج

غسلتها بستم من اول محطه صادفتها

بعد قهوة الجبل

ورجعت السيارة مثل اول ولله الحمد


الف شكر للجميع على توجيهاتكم ونصايحكم القيمه وان شاء الله ما تشوفون الا كل خير

وان شاء الله نستفيد جميعا من النصائحه اللي ذكرها الجميع

برفق لكم صور التغريز

بس مو الآن بكره

لانها الآن ما هي جاهزة

تحياتي للجميع

[بحري999]

اولا نسم الكفرات وخليها على 10 أو 15 يعني مره وحاول تضع شئ تحت الكفرات واذا فيه شجره كبيره قريبه اربط الواير فيها والا سياره تسحبك وانت على الدبل الخفيف وشوي شوي ان شاء الله تطلع

[سيف وقلم]

الحمد لله على السلامة...

[أبوعابد 22]

الحمد لله على السلامه اخوي ابوأمل وباانتظار الصور

[(التوقيع)]

الحمد الله على السلامه

الطين مايعرف لادفع رباعي ولا غيره

[galawy1]

الحمدلله على السلامة

[ابوجودالعبدلي]

منتظر الصور
شكلها في الساحل

[صقر نجد99]

الحمدلله على السلامة

[الـبــرواز]

الحمدلله على السلامة

[حنيف]

الحمد لله عالسلامه يابو اسامه والله فككم منها
ولاتشوف الا كل خيرر

[جي اكس ار2000]

المكرة اذا تعلقت اي سيارة هي الحل

[ابو اسامه 2]

السلام عليكم

والله يسلمكم جميعاً

هذه هي صور السيارة في اليوم الاول

واليوم الثاني نزلناها بونش سحب على بُعد 70 متر عن السيارة

والحمد لله

وتوووووووووووووووبه ما عاد اعودها :D



هذي المنطقه اللي يشوفها يقول عاديه جدا ً ولا يفكر انها مستنقع
http://www.mekshat.com/pix/upload05/images230/mk51394_20102011516 [].jpg



كل متر تمشي فيه عباره عن طين مع مويه ما تلاحظها الا لمن تدعس عليها

حتى واحد من العيال دخلت رجوله كلها يوم انه يمشي حول السيارة







http://www.mekshat.com/pix/upload05/images230/mk51394_20102011515 [].jpg





هذا مكان التغريزه الاولى طلعنا وحده من السيارات وباقي الثانية ( الباجيرو )
السيارة الاولى طلعت في الاثر اللي فوق على اليسار


الاثر الواضح هذا طيحت الباجيرو الاولى نزلناها وطاحت مره ثانية



http://www.mekshat.com/pix/upload05/images230/mk51394_20102011513 [].jpg



السيارة معلقه من النص مهما سوينا ما فيه فايده

ولو مشت طاحت مره ثانية

يعني لازم سحب لازم سحب





http://www.mekshat.com/pix/upload05/images230/mk51394_20102011512 [].jpg



عذاب :D





http://www.mekshat.com/pix/upload05/images230/mk51394_20102011511 [].jpg





لاحظو الوايت قلنا له ارجع ما يمديك الا واصر ( نشمي الله يذكره بالخير )

لكن طاح معانا وصارت مشكلته مشكله وخاصة انه ثقيل ويحتاج لسيارة ثقيله

اليوم الثاني طلع قبلنا ( واسطه ) :D

ويظهر ان احد اصدقائه ساعده



http://www.mekshat.com/pix/upload05/images230/mk51394_20102011514%20[].jpg




الحمد لله على كل حال

اهم شي ان السيارة رجعت طبيعي والحمد لله بعد ما غسلناها بستم

وقلت في نفسي توبه من هذا المكان

لكن طلعت البر ما منها فكه ابدا ً




تحياتي

[الكونتر]

اولا الحمدلله على السلامة
وانشاء الله بسيطه
ياخوي اذا كانت صبخة ورجلك تغوص في نفس الوحل مامعاك الا انك تسحبها بونش حق الجيوب هذا شي
وشي الثاني مثل ماقلوا الاخوان اربع مرابيع وخلها تحت الكفرات وخل واحد بدبل يسحبها
ونصيحه لاتطول عشان لايدخلها الصدى
تحياتي

[ابو اسامه 2]

اولا الحمدلله على السلامة
وانشاء الله بسيطه
ياخوي اذا كانت صبخة ورجلك تغوص في نفس الوحل مامعاك الا انك تسحبها بونش حق الجيوب هذا شي
وشي الثاني مثل ماقلوا الاخوان اربع مرابيع وخلها تحت الكفرات وخل واحد بدبل يسحبها
ونصيحه لاتطول عشان لايدخلها الصدى
تحياتي


هلا بك يا الكونتر

الله يسلمك يا الغالي

والحمد لله طلعناها

وتم ارفاق الصور

تحياتي لك

[الصمان 2]

الحمد لله على سلامتك يابو أسامه



.

[ع العمرو]

الحمد لله على سلامتك يابو أسامه

[الحر503]

الحمد الله على السلامه

[يالبى الهلا]

السبخه ما لها حل تمسك بطن الموتر يانتع الموتر اويسحبه ونش من بعيد

[alwssam6]

الحمد لله على السلامة

[طويق 2010]

من واقع خبرة
أول ماتدخل أي مطينة خل السيارة تدحدر إلين تاقف
لاتعشق دبل ولا تسوي أي شي
أنزل من السيارة ونزل هواء الكفرات إلى 5 أو 10
والأفضل 5
وعلى مهلك قدم ورجع إلين تاصل العزاء بدبل خفيف
أو بدون دبل
بالنسبة لوضعك إللي أنت فيه لابد من السحب يبي لك وايرات وموتر قوي يسحبك
والله يوفق الجميع

[GABER65]

الحمدلله على السلامه

[عشقي الصحاري]

فيه حل واحد الا وهو الدفاع المدني@
او جيب مركب ونش يمكن يقدر@
وان شاء الله يفرج الله همكم @

[قناص2000]

الله يعينك يا خوي

[المنصف5]

عادي مدامكم حستو الارض اللي تحته أثناء محاولة إخراجة ....بكرة الظهر وليس الصباح فقط دق سلف وشغل الدبل وقدم ورجع من ثلاث إلآ خمس مرات ويطلع زي براد أبو أربعة لأن الطينة أشتدت خاصة اللي تحته بشرط لايجيه مطرة .

[صوت الرياح]

الحمد لله على السلامة

[الإستراتيجي]

ذكرتني عام 1418 أخ يا الغطسات جبنا ونش ولا فاد جبنا كل المعدات أنتظرنا من الغد وجبنا دركتل من مسافة بعيدة جرينا الموتر لين طلع


تصدقون أننا نحط صاج حديد للكفرات الأربع لمسافة 50 متر ولما وصلنا العزاااا مشيت بها 40 عشان ما تنشب


من قوة الطين دخلت السيارة كلاه الصدامات غاصت :D


بس ذيك السنة الطينة كانت خطيرة

بس كان معي موتر ثاني خفيف منسم كفراته حدود 10 وأتمشى جنب الغاطسين فقط أوريهم زين هالمواتر القديمة :good2:


بس من جد لا أحد يعبث مع الطين كل حاجة والطين ترى المسألة خطيرة جدا وممكن تقتلك أيام البرد و الصواعق صارت لي مرة الله لا يعيدها غطست و لا كنود ولا تلفون طلعت من الموتر برد يذبح وكان الهواااء نسري ومعه رذاذ ماااء

ياا ناس دبلت الثياب و بالطو في الموتر وكل الثياب إلي في الموتر لبستها ولا فاد
الطين لعب في لعب رجلي حافي ما نفع مع الطين تحتاج كنادر تربطها من الركب :good2:


نصيحة أخ لأخوه لما تشوف الطين من يمين رح يسار

لكن النصيحة الذهبية إن كنت في معمت الأمطار لا تطلع من الجادة (( الخط )) يعني لو كانت الجادة فيها ماء لكنك تعرفها السيارات تمشي معها من زمان أمش معها ولا تمشي جنبها على طين


لأن الطين سبحان الله ينتفخ وتبقى قشرة فوق كأنه ياااابس أول ما تطلع من الخط الترابي الي الناس تمشي معه وتبي تروح على جنب مباشرة إن كان الأرض متشبعة من الأمطار راح تدخل خشت الموتر بدون مشاور ;)


كم واحد من ربعي نصحته لكن ما يأخذ العلم ونعود رجليه ونشر

[دواك عندي]

وين المكان

[زاحف بحر]

الاخوان ما شا الله كل الطرق ذكرها لك ,,

وانت خذ ما بداأأأأ لك ,,

الله ياربي يعينك ,,

[خيال المفخره]

الله يكون بعونك ..

مافيلك الا انك نشوف راع مفخره ولا شاص بهن ونش وازهلها

كنت طالع للبر مره وجاك جمس دينالي وغرز بطين وكل ماجبنا واير انقطع ولا مافي امل يتحرك

جاك راعي مفخره وشاص بالونش كنه ياأشر باصبعه يقوله تعال تعال هههههه ه

من الاخير شفلك راعي ونش وازهالها واذا انه المسافه ماتوصل وصل الونش بصيخ

[قالع الرقاب]

الف الف الف حمد لله على السلامه نبي الوليمه

[البعية]

انصحك بوايرات الدفاع المدني ممتازه جدا

بلغهم وما راح يقصرون معك

[ابو اسامه 2]

الله يعطيكم العافيه ويسلمكم جميعا ًً كل بأسمه

ما قصرتو والله يبارك فيكم

تحياتي للجميع

[white heart]

ارفع السيارة بالنونش حق التوضيب ابو ثلاث مواصير وحط تحتها الواح بتمشي معاك باذن الله (مجربة )

[كويس]

حمدلله على السلامه يا ابا اسامة

انا حصلت لي المشكلة قبل سنتين وقعد موتري في الصبخه ثلاث ايام

والحمدلله تعلمنا الكثير


الحل بسيط لا تسحبها ولاشي لوسحبت السياره سحبت الارض كلها من واقع تجربه


ولكن حط العفريته في حافة الجنط وارفع الكفره وفرش لها اما ببلاكاش ولا مرابيع

كل الكفرات الاربع وعشقها واحد ودبل خفيف وتطلع معك زي الحلاوه

لاسحب ولا شي


وشكرآ

[مهاجر161]

نصيحة بسيطة خذ لك خشب عريض صقايل (بليوت) من اهل الخشب بالصناعية عدد لايقل عن 4 بطول لا يقل عن 6 متر ثم حاول تنسم الكفرات كأنك في مغرز في رمل وحاول تهز الموتر للأمام والى الخلف او بمساعدة سيارة أخرى بالواير وان شاء الله تزين الامور .. واذا لم تنفع كب ماء تحت الكفرات علشان يلين الطين ثم هز السيارة وبالواير وان شاء الله انك تطلع .. انا قد طحت مثل كذا ولكن الحمد لله طلعت بعد ما سوينا زيادة الماء بكمية كبيرة والحمد لله طلعنا بفضل الله .... الله ييسر أمرك ويفرج لك انت وغيرك .....

[مهاجر161]

يمكن تكون الرسالة متأخرة ولكن للفائدة وللمستقبل
الله يحفظنا واياك والجميع من كل مكروه ..
تقبلوا تحياتي
المهاجرررررررررررررررررر

[ابو اسامه 2]

الله يعطيكم العافيه جميعا


الاراء التي تم طرحها مهمه جدا ً


مستقبلا ً


حتى ولو انتهى الموضوع


لكن الفائدة تبقى ان شاء الله


تحياتي للجميع

[كنز المشاعر]

حمدلله على السلامه يا ابا اسامة