ابي فزعتكم ياهل الخبره والمعرفه

[صميم المحبه]

السلام عليكم
انا عندي قراند شروكي 2003 طالع فيه صوت قروشه بالدفرنس الامامي او خفيفه والان قويه يتقل الصوت بعد 120 واذا عشقت الدبل يختفي الصوت رحت كذا ورشه قالو رمان الدبل والي قال رمانات الدفرنس والي طلب 1000 والي طلب 700 واحد قال 500 شغل يد فقط

والرمان مادري كم سعره

هل هذا حق الشغل ام مستغليني
وهل هناك ورش معروفه بهالشعله
وش نصحيكم
وهل تاخير اصلاحها مضر

[صميم المحبه]

لا حد ينسانا ههههههههههههههههههه يهمني ردكم

[صميم المحبه]

وين اهل الخبره

[أصيل حجآ زي]

السلام عليكم
انا عندي قراند شروكي 2003 طالع فيه صوت قروشه بالدفرنس الامامي او خفيفه والان قويه يتقل الصوت بعد 120 واذا عشقت الدبل يختفي الصوت رحت كذا ورشه قالو رمان الدبل والي قال رمانات الدفرنس والي طلب 1000 والي طلب 700 واحد قال 500 شغل يد فقط
والرمان مادري كم سعره
هل هذا حق الشغل ام مستغليني
وهل هناك ورش معروفه بهالشعله
وش نصحيكم
وهل تاخير اصلاحها مضر



وعليكم السلام :

أهل الخبرة نامو

مرحبآ بك أخي الكريم .
أولآ :
أفحص مستوى الزيت وأذا الزيت نآقص أو محروق
فزود النقص وأذا هو محروق فغير الزيت بزيت جديد من الوكآلة فقط .


ثآنيآ :
تأكد أن الخرخشة من الدبل أو الدفرنش وليس من قطعة أ ُخرى .
يعني رُح لورشة يرفعها على رآفعة ويعشق الدبل ويعشق جميع النمر .


هذا فوق هو الفحص الصحيح ولا تصلح من غير تفتيش وفحص وتشخيص صحيح .


أغلبهــُم نصآبين وأغلبهــُم يخبصون فلا تقع في فخآخهــُم .


على طول أعطوك الحلول من غير ما يفتشو زين .


أحدهـُم قآل لي قصة طويلة عن أحد السآئقين .
قآل الرجآل سمع صوت تحت السيآرة جهة القير وهو في السفر .
قآل دخل ورشة بالمدينة التي وصل لها { الريآض }
بس ما أعرف هل دآخل المدينة أو خآرجها !!!


قآل لهُ أصحآب الورشة القير خرّب .
قال وش الحل ؟ قآلو الحل عندنا نغير لك القير .
على طول غيرو القير والرجآل ذكي ما رآح وخلاهــُم .
جرّب وأختبر القير وما تغير شيء .
أتصل بفني يعرفهُ بالجوآل وقآل لهُ المـُشكلة .
قآل لهُ الرجــُل ركب قيرك القديم وتعآل نفحص عليها .
فسآفر مسآفة حوآلي 500 كلم .
وصل لصآحبهُ .
قآل نزلت تحت السيآرة وفتشت وفحصت
وضربت عدة ضربآت بدبة التلوّث الا والصوت بـكـــُل وضوح
الصوت من دبة التلوث الموآصير { الأنآبيب الدقيقة} بدآخلها تخلخلت وأنهآرت .
غيرها لهُ ورآح الصوت الخرخشة .



أذا جيت ورشة وقــُلت لهُ المـُشكلة
وعلى طول أعطآك الحل من غير ما يــُشخص ويختبر المُشكلة .

يكون مثل الطبيب اللي يعطيك أسبرين أن بنسلين .
فأنحش عنهُ أنحيآش الغزلان عن الوحوش .



ثــآلـــثـــآ :
شخـــّص زين وبعدين لـكــُل حدث حديث .


من أسآليب التشخيص أن
تعزل الجهآز الذي يــُصدر الخرخشة أو القرقعة أو الونة أو الحنة أو الطنة .


أفصل عمود الدبل وشغل وجرّب .
العزل هو من أفضل أدوآت وأسآليب التشخيص .


أن شاء الله تلقى حل وتنحل لك .
أ ُذكــُر موقعك لعل وعسى الشبآب يوجهوك لورشة ثقة أو مـُهندس شآطر .


:good2:


موفق
وتلقى خير

[بدوي جنوبي]

أرفع السياره على رافعه في الورشه
وشوفو مصدر الصوت من وين

أما شغل التخمين ما ينفع .

[صميم المحبه]

الله يجزاك خير اخوي على الرد الشافي اشكرك
اخوي اصيل حجازي

اخوي بدوي جنوبي اشكرك على رد الله يجزاك كل خير