المساعد الشخصي الرقمي

مشاهدة النسخة كاملة : مشكلة تقطيع في باترول فتك


سلمانـ
22/10/2011, 01:01 AM
السلام عليكم

معي باترول 2005 فيه تقطيع وكأن الموتر مكتوووم مايطيع ينطلق بقوه مادري وش السبب واتمنى منكم الحلول الله يرضى عليكم
S 106
22/10/2011, 02:51 AM
وعليكم السلام ورحمة الله وبركاته

أخوي غالباً مثل هالمشاكل مايتبين الا بعد المعاينة
لكن قد يكون من الحساس ( حساس فلتر الهواء )
أو من اللهات ( منظم الهواء )
أو وزن ديلكو ( موزع الشرارة )

عموماً أنصحك تمر ورشة مختصة يشخص لك المشكلة

تحياتي لك أخوي
Hwer
22/10/2011, 03:01 AM
اتذكر موضوع نفس مشكلتك يمكن لو تبحث عنه تحصله واتذكر المشكله كانت باحدي الكتاوت الي بجنب كتاوت الطرمبه
سلمانـ
22/10/2011, 03:17 AM
يااخوان انا فحصت الموتر وقال لي الفني ثلاث احتمالات يمكن بواجي ويمكن اسلاك بواجي ويمكن صفاية البنزين بس انا حبيت استفسر لعلي ألقي جواب كافي
سلمانـ
22/10/2011, 10:17 PM
في احد صاحب تجربه ياشباب
فتكاوي الرياض
23/10/2011, 04:19 AM
هاذي صارت لي

والمشكله من حساس الفلتر ويسمونه المنظم حق الهواء

ورحت لوكالة النصب الحمراني قالو ب الف وثمانميه

ورحت عند يماني في ام الحمام كهربائي قال بغيره لك وجاب لي حساس

مكسيما ب 300 وركب وله حول 3 سنين ماشي معي اهم شي تأكد يمكن مايكون من الحساس
صباح القايله
23/10/2011, 11:13 AM
احتمالت واجد
اول شي جرب فلتر الهواء فكه وجربه اذا راحت خير ونعمه لكن لترجعه هههه
وثاني شي صفايه البنزين متى انت مغيره
سلمانـ
23/10/2011, 01:06 PM
طيب انا راح اغير الصفايه واشوف البواجي واتأكد من الفلتر
شحرور الدهنا
23/10/2011, 09:43 PM
فيه حساس يجي بفلتر الهوا شيك عليه اللي يجي بالوصله من الفلتر للمكينه تلقاه واضح فوق وبالتوفيق
سلمانـ
24/10/2011, 04:37 AM
طيب ياعيال وين صفاية البنزين مااعرف وين مكانها بالضبط واعذروني جديد في عالم الفتك بالنسبه للتقطيع لما اكون واقف اعطيه بنزين ثم ارخي ثم ادوس من جديد هنا يوضح التقطيع
افيدونا بهالحاله من ايش التقطيع
أبو حسن933
24/10/2011, 08:51 AM
صفاية البنزين مهمه يلزم استبدالها بين فتر واخرى موقعه تحت مربوطه في الشاص بالتوفيق
ابوسعود3
24/10/2011, 09:29 AM
السلام عليكم
اخي الفاضل المشكلة سبق ان حصلت معنا وقمنا بتغيير البواجي والفلتر والتشييك الكامل على الضفيرة وشيكنا على حاجة غالية لها دخل الأحتراق اسمها رقلر كل هذاتم الكشف عنة ولم يتغير شيء السيارة لا تتعدىسرعة 110كم في الساعة والقير يرجع نمر وعند القومة ثقيلة جدا جدا

المهم

بعد عناء كبير وبالصدفة بعد توفيق الله زرنا ورشه في القصيم وبكل بساطة اكتشف ان الديلكو متغير وزنته وهذا الي كنا نظن انه مافيه ديلكو وطلع فية ديلكو في مكان مو باين وبعد التحريك والوزن المبدئي بداء الموتر يتغير 70% ولله الحمد
اتمنى من الله ان اكون افدتكم
وبالله التوفيق
سدد قيمة الفائدة (الدعاء لنا والأجر من الله)
سلمانـ
25/10/2011, 01:04 AM
الله لايحرمنا منك ويرضى عليكم كلامكم جميل والباقي عندي