تسجيل الدخول

مشاهدة النسخة كاملة : شاحن الـ&&&&& ...... يصلح للقارمن!!! ...... ادخل وتعرف


مطحن
10/02/2006, 08:36 PM
السلام عليكم ورحمة الله وبركاته

الاخوه الكرام، بعد التفاعل منكم للموضوع القديم

http://mekshat.com/vb/showthread.php?t=42158

حاولت اطور الفكره ..... والحمد لله لقيت الحل الجذري، حل دائم، حل ببلااااااااااااااااااااااااااااااااش ايه ببلاش ولا هلله ( يعتمد على قدراتك) واللي ما يقدر ينفذه فالتكلفه بسيطه جدا.

الحل بعد هالدعاية كله هو شاحن الجوال!!! هل يعقل هالكلام؟ نعممممممم واقوله بالفم المليان على ما قالوا اخواننا المصريين،

المقادير:

1- 2 شاحن جوال خربان
2- اي سلك مزدوج (يعني اللي يجي اثنين متلاصقات ببعض) بسماكه قريبه من سماكة سلك القارمن الاصلي ( سلك صغير بكل بساطه لا تكلف نفسك تقايس)
3- سكين خضره من المطبخ او من العزبة وانكانه قريبه منك لا تروح تدوره.


طريقة التحظير:

اللي حنا نحتاجه من شاحن الجوال هو الجزء المعدني الصغير الذي يركب في جهاز الجوال ( نسيت اقول شاحن النوكيااااااااااا فقط)، قم بازالة العازل السميك المحيط بهذا الجزء المعدني الى ان تصل الى الجزء المعدني والاسلاك الملحمه عليه.

انزع الاسلاك الاصلية (واذا كان عندك عدة لحام رصاص للاجهزة الالكترونية فهذا عز الطلب) تبي تحصل السلكين متلحمات واحد على جنب الجزء المعدني والثاني وهو اللي يهمنا ملحم على الجزء البارز من الجزء المعدني. الان يجي دور الادوات ولا اعتقد انه متوفره عند كثير من الاخوان فالحل هو انك تودي هالجزء المعدني اللي انت ازلت العازل عنه ( طبعا قطعتين ) وتاخذ السلك اللي انت مجهز بالطول اللي انت تحتاج الى اي محل صيانة ادوات الكترونية ( مسجلات وفديوات و ...) وتقول له يلحم لك اطراف الاسلاك بالاجزاء البارزة من كل قطعه معدنيه ( طبعا حنا عندنا من التجهيز الاول قطعتين معدنيتين و سلكين او سلك اللي يجي فيه سلكين متلاصقات ببعض) الان انتهينا من تجهيز الشاحن وصار عندنا شاحن ممكن اننا نوصله مباشره بالبطارية او اننا نركب له الراس اللي يستخدم لولاعة السيارة.

المعذرة يا جماعة ما قدرت اصور القطعه لصغر حجمة فاضطريت اني ارسمها رسم لعله يوصل الفكره على الاقل.

http://www.mekshat.com/pix/upload/images14/mk5756_1445.jpg

طيب وشلون اركبه على الجهاز؟؟؟

اي واحد يبي يسال السؤال هذا اكيد!!!

اقول وبالله التوفيق، بالنسبة للقارمن 176 والـ PlusIII اذا انت ماسك الجهاز بالاتجاه هذا

http://www.mekshat.com/pix/upload/images13/mk5756_2.jpg

فان الابر النحاسية المهمة هي اللي على اليمين واليسار، ثبت الجزء المعدني اللي انت جهزته بالابرة مثل طريقة تثبيته بالجوال وهذا هو السرررررررررررررررررررررررررررررررررررررررررر لان حجم الابرة المعدنية اللي بالقارمن نفس مقاس الابره النحاسية اللي بجوالات النوكياااااااااا ولا يهم الترتيب، بمعنى انه لو ركبت السلك الموجب باليمين والسالب باليسار ولا حصلت ان الجهاز يعطيك شحن ( على العموم اليمين هو السالب واللي يسار موجب) ..... اقلب الاسلاك وتبي تحل النتيجة المطلوبة

بالنسبة للقارمن plus V و 276 ما تاكدت منهن الترتيب للابر النحاسية للـ 276 هن اليمين فوق واليسار تحت ممكن انك قبل ما تتعب نفسك بالمشوار هذا تحاول باي شاحن جوال نوكيا وتشوف هل تثبت الابره مثل ثباته بالجوال والا انها اكبر بكثير من الابرة المعدنية او اصغر بكثير.

اتمنى اكون وصلت الفكرة وانا مستعد لاي سؤال من الاخوان.

اخوكم عبدالرحمن
غالي
10/02/2006, 10:50 PM
بما اني ما املك قارمن وهذا على يدكم كان حصلتولي :)
بس الشغل والموضوع متعوب عليه صراحه
فا اشكرك اخوي من اعماق قلبي على هالفكره والله يوفقك ويوفقني والجميع يارب لما يحبه الله ويرضاه :)
اليموني
10/02/2006, 11:07 PM
ممكن صوره للفكره بعد التطبيق وشكرا على الموضوع
dos
11/02/2006, 07:00 PM
ملاحضة :
بس كم يعطي الشاحن الأصلي للجارمن , وكم يعطي شاحن نوكيا
و اذا اختلفت الفلولتيه والمقاومة اللي يعطيها الشاحن , سلملي علي الجهاز حقك

والأهم تتاكد كم يعطي المحول , ارجو ان اكون وضحت قصدي :)
مطحن
13/02/2006, 12:01 AM
السلام عليكم ورحمة الله وبركاته

الاخ غالي اشكرك على المرور والمشاركة

الاخ اليموني اشكرك بالبداية على تشريفك للموضوع، بالنسبة للصور حاولت اصورها لكن الكمره عندي تطلع الصورة مشوشه لقل خبرتي فيها ابحاول قدر الامكان اطلع صورة واضحه

الاخ dos

بالنسبة لسؤالك عن كم يعطي شاجن الجوال وكم يعطي شاحن القارمن فاحب اقول لك ان السؤال مله موقع من الاعراب هنا لاننا هنا نستخدم جزء من شاحن الجوال وهو الراس المعدنية اللي تثبت بالجوال عادة، وبالنسبة لشاحن القارمن فهو عبارة عن سلك له راس دائرية مصممة لاجهزة القارمن ولايوجد فيها اي نظام الكتروني لتعديل الفولتيه او التيار، بناء عليه شاحن القارمن ما يحدد مقدار لاي شي يوصل الجهاز، والعمده هنا على مصدر الطاقه يعني لو وصلته على بطاريه 10 فولت يبي يوصل الجهاز 10 او اقل شوي حسب الفقد على السلك ولو وصلته على 50 فولت يبي يوصل الجهاز 50 فولت اول اقل شوي.

بالنسبة لتخوفك من الفولتيه فياليتك رجعت للرابط الموجود بالموضوع للموضوع القديم وذكرنا فيه ان اجهزت القارمن مثل 176 و 276 و plus III و plus V تشتغل على مدى من الفولتيه وليس مقدار محدد وهي تقريبا من 5 الى 35 فولت تزيد او تنقص حسب الجهاز.

بالنسبة لتخوفك من المقاومة احب اقول لك انه ببساطة انه تتاثر فقطططططط بنقص الفولتيه على اطراف الابر النحاسيه بالجهاز، بمعنى انه لو طبقنا ابسط القوانين بالكهرباء ( قانون اوم) V=IR وقلنا ان بطارية السيارة 12 فولت وتخيلنا ان مقومة السلك 1 اوم ولو قلنا ان الجهاز يستهلك 1 امبير فان اللي يبي يوصل الجهاز هو 11 فولت على اساس انه تم فقد 1 فولت بالسلك، هذا كله اذا قلنا ان السلك هو الاصلي، طيب فلنفرض ان السلك المرهّم مقاومته 2 اوم، فبحسبة سريعه يطلع اللي يبي يوصل الجهاز 10 فلوت :D مازلنا ضمن النطاق المسموح به !!! حتى لو كانت المقاومه صفر ( يعني لو جبت سلك ذهبببببب تحت درجة حرارة صفر كلفن) يبي يصير الفقد بالسلك صفر يعني يبي يوصل الجهاز 12 فولت :D - ضمن المجال المسموح به- :D

خلاصة القول ان الخوف بسسسسسسسسسسس من الالتماس او من استخدام مصدر فولتيه عالي جدا، والبطاريات بالسيارات بالعموم من 12 فولت وحوله ....... والجهاز مداه الى 35 تقريبا ..... يعني ما زلنا بالسيف سايد :cool:. اتمنا اكون وضحت الصورة لك واي استفسار انا حاضر يابعدي


اخوكم عبدالرحمن
نصير الشباب
16/02/2006, 01:46 PM
والله اختراع عجييييييب :)

مشكور اخوي مطحن على هذا الجهد والافكار الحلوه

تحياتي
درنفيس
18/02/2006, 07:29 PM
ممكن صورة للجهاز بعد التركيب ؟؟
المقدام
18/02/2006, 10:18 PM
و الله انه شغل مضبوط مع العلم اني ما بعد جربتها

لكن اللى عايش معاناتي مع البطاريات يقول الله يعينة

تصدقون عاد اني في كل طلعه تكلفني البطاريات تقريبا 30 الى 40 ريال

اخوي العزيز اشكرك على هالموضوع
و اتمنى ان كنت جربته تعطينا فكره هل فيه مشاكل او لا

و ياليت توضح بالصور

الله لا يهينك
مطحن
27/09/2006, 07:32 PM
السلام عليكم ورحمة الله وبركاته

الاخوان اللي مروا على الموضوع ولو حتى بقراءة العنوان مشكورين

بالنسبة للتجربه ,,,,, اكثر من رائعه جربتة بالبر وبالخط

اعتذر عن التصوير لان خبرتي تحت الصفر بالكمرة وكل ما صورته طلعت الصورة ما له معنى ما ينفهم شي منه

اخوكم عبد الرحمن
ابوقاسم
06/10/2006, 02:50 PM
اقول الله يرحم لي والديك ويعطيك من علمه الشي الكثير

الصراحة طريقة حلوة
مطحن
19/02/2007, 02:34 AM
السلام عليكم ورحمة الله وبركاته

يا اخوان بعد التجربه المده الماضيه اليكم النتائج

الحل المذكور اعلاه اعتبره حل مؤقت، ولا تعتمد عليه 100%
الميزات
سهولة ايجاده حتى وان بالبر اذا احتجته .... الله ل يحيجنا واياكم له.
القيمه صفر

العيوب
ممكن يخرب عليك الابر النحاسيه حقت الجهاز لو خزنت الجهاز وهي مركبه عليه لان ماله دعم من الجوانب وممكن تعفط الابره
الجهاز يلخبط احيانا!!! ما ادري هو من جهازي والا من استخدام هالطريقه!!! خصوصا بقيم الارتفاع عن مسوى سطح البحر
الجهاز يطلع شكل غريب بالزاوية يمين تحت وتختفي مع استخدام الشاحن الاصلي
الخريطة تبين ان السيارة تحرك وبالحقيقه السيارة ثابته

وبالاخير اقول ان هالحل مؤقت ولا يؤخذ على انه مثالي


اخوكم عبدالرحمن