سوق الخوبه وبعض الصور (1) [الأرشيف]

طير أبها

10/02/2006, 09:39 PM

بسم الله الرحمن الرحيم

السلام عليكم ورحمة الله وبركاته

كيف الحال يا مكاشيت انشاء الله انكم بخير

حبيت اعرض لكم فكره عن سوق الخوبه بما اني اكثر ايام المواسم اعني له بحكم مدينه ابها المجاوره له

يبعد سوق الخوبه عن مدينه ابها تقريبا 250 كم وهو يتبع لمنطقة جازان

وصف طريق السوق (من ابها):

النزول مع عقبة ضلع المعرفوه لدى سكان ابها والذهاب الى قرية الدرب التي تبعد مايقارب 80 كم عن ابها مرورا بقريه مربه

طبعا قريه الدرب مافيها الا اشاره مروريه واحده اذا جتك الاشاره تلف يسار وانت جاي من ابها ويمين وانت جاي من جده تقطع مسافه 42 كم لكي تصل الى مدينه بيش وهي تابعه لمنطقة جيزان طبعا تصادقك الاشارات الدوارات ولاكن انت على طريقك الى ان تصل الي مدينه صبيا والتي تبعد عن بيش 32 كم بعد ماتتعدى مدينه صبيا تأتيك اشاره مروريه وتوجد لافته ارشاديه مكتوب فيها ابو عريش يسار تنحني يسار طبعا بعد مسافة 20 كم تأتيك اشاره مروريه (اذا رحت منها يسار توديك لابو عريش) تذهب امام وبعد مسافة 29 كم من الاشاره تاتيك قرية احد المسارحه المعروفه بدوارها الكبير الذي يتحتوي على دله قهوه:D (الله من زين الوصف) تتجه الى الامام تتجاوز الاشاره الاولى متعديا المدينه ومن ثم الشاره الثانيه تنحني يسار وتمشي قرابه 30 كيلو لتصادف قرية الخوبه وسوقها الشهير بس ترا كل 10 كيلو تفتيش امني لقرب المنطقه من الحدود(الي مامعاه أثبات اورخصه او استماره ينتبه ههههههههه)

(طبعا كان ودي اسوي صور للطريق لاكن للأسف :( مشينا في الليل) وانشاء الله العوض يوم الخميس المقبل

سوق الخوبه:

سوق الخوبه عباره عن سوق بسيط بدائي يجونه اليمن وسكان المنطقه بالحمير اعزكم الله طبعا السوق على حسب ظروفه ماتلقى فيه شي ثابت ابدا فيعني يوم يجيك فيه المطلوب ويوم ماتلقى حاجتك وخاصه من ناحية الصقور وبصراحه ماتلقى الا التبع من الوكارى والشواهين يعني مايستحق العناء له من اجل الصقور

طبعا ذهبت له يوم الخميس (امس) وكان السوق حليل

وجدنا فيه اشياء واجد والتقطت بكمرة الجوال بعص الصور والباقي كميرا فيديو :( ما قدرة انزل المقاطع لطولها

وجدنا فيه ضباع ههههههه صغيره وبصراحة ماسئلت عن سعرها لانها مو حاجتي وهذي صوره لها

http://n4n.jeeran.com/20040630.jpg

وبعد ماصورت هل ضباع تمشيت شوي الا جايبين جراوة ذيابه صغيره جدا ترضع بس ما امكنني اصورها لزحمة الناس عليها وصغرها كانها جراوبة كلب الله يكرمكم واخذت لي دوره على السوق الذي يحتوب على ملابس وشتلات شجر الموز والقهوه والعديد وفي الطرف الآخر صوره لشوات الذره واشرطة الاغاني الاصليه بقيمة 5 ريال :eek: وحنا ناخذها بـ15 ريال بالمدن وبعد عةدتي من التمشيه البسيطة على السوق وجدت شي يحبونه الصقاقير وهو الخرب هههههههه مثل الجن اليمنيه مابقوا شي الا وصادوه طبعا ماجلس دقيقه الا وانباع على واحد

بقيمه 700 ريال فقط طبعا الخرب سليم والحمد لله تمكنت من تصويره

http://n4n.jeeran.com/20040630(001).jpg

وبعد ما صورته لقيت كروان واحد ماسكة سئلته بكم لقيته بـ60 ريال قبل المكاسره :cool: بعدها اتوقع يوصل 40 ريال اصابع رجله مكسوره على ما اعتقد ووجدنا بعض الطيور من وكارى بنية اللون كاشفة الراس اسعارها على 800 و700 وتوفقنا بشيهانة بحر قرناس وحش مقاسها صغير 13,5 *13 بس متفائل فيها خير ماضنيت تخلي كروان ان شاء الله ماقدرة الا اصورها بالبيت من كثر المكافخ اذا فرعت لها وديتها للبيت وصورتها لكم وهذا ظهرها

http://n4n.jeeran.com/20040527(003).jpg

وهذي صوره لرجولها

http://n4n.jeeran.com/20040527(006).jpg

وهذي صوره لها وهي مفرعه

http://n4n.jeeran.com/20040527(010).jpg (http://n4n.jeeran.com/20040527(010).jpg)

وتابعه

http://n4n.jeeran.com/20040527(011).jpg

وهذي صوره لطيور حوامه رخم ولا عقبان والله ما ادري

http://n4n.jeeran.com/20040629.jpg

والسؤال الي يطرح نفسه يتم طرح صقور في هل منطقه مع انها تكثر بالعقبان ؟

نصائح هامة :

1- يطمع بعض البائعين بالشاري ويرفع السعر (اذا شافك غريب) وعليك ان تعطي سومتك وتمشي وتنتظر الا ان يخف السوق وينجبر الا ان يخفظ السعر وسبب رفع السعر كما ذكرت الطمع او رفع السوم دون الشرى وعليك بكسرالسعر

2- لاتمل ان مالقيت الي تبي لان ممكن في اي لحظه يجي وينباع

3-لاتوجد طيور وافيه او غزلان او اي شي ثمين لخوف البائع من مصادرته

4- تأكد من الشي وفحصه جيدا لانك لو اشتريت ماراح تلقى صاحبه

5- السوق يبدا من الساعه 6 الى 10 ولاتجيه قبل الفجر لان مافيه شي ابد

6- السوق يوم الخميس فقط

هذى الجزء الاول والمعذره على القصور لان الطلعه ماكان مرتب لها لاكن بإذن الله الجزء الثاني يكون اشمل واكمل وتحياتي