ومازال مسلسل الإعدام مستمرًا "صيد الكاميرا"

[مسافر الشمال]

السلام عليكم ورحمة الله وبركاته



حلقة جديدة من مسلسل اعدام البيئة ... :(

http://www.mekshat.com/pix/upload05/images231/mk145319_-1i11.jpg

[عبدالله44]

بكل أسف معظم الشعبان والاوديه فقدت اكبر اشجارها بسبب الطمع فقد تمت إبادة مـــــئـآت الاشجار من اجل الكسب الغير مشروع وإنما من باب الطمع والطمع لاغير...
وفي هذهـ الايام ستكثر الابادة ككل سنه في ظل تواجد ام رقيبة
الطلح+السدر+العوشز هو الاخر ماسلم=سمرالمدينه وغالي الثمن

وياقلـــــــــــب لاتحــــــــــزن

[meezaan]

المشكله ان بعض الاجانب اللي بدون اقامات
صاروا يحطبون....ويستخدمون المناشير الكهربائيه
اللي ماتطلع صوت

[ذيب الفيافي]

مشكور اخوي ... والله ماودك تضر أحد .. لكن ان زاد الوضع راح نضطر نصور رقم اللوحة ...

[«نجم الخير»]

مدري وش دخل الاجانب بالحطب

كل الي نشوفه من الحطب الجائر من حامل بطاقة حاطب

[(التوقيع)]

من عرق جبينه يحوم بهالخليان طول نهاره

وش يسوي يترزق الله .

اشوى من العاطل اللي منبطح عند امه وينتظر 2000 حافز

[meezaan]

مدري وش دخل الاجانب بالحطب

كل الي نشوفه من الحطب الجائر من حامل بطاقة حاطب





دخلهم الله يسلمك انهم يبون فلوس وماعليهم لو قطعوا الاخضر
واليابس

عندنا ينتشرون في القرى البعيده لانهم بدون اقامات وماعليه من بيئه
ولا ممنوع......اذا مسكوه سفروه لديرته بلاش

[مافيه]

يا اخوان حملة مقاطعة الحطب صعبه بالحيل

لان الواحد اذا بغى يحطب لازم له بطاقه وطريقة استخراجها يا بواسطه او طلعة الروح < انا اول واحد ابي احطب لاستعمالي الشخصي لاكن ماني مستعد اغامر بمخالفة قيمتها 10 الاف + احتمالية مصادرة السياره او على الاقل حجزها لمدة 45 يوم عشان توفير 500 او 1000 او 1500 بالكثير + مع دفعها اوفر الجهد الشخصي + اوفر قيمة المواد المستخدمه للحطب + اريح لسارتي + اختصار الشي الكثير من الوقت

مالنا الا سوق الحطب نشتري منه و الشكوى الى الله

وش تقاطع وش تخلي تبي ضونا على جرايد ولا قاز ولا غاز وكلها ماتوفي بالغرض المطلوب منها

ملاحضه ((اغلب الي يحطبون بدون بطايق يبيعونها في الديار القريبه من المدن الكبيره بارخص من السوق بحول النصف و المشكله الكبيره في دخولها للمدن الكبيره او حتى تمريرها مع التفاتيش))

و المشكله الاساسيه في السوق الطلب اكثر من العرض حتى الاسعار وصلت لارقام فلكيه الي معه بطاقه تسمحله بالحطب يطلع راتب لوا في الشهر

وعن نفسي رافض مبداً اني اشتري اكثر من حاجتي مثل بعض الناس الله يهديهم مايتعامل الا بالدينه واذا كانت الحال ميسوره ياخذ شاص (هاذي حقة سنه او سنتين قدام) يا اخي وش فيها لو خذاله غمارتين او غماره تسده شتويه كامله يالله لك الحمد و الشكر

[abdh215]

للأسف كثير من الشرطة اذا كانوا من جماعتهم مشوهم واذا كان من غيرهم وقفوه وصادروا اللي معه

[صوت الرياح]

الكمية التي في الصورة كبيرة جداً .. وكان عليه عدم الإسراف إن كان كسبه حلال

[m3and793]

لاحول ولا قوة الا بالله

[احمد كامل]

الاحتطاب الجائر فعلا ممنوع وعلى الانسان ان يحتطب قدر حاجته.

[ابورايف]

صورة محزنة
شاهدنا الكثير منها ..
ولكن نقول مالذي تبقى لدينا
أشجار قطعت وأحرقت ,فياض دمرت
الآن ليس لدينا الا التوعية التوعية
فنحن بحاجة لها لكي ننقذ ماتبقى من أشجار في بيئتنا
أشكرك أخي وعزيزي/مسافر الشمال
على حرصك وأهتمامك بالبيئة
وتقبل مروري وردي

[الطرس ممدوح]

وعليكم السلام ورحمة الله وبركاته
المشكله ان بعض الاجانب اللي بدون اقامات
صاروا يحطبون وفيه
ناس يترزق الله يكد على ورعانه يدور الستر
الله المستعان
واشكرك اخوي على الموضوع

[z.r111]

الامر والله يضيق الصدر وانا اشوف بعض الاخوان متعاطفين مع الاحتطاب باخوان ترى البلد بلدنا والوطن وطنا والشجر شجرنا ليش الاجانب طامعين فيه
ياخوان حتى الطيوروالحيوانات البرية اهجرتنا من تصرفاتنا الخاطئة وتساهل في الاحتطاب
يخوان الدول الي غيرنا يحافضون على شجرهم لا ويزيدونه بالتشجير ويسخرون كل الامكانات لغاباتهم حتى انك تشوف غابات كاملة محميه بنباتاتها وطيورها وحيواناته
اما نحن فقطع وحرق تخريب هذا لايرضي الله ولا رسوله حرام الى يصير
يجب تدخل الجهات الحكوميه بهذا الامر وفرض عقوبات اشدعلى المخالفين وفتح باب استيراد الحطب من الخارج عاجل غير اجل
(من حبي لوطني واهلها اقول هذا الاكلام)

[مزن من المنشا]

لاحول ولاقوة الا بالله

[اقلط]

البلد بلدنا والحطب حطبنا والمشب مشبنا والشوي شوينا أعطونا بديل عن الحطب نملاء الدكة منه وما نحطب أو نشتري من الحطابين

[حسـام]

الامر والله يضيق الصدر وانا اشوف بعض الاخوان متعاطفين مع الاحتطاب باخوان ترى البلد بلدنا والوطن وطنا والشجر شجرنا ليش الاجانب طامعين فيه
ياخوان حتى الطيوروالحيوانات البرية اهجرتنا من تصرفاتنا الخاطئة وتساهل في الاحتطاب
يخوان الدول الي غيرنا يحافضون على شجرهم لا ويزيدونه بالتشجير ويسخرون كل الامكانات لغاباتهم حتى انك تشوف غابات كاملة محميه بنباتاتها وطيورها وحيواناته
اما نحن فقطع وحرق تخريب هذا لايرضي الله ولا رسوله حرام الى يصير
يجب تدخل الجهات الحكوميه بهذا الامر وفرض عقوبات اشدعلى المخالفين وفتح باب استيراد الحطب من الخارج عاجل غير اجل
(من حبي لوطني واهلها اقول هذا الاكلام)



ياليت مثلكـ فى البشــــر واجد:good2:
ياليت مثلكـ فى البشــــر واجد:good2:
ياليت مثلكـ فى البشــــر واجد:good2:
فوطنكـ ليس مجرد وطن وحبيبتكـ حبيبتي

[* ابو باسل *]

والله اني انقهر الف مره اذا شفت شجر مقصوص في اودية حرمت جمالها بسبب قص هذي الشجرة والبعض يحرق في جذرها على اساس انها تيبس ويرجع لها حسبنا الله عليهم بس دام مافيه وقفه من الحكومة شديده والا سيستمر ويستمر ويستمر .
وانا اشوف ان بعض الشعبان الي يقصون حطبها واشجارها هم راعين الابل والغنم الي فيها لانهم خلال ايام الاسبوع يكونون فيها والصباح ماعندهم احد ويبدون يجرمون في الاشجار ويقصون ويحطون عندهم وتحصله بعد الشتاء قاضي على نص الشجر .
ياناس حتى العشب في الارض ماعاد امداه يطلع الا وهو قاضي عليه الرعي الجائر وش نقول وش نقول .

[ناصح]

فعلا مأساة

وإبادة شعواء على الغطاء النباتي

الدفايات متوفرة وأفران الكرهب موجودة

ودبة الغاز يتم تعبئتها ب 15 ريال فقط يعني أرخص من الحطب بكثيييييييييير

بل أنظف وأسهل وتدوم طويلا

ورغم ذلك لازل البعض مصر على تدمير صحراء بلادنا


رغم القرار الحكيم من ولاة الأمر بمنع الاحتطاب

ولمن يقول أنه يترزق ويدور أي شيء يسد رمقه وإعاله اسرته

أقول راقب نوع وموديلات السيارات التي فيها الحطب ..!!


شكرا لصاحب الموضوع

[ابولمى3]

البلد بلدنا والحطب حطبنا والمشب مشبنا والشوي شوينا أعطونا بديل عن الحطب نملاء الدكة منه وما نحطب أو نشتري من الحطابين
انت مشكلة صعبة

[ظل الماء]

المشاركة الأصلية كتبت بواسطة اقلط
البلد بلدنا والحطب حطبنا والمشب مشبنا والشوي شوينا أعطونا بديل عن الحطب نملاء الدكة منه وما نحطب أو نشتري من الحطابين

انت مشكلة صعبة

متيسر قصر الاحتطاب على المستورد فالبيع بالتجزئة يمنح للمحتطبين ليكفيهم من تصحير الشعبان

[رسمال]

لا تشتري الحطب مهما كان المصدر
هذي اول خطوة تسويها اذا موضوع البيئة فعلا يهمك
واذا تحب شبة النارخذ لك منشار وقلم الفروع اليابسه من الاشجار
واجمع طول السنة ولما يجي الشتا سوف تجد كمية كافية لك واقتصد
ولا تسرف