للبيع طقم بوالين 16 بالجنوط

[مكشاتي حرمه]

السلام عليكم ورحمة الله وبركاته


مساكم/صبحكم الله بالخير كلن حسب وقته


موجود لدي طقم كفرات بالون من نوع ( مالون ) 16

تاريخ 2011 استخدام شهر وكم يوم

مركبه على جنوط هلل 16 للجيب الهدد او الفكس ار

( 5 مسامير غير مبرزات )


الحد 2700 ريال

وان حصل استبدال بجنوط فراشة 16 بكفرات هانكوك 2011 ماعندي مانع


علما ان سعر الشراء للجنوط والكفرات 3250 ريال

وعلى الله الرزق

للتواصل بعد اذن الادارة ارسال رسالة قصيرة على جوال 0552430555

[مخاوي الذيابه]

تبيع الكفرات بلحالها ؟؟؟؟

[مكشاتي حرمه]

تبيع الكفرات بلحالها ؟؟؟؟



ماتخارجني بيعة الكفرات لحالها

[مكشاتي حرمه]

للتوضيح وابراء الذمة الجنوط على حسب علمي غير اصلية واثنين فقط قالوا اصلية

وعللوا ذلك بالعكفة اللي بالوسط وان التجاري يكون مقصوص وبين قصه

لكن يحق للمشتري او المستبدل المعاينة


وعلى فكرة الجنوط لراعي النصب مضبوطة رشتها

جدا ممتازة ومطلوبة

[فهد بن مشبب العاصمي]

الله يرزقك من حيث لاتحتسب ،، بارك الله فيك قمة الأخلاق ،، تشرفنا بسماع صوتك الله يوفقك

[شفي بشاص]

أتق الله في نفسك يارجل وحلل دريهماتك اللي بتاخذهااا
ترى زود ال200 وال 300 مهوب مغنيك ولا مفقرك
انااا اللي شايف الفاتورة بنفسي اقل من هالمبلغ
والجنوط مكتوب تجاريه بالخط العريض في الفاتورة
وتقول اني بعتهن واني مدري كيف خف ربك
لكن ما يوفقك ربي وهذي نيك وسويااك وبتشوف
وتتذكر كلامي الله يستر يروح مويترك كله بسبب كفر
وهذاناا كلناا نطالع عرضك وحبل الكذب قصير

[التعـ King ـديل]

اذا تبيع الكفرات لحالها عطني خبر على الخاص

[مكشاتي حرمه]

الله يجزاكم خير وبارك الله فيكم

واشكرك شقي بشاص ذكرتني تم الرجوع للفاتورة وبالفعل السعر ٣١٠٠ ريال

وصحيح سبق بيعها بقيمة ٢٧٠٠ ريال وللاسف لم نستلم المبلغ واعتذر المشتري لظروفه وكان هذا هو الحد

وسيتم ادراج صورة الفاتورة لتروا بام اعينكم كلمة تجارية بالخط العريض

مع ملاحظة عدم اقحام الخلافات الشخصية بالتعاملات التجارية....


شكرا لكم ×

[بومعطش]

السلام عليكم
أخوي وين موقعك
وهل تبيع الكفرات لحالهم بدون الجنوط

[مكشاتي حرمه]

عطني سومتك وشفها بنفسك موقعي الرياض

[ابو نورة 9]

بالتـــــوفيق

[مكشاتي حرمه]

كما وعدناكم بطرح صورة حية للفاتورة


بها المبلغ 3100 ريال


وافادة شفي بشاص غير موجودة هدانا الله واياه


http://www.hackerss.org/up/images/38136123553832333707.jpg (http://www.hackerss.org/up/)




لا اود الانحراف عن صلب الموضوع ( سلعة تجارية للبيع ) وانما حرقة بالقلب لموضوع حصل وساطرحه لكم لعلي اجد من يوجهني هل انا مخطي ام لا


ضاقت على الامور ماديا وخجلت ان اقترض مالا قد لا اوفيه لظروف او ضغوطات او التزامات وكنت قد اشتريت هذه السلعة واتصلت باحد الاخوان هدانا الله واياه


لعلمي بكرمه ومرجلته وخوته لي طالبا منه المساعدة ولما فكرت انني قد اتاخر عليه برد السلفة اليه عرضت عليه سلعتي ( كفرات بالون 16 من نوع مالون )


وقال لي الامور سهلة تعال وان شاء الله خير


ذهبت اليه مسافة 130 كم وقابلته وطال الحديث واصبحت الكفرات غير اللذي هو يبحث عنه ولكنه اصر على الوقوف معي وشراء سلعتي ( سدا لحاجتي )


وسامها 1500 ريال التزمت الصمت لانني بهذا الموقف محتاج بالدرجة الاولى ولم تروق لي كفرات البالون من ناحية اخرى


فقلت له ساذهب الى بلدتي وابحث عن كفرات استخدمها واسلمك كفرات البالون بقيمة 1500 ريال حسب سومته وانا رضيت ....


وباليوم التالي وانا في مراجعة للاحوال المدنية قابلت زميلا وقد رغب بالكفرات مع الجنوط بقيمة 2700 ريال وقلت في نفسي صاحبي الاول لم اتفق معه على نهاية العملية البيعية


من ناحية استلام عربون او تسليم السلعة والدفع وانما اشترطت البيع ريثما اجد كفرات بديلة ولم اجد كفرات وكانت هذه البيعه حلا لمشاكلي


فبعتها للثاني بقيمة 2700 ريال ولم يتواصل معي واقفل الجوال_ وقتها كان الاول يقول اخبرني هل بعتني او اذهب للرياض - فقلت له اصبر لعلي اجد بديلا وهو يرفض معللا ذلك بانني ساختصر عليه المسالة


عموما غلبني النعاس بعد زحام الاحوال المدنية ونمت في بيتي بالبلدة وكان الاول يتصل على جوالي ولا ارد عليه


وعندما صحوت كانت الاسرة مجتمعة ولم الاحظ الجوال فنفس اليوم بالليل يتصل الاول وانا خجل منه جدا واتصل مرارا ولم ارد الا بالرسائل


عندها ارسل رسالة تهكم وتجريح وسب وشتم ( والله يعلم انني لا الومه لتجاهلي لاتصاله ولكنه زاد بالمكيال )


نعتني بالكاذب وقال انني جهزت لك مبلغ من المال يسير امورك ومبلغ 2500 او 2700 ريال للكفرات


اتصلت عليه لاهدئ النفوس وقلت له انت سمتها مني 1500 وقال لي ( انا امزح معك )




وانتهت علاقتي به انا انكسرت وجرحت لفقد رجل عزيز شهم وهو يحمد الله انني خرجت على حقيقتي وان كلام الناس صدق وانهم يحذرونه مني ومن هذه الاساليب ..


كل شي في حياتنا مكتوب ومقدر باللوح المحفوظ ولكن ما يحزنني خسارته والاخرى انني طلبت منه ان يحللني فقال ( الله لا يحللك ولا يبيحك دنيا واخره )



الحمد لله على كل حال فما رايكم بالموضوع انا اعترف انني اتحمل خطا ولكن ماهي نسبته وماهو موقفي تجاه ما بدر منه

[ابوعابد1]

يارجال الله أعلم مابالنوايا وانت بوقتة جاد لية هو يمزح وانت عاني لة 130 كيلو وبحاجة دراهم الله يوفق لما يحبة ويرضاه

[قايد الكروزر]

اخوي كم حدك بالبالون لحالها ؟؟؟

[مكشاتي حرمه]

والله يا اخوان مالي حد بالبالون الحالها لاني بحاجة كفرات 16 عريضة بجنوط فراشة فضيات

او البدل بحجريات دنلوب 16

[لاند93]

اخوي انا صااااامل للبلوووونـــ بــ 1600 ريال,, اذا النقشه سليييمه ولا فيها رقعه ,,

والدراهم جااااهزهــ كاااشــ قل تم وانا اخوووك وانا لي شهر وانا ادور لي بالون ,, من نوع مالون,,

وهذا رقمي بعد اذن الادارهـ :

0551942224

[ابو جبران1]

السلام عليكم .. اولاً حصل خير ومن الي فهمته وانا اخوووك انه يحصل بين الاصدقاااء اكثر من كذااا بس مااا داام الخطاااء ماا وصل للحااال والنفس وغيرها من الاخطاااء الي كلنا نعرفها . فمن وجهت نظري وارجووووا تقبلهااا وبقولهاا بالبلدي كده : جعل الثنين فدااااك والخوي اذا ما بيعذر خويه فلا بارك الله فيهااا خوة .
رفيقك تحمله ثلاث لا شك كبااار ,,,,,,,,والرابعة تفطن لها وخذ حق ودين ...
ثانيااا : عندي كفرااات اماامية جديدة وعددها 2 وعريض نوعها تويو مركبة من اسبوعين والخلفية عريض دنلللوب فيهاا نص عمر طبعااا كلها 16 هل تبدل معي وازيدك ... انتظر ردك بنعم والى لا على 0566448288

[مكشاتي حرمه]

جزاكم الله على تفاعلكم



وابوجبران والله وانا اخوك مالي بعرضك ويسلمك ربي

[النفيظ]

هلا اخوي مكشاتي حرمة
تعيش وتشوف المشكله اذا جت من صديق غاااااااااااااااااااااااالي هذا اللي يجرحك ياخي انا ما ادري وش جاهم الناس في هالوقت لاطرت عليه زعل من ادنات سبب وانتم تصادقتو على الحلوة والمرة لاكن ربك يعين


اخوي وش صناعة الكفرات بارك الله فيك وموقعك

[فهد بن مشبب العاصمي]

اخوي الله يرزقك البيعه الطيبه لكن لو نصاني خويي وفهمت من كلامه أو لاحظت انه محتاج وبيبيع سلعه عشان يسدد والمبلغ اقدر عليه والله أعطيه ومتى ماجابها أما ماأحلله ولا أبيحه ماتوصل بغض النظر من المخطئ ،، الناس للناس والدراهم بدالها دراهم لكن سبحان الله إذا بغيت تعرف الرجال جربه بالبيع والشراء وبالسفر ،،

والله يعطينا على قدر نياتنا ،،

[مكشاتي حرمه]

اللهم امين جزاكم الله خير. والله يحلله ويبيحه دنيا واخره

بالنسبة لصناعتها والله مدري ابرجع لها وافيدكم ....

[رمز العطاء]

الغالي هل يركبن في الشاص 2008
ارجو الرد وبارك الله فيك

[مكشاتي حرمه]

ما اتوقع حسب علمي لازم تركب تبيرزة او تكون الجنوط اساس مبرزة

[ذيب وراط]

يا غالي حبيت أستفسر هل المالون 16 بـ عرض المالون 17 ؟

لأني أول مرة أسمع بـ مقاس 16 مالون ..

وإذا أمكن صور لا هنت ..

[unimoog 406]

بالتوووووفيق

[عااشق نفود]

شيك على الخاص

[مكشاتي حرمه]

الصناعة تايوانية

والصور ماقبلت تنزل لازم ادخل من كمبيوتر بالايفون ما قبلت

وهي ماتفرق عن الجديدة ابد

[مكشاتي حرمه]

تم البيع والله يرزق راعيها ويعطيه خيرها ويكفيه شرها