السلام عليكم. أبي علمكم ياالربع لاهنتوا..

[الصاااارخ]

مساكم الله بالخير
ابسألكم يالربع عن دربيل ستينر الصقر 30*8 ابي المسافة كم كيلو تقريباً
يوصّل هالدربيل وهل هو عملي ام لا؟؟ ولا عليكم أمر ابي العلم الغانم عن
هالدربيل وهل تشيرون علي اني آخذه ام لا؟

[ابو بدر العتيبي]

يفيدونك الربع مايقصرون

[شاخوفة]

الي اعرفة انة ممتاز وبارد على العين

[الصاااارخ]

شاخوفه: بيض الله وجهك وماقصرت تشرفت بمرورك..

ابو بدر فيك الخير والبركة انت والربع وشرفتنا بمرورك..

[شهم العرب]

والله لوي اعرفة ماني مقصر عليك بس ان شاء الله يعلمونك الربع

[ابو عزيززز]

اخوي

الدربيل ماله مسافه

واللي تقول يقرب 8 مرات

واعتقد ان سعره في حدود ال500

وهو مناسب على سعره ولكن مايعد دربيل درجه اولى

وال500 ماهي خساره كبيره اذا ماصلح

يعني مثله مثل غيره من كديش الدرابيل اللي ماليه السوق

ولاتنسى ان صناعته صيني

[الصاااارخ]

شهم العرب لاخلا ولاعدم وبيض الله وجهك..

[الصاااارخ]

ابو عزيز مرورك شرفني ياالغالي لكن يمكن مافهمت اللي انا أقصده وهو
دربيل ستينر الصقر 8*30 وقيمته 750 وليس 500 واللي عنده خبر يفيدنا
لاهنتوا..×

[ابو مشك]

السلام عليكم

اخوي الدربيل جربته ويجزي الحال انؤ كانك بتمشي فيه حالك لين يتوفر معك مبلغ زين

انا جربته وماجاز لي وخذيت زايس ممتاز

و اذا ما معك مشكله بالدراهم طقلك سوار فسكي فخر الدرابيل لك وللزمن

[ابوفهيدان]

يالغالي اخذه ولاتشااور. استخدمته. ولا احسن منه بااارد. وصافي.
انا شريته من عندكم في السعودية. من وكيله عبدالواحد بشارع البطحا الرئيسي. قبل ٣ سنوات ب ٦٨٠ ريال وكفالة ١٠ سنين

[الصاااارخ]

ابو مشك بيض الله وجهك كفيت ووفيت ياالغالي وشرفتني بمرورك لاهنت..

ابوفهيدان معلوماتك افادتني ياالغالي وبيض الله وجهك..