يوسف الخليفة1
23/10/2011, 09:00 PM
بسم الله الرحمن الرحيم
السلام عليكم ورحمة الله وبركاته
هب الهوا القرقوف واوما بالاغصان=حرك زهور البال وارعش كياني
يثير بالهاجس تفاكير وازمان=فيما مضا والحي لا شك فاني
دلا يلوح بخاطري سوط سجان=اليا ذكرت الفايته من زماني
نوبات زلات الفتا شوك سعدان=واحيان شيفه لايذه بالدفاني
لكنها لانت مع الحق حصيان=والقلب لو يقسي مع الوقت لاني
حاكيت حسي بالخفا بعض الاحيان=عن واهسن بين الحنايا كواني
من مخطرن لز الوريد وتوذان=وانا فؤادي بالشقا ما جفاني
اصبر ويصبر والصبر خير ميدان=يرقي عوالي عقب وضع الطماني
كف القضا ساطي على حيل الانسان=قوا الخلايق من قديم وقواني
ينهي حشا روحي اليا قالوا فلان=خام الكفن بين النصايب طواني
في حزتن ما رفرفت فيها الاجفان=بالمظلمه ما داجها المودماني
ذاك القبر للدود قوتن ومسكان=يتلف جلود الناس لو هي سماني
يالله انا راجيك يا رب الاكوان=يا واحدن ما له مع الملك ثاني
فردن صمد فوق السماوات رحمان=عالي عزيزن كل يومن بشاني
نرجيك عفوك والرضا منك واجنان=واخيام لولو حاويات الحساني
ندعيك والدمعه جرت فوق الاوجان=بالليلة الظلما بدور المباني
البال من زلات الاثام ضميان=يرويه في مسراه حرف البياني
يرتل قصار السور وال عمران=يقرا من التنزيل سبع المثاني
يفوح منها ريح عنبر وريحان=آيات ربي وافيات المعاني
يوسف الخليفة ( أبو عبد الله )
السلام عليكم ورحمة الله وبركاته
هب الهوا القرقوف واوما بالاغصان=حرك زهور البال وارعش كياني
يثير بالهاجس تفاكير وازمان=فيما مضا والحي لا شك فاني
دلا يلوح بخاطري سوط سجان=اليا ذكرت الفايته من زماني
نوبات زلات الفتا شوك سعدان=واحيان شيفه لايذه بالدفاني
لكنها لانت مع الحق حصيان=والقلب لو يقسي مع الوقت لاني
حاكيت حسي بالخفا بعض الاحيان=عن واهسن بين الحنايا كواني
من مخطرن لز الوريد وتوذان=وانا فؤادي بالشقا ما جفاني
اصبر ويصبر والصبر خير ميدان=يرقي عوالي عقب وضع الطماني
كف القضا ساطي على حيل الانسان=قوا الخلايق من قديم وقواني
ينهي حشا روحي اليا قالوا فلان=خام الكفن بين النصايب طواني
في حزتن ما رفرفت فيها الاجفان=بالمظلمه ما داجها المودماني
ذاك القبر للدود قوتن ومسكان=يتلف جلود الناس لو هي سماني
يالله انا راجيك يا رب الاكوان=يا واحدن ما له مع الملك ثاني
فردن صمد فوق السماوات رحمان=عالي عزيزن كل يومن بشاني
نرجيك عفوك والرضا منك واجنان=واخيام لولو حاويات الحساني
ندعيك والدمعه جرت فوق الاوجان=بالليلة الظلما بدور المباني
البال من زلات الاثام ضميان=يرويه في مسراه حرف البياني
يرتل قصار السور وال عمران=يقرا من التنزيل سبع المثاني
يفوح منها ريح عنبر وريحان=آيات ربي وافيات المعاني
يوسف الخليفة ( أبو عبد الله )