المساعد الشخصي الرقمي

مشاهدة النسخة كاملة : وين المكشات اللي نفود بين جبل وربيع؟؟ الظاهر غرب الرياض!


abu.abdallah
23/10/2011, 09:26 PM
بسم الله الرحمن الرحيم،

حيا الله الكشاتة، وشلونكم عساكم طيبين..

اخواني.. قبل 5 سنوات تقريبا، كشتنا مع بعض اخويا الوالد الله يحفظة لمنطقة صغيرة، بس اعجبتني مررة

تتميز بانها نفود بين جبل وبين ربيع..

والظاهر انها غرب الرياض حول ضرما او شي زي كذا..

والعتب على الذاكرة،

ياليت اللي عنده علم عنها لا يبخل علينا..
أبوعابد 22
23/10/2011, 09:40 PM
حول ضرما يمكنه شعيب أنحسيه ولا روضة سمحان
وروضة سمحان هذي ربيع وال ما تدخلها يجيك نفود وعلى يدك اليسار ضلع وعلى يدك اليمين فياض مربعه واذا تبي الوصف ابشر بسعدك
abu.abdallah
23/10/2011, 09:46 PM
والله يالغالي اللي اذكره، اننا كنا قاعدين على رمل وبوجهنا تحت فيضة وبظهرنا جبل..

واذكر عندها في لوحة تقول باقي على ديرة. .... 15 كم..
يكفيني نظرة
23/10/2011, 09:50 PM
اللي اعرفه خلف سجن الحاير مكان صاد وحلو ولا فيه ابراج..
abu.abdallah
23/10/2011, 09:53 PM
يمكن سمحان!!
عندك صورة لها لاهنت؟؟
أبوعابد 22
25/10/2011, 08:53 AM
كان بوجهك الخط السريع ووراء ضهرك الضلع اجل هذي روضة سمحان
واذا تبي الوصف راسلني على الخاص وابشر بسعدك
بدوي الرياض
25/10/2011, 10:49 AM
كان بوجهك الخط السريع ووراء ضهرك الضلع اجل هذي روضة سمحان
واذا تبي الوصف راسلني على الخاص وابشر بسعدك

ليش بالخاص عاد الله يهديك ؟؟؟؟

هذا وصف الروضه المذكوره

روضة سمحان

.
وتقع غرب المحافظة على بعد 15 كيلو متر على طريق مركز الغزيز.ومن المفرق عن طريق الحجاز حوالي 2 كيلو متر . تشاهدها على يمين الطريق .. حيث تشاهد كثبان الرمال تحتضن المياه في صورة رائعه رسمها الخالق .وهي على امتداد حوالي واحد كيلو متر في نصف كيلو .وتتميز بثلاث عناصر هي الماء والرمال والجبل . وايضآ بسهولة الوصول اليها وتشاهد من الطريق العام ..
يرتادها الكثير من محبي الطبيعه. وتبقى المياه فيها لمده طويله وبعد جفاف الماء منها فإنها تكتسي باللون الأخضر. كماهو بالصورة الأولى ...وتشرف عليها بلدية محافظة ضرماء من ناحية الإهتمام بالنظافه وتعبئة موارد مياه الغسيل