انحدينا على ثلاجة بندة وجبنا سمك وجا في بالي كم سؤال

[اديب بن صالح]

السلام عليكم ورحمة الله وبركاته


ياجماعه مالكم حق

شفيتو فينا من ورى الشاشه ماغير نشوف هالتقارير وهالصيد الطيب

وماغير نصفق اسداس باخماس نتلفت يمين ويسار مافيه بحر

شوفوا طال عمركم

انا شفت تقرير وصيد يحبه القلب

وبعدها قفلت الشاشه ورحت لبنده على طول ابي سمك طازج

وكنت قايل اذا السمك من السعودية بآآآخذه وغيره فلا

المهم

فعلا جتني عدة تساؤلات

لقيت سمك كنعد وهامور وسمك حمام عربي و حريد الخ


المهم جزمت وآخذت لي سمك حمام عربي على كلام البايع ومكتزب اسمه كذا

ابي اعرف يالربع واجابة على التساؤلات :


* الحين لاحظت قشر السمك يختلف من نوع لآخر فهل هذا يحدد مدة استواءه

* وش تنصحون فيه بالسمك الموجود للشوي ابي اجود الانواع

* لاحظت فيه طعم مرارة شوي بالسمك اللي شريته طبعا لونه ذهبي شوي

* اي تفيدونا فيه ياليت تعرفون حنا يااهل الفلك عيوننا بالسما وحدنا النجوم :D

[ABOYSSR]

انا يشرفني اكون اول واحد يرد عليك
انا ماعندي خبره ىكصيره بالامور

الشباب ان شاءالله راح يفيدونك
سلام

[اكسنت كول]

شعري-شعوم-بدح-سبيطي-فسكر
بالنسبة لبحرنا مدري انت اي بحر

[اديب بن صالح]

انا ماعندي الا رمال ههههه مالي الا هايبر بنده والشركة السعودية للاسماك بيني وبين البحر مسافه

مشكورين وننتظزر المزيد يااساتذة

[حنيف]

ابي اعرف يالربع واجابة على التساؤلات :


* الحين لاحظت قشر السمك يختلف من نوع لآخر فهل هذا يحدد مدة استواءه

* وش تنصحون فيه بالسمك الموجود للشوي ابي اجود الانواع

* لاحظت فيه طعم مرارة شوي بالسمك اللي شريته طبعا لونه ذهبي شوي

* اي تفيدونا فيه ياليت تعرفون حنا يااهل الفلك عيوننا بالسما وحدنا النجوم



السلام عليكم اخي اديب بن صالح
عساك بس استمتعت باكل السمك

اتوقع من خلال تساؤلاتك انك جبت العيد ان شاء الله سوء فهم مني

اما من ناحيه قشور السمك تحدد استوائه ولا لا ؟
طال عمرك السمك يقشرونه قبل لا يطبخونه
اما طعم المراره اخاف مانضفلك ولا ان السمك مبطي عنده فالثلاجه
ولا ان البهارات والملح ما جاه كفايه
هذا الي عندي والله اعلم واما انواع السمك يفيدونك الشباب

تقبل مروي اخي اديب
وارجو مااثقلت عليك بالرد

[اديب بن صالح]

حياك الله اخوي ياهلا بك

لا ماجبت العيد ولا ثاني العيد هههه ابشرك الشوي مضبوط


أكيد السمك تم تنظيفه بالكامل


لكن بخصوص القشر انا اقصد الشوي مااقصد الطبخ

لآن فيه سمك له قشر جلده سميك يختلف عن الثاني اللي لين جلده الخ


بخصوص المرارة اكيد طعم السمك يختلف من نوع لآخر وعشان كذا سالت


بالعكس حضورك يشرفني ياعسل

[عاشق الروبيان]

ياهلا بجيراننا حقين الفلك ويا مرحبا بك


الحين لاحظت قشر السمك يختلف من نوع لآخر فهل هذا يحدد مدة استواءه

معرفتي البسيطه . قبل تشوي او تقلي السمك لابد من تقشيره وبالنسبة لمده الاستواء يختلف على حسب نوع وحجم السمكه مثلا البياض اذا كبر حجمه يصبح لحمه قاسيا وعكسه تماما الكنعد او الديراك كل ما كبر حجمه كل ما زان طعمه وان شاء الله يفيدونك الشباب اكثر ...


* وش تنصحون فيه بالسمك الموجود للشوي ابي اجود الانواع

من واقع تجربه انا ما جربت المشوي الا الحريد رائع جدا ولا يفوتك الطعم يالغلا ويفيدونك الشباب المجربين غير الحريد

* لاحظت فيه طعم مرارة شوي بالسمك اللي شريته طبعا لونه ذهبي شوي

اول مره اسمع بالنوع هذا بس اتوقع والعلم عند الله ثم عند الشباب اهل الخبره نوع السمكه يمكن يكون طعمها كذا او نقص في البهارات مثل ما قالو الشباب في ردودهم

اتمنى اني اكون اوفيت جزء بسيط من المعلومه وان شاء الله الشباب ما يقصرون معك

تقبل مروري

[سوسو لايت]

للرفع
حلاتها طازجه يمكن اللي اخذتها مو طازجه
وتبهرها لمده ساعتين وبتطلع جنان واذا ما تعرف الطريقه بخبرك عنها بس انت قولي
وبالتوفيق

[اديب بن صالح]

عاشق الربيان

انا اشهد انك ماقصرت وأفدتني في كلامك لكن هالنوع اللي حكيت لك مشهور بهالاسم وسويت له بحث وهذي صورته

http://www.syadh.com/vb/imgcache9/2127.gif


تسلم يالايت تسلم يمين اللي على الطيب رباك

انا أخذتها طازجة بالعكس لكن كيف طريقة تبهيرها بالطريقة المناسبة للشوي طبعا

[الصياد 7000C]

ياخي هادا شعور مو عربي.. وتقبل مروري

[فوتوغراف]

انا داخل على موضوعك وابغى استفسر على شي بعيد عن البحر والسمك
هل التلسكوب ينباع في السعودية ولا لا وهل يوجد في جدة
ثاني شي يحتاج لتصريح يعني هل له اجراءات خاصة عشان تمتلك تلسكوب ؟؟

[عاشق الروبيان]

شوف يالغلا الصوره هذه شعور تنقلي وعلى كلام الشباب يقولون تنشوي بعد

الطريقه مدري اشلون لكن ان شاء الله هذا الموضوع يفيدك يالغلا

http://www.mekshat.com/vb/showthread.php?t=157229

تقبل مروري