بنادقي صدت في ايام

[راعي الشبب511]

السلام عليكم ورحمة الله وبركاته




مسيتو بالخير يا اعظاء مكشات المحترمين



يا الربع الفززززعف
والله ما مر علي مثل هل حاله
السالفه وما فيها زيتت الأسلحه وحطيت كل في خباه وقبل اسبوع تقريبا قنصة ادور الحجل
وبعد رجوعنا رديت الأسلحه بدون ما انضفهت
اعتمدت على التنضيف السابق
وامس جيت ماشي لديره وطلعة الأسلحه الى واشوف المفاجئه
http://up.arab-x.com/Oct11/Gvh70969.jpg




وهاذي تبين الفرق ما بين الماصوره تحت الحاضن وما بين المكشوف



http://up.arab-x.com/Oct11/yQl70969.jpg




الناريه ويبين الصدى في اعلى الماصوره




http://up.arab-x.com/Oct11/4kQ70969.jpg



الحقوني بالحل السريييع والله ما اقدر اشوفهن بهذا الحال
والله لا يهينكم
والغريبه الهوائيه ما جاها شي!!

[مليح البآرود]

وعليك السلام ورحمه الله وبركاته

اخوي شوف المنتج هاذا بس مدري هو عندي بالسعوديه ولا لأ.


واذا تبي اجيبه من خارج السعودية انا حاظر .


uPl_tVJuah0

تحياتي لك...

[راعي الشبب511]

هلابك اخوي مليح البارود
والله المنتج هذا جدا ممتاااز لاكن ما اضن انه عندنا
واذا احد عنده خبر يفيدنا
اذا بتجيبه لك جزيل الشكر
لاكن ممكن يطول الين ما يجي وكم التكلفه اذا عندك علم
وبيض الله وجهك

[مليح البآرود]

هلابك اخوي مليح البارود
والله المنتج هذا جدا ممتاااز لاكن ما اضن انه عندنا
واذا احد عنده خبر يفيدنا
اذا بتجيبه لك جزيل الشكر
لاكن ممكن يطول الين ما يجي وكم التكلفه اذا عندك علم
وبيض الله وجهك


ووجهك ابيض

اول شي اسال هو عندنا ولا لأ..

وسوف اخبرك كم يكلف ان شاء الله الليله.

[راعي الشبب511]

ووجهك ابيض



اول شي اسال هو عندنا ولا لأ..



وسوف اخبرك كم يكلف ان شاء الله الليله.

ابشر انا راح اتصل على الرمايه وعلى الصياد العربي لانهم احسن محلات عندنا في جده


الله لا يهينك

[ريسو آلشمآل]

الله يقويك .. يا مليح البارود .. ما قصر بيض الله وجهك .. تقبل مروري

[الحصان 1]

ياخوي حط عليها قاز لين اخونا يدبر لك المنتج

[aborajwa]

الله يعين عز الله حسافة الصدأ فيها .. انت متأكد من مكان التخزين انه ما يجيه رطوبة والا بيت البنادق يكون نايشه ماء والا ندى قبل تحطها فيه لان الصدا ماليها كلها لو مكان اليد قلت منها لكن الله اعلم من بيت البندق فيه رطوبه .. هذه الغربية وما تسوي فينا ..والله اني بعد ما انظفها وازيتها الفها بخرقة من زود الحرص .

اخوي مليح البارود لا تنساني من الدهان هذا اذا جبته لاخونا راعي الشبب احسب حسابي .

[مليح البآرود]

الله يقويك .. يا مليح البارود .. ما قصر بيض الله وجهك .. تقبل مروري




الله يجزاك خير وجهك ابيض وهاذا واجب علينا ما قصرت اخوي.

[مليح البآرود]

الله يعين عز الله حسافة الصدأ فيها .. انت متأكد من مكان التخزين انه ما يجيه رطوبة والا بيت البنادق يكون نايشه ماء والا ندى قبل تحطها فيه لان الصدا ماليها كلها لو مكان اليد قلت منها لكن الله اعلم من بيت البندق فيه رطوبه .. هذه الغربية وما تسوي فينا ..والله اني بعد ما انظفها وازيتها الفها بخرقة من زود الحرص .

اخوي مليح البارود لا تنساني من الدهان هذا اذا جبته لاخونا راعي الشبب احسب حسابي .



يا مرحبا ان شاء الله بجيبلك بس احسب( التكلفه) .

وهاذي البيتين اهداء لك .

ابشر من عيوني الثنتين ..... مثلك البي مطاليبه .
القلب ما يسكنه شخصين ..... واحد ويكفيني تعذيبه .


هههههه

تحياتي لك...

[مليح البآرود]

السلام عليكم ورحمه الله وبركاته

يا طويل التكلفه = 160 ريال الى السعودية من دون فائدتي:D.


وهناك نوعان:

1- الراس بفرشاه كما في الفديو وهاذي صورته

http://www.mekshat.com/pix/upload05/images230/mk73669_22103.jpg


2- الراس بخاخ واهذي صورة

http://www.mekshat.com/pix/upload05/images230/mk73669_100_7583__29425_zoom.jpg


وهاذي مواصفات له:

آمنة على الجلد
لا يوجد أبخرة ضارة
ليس حامض
لن يضر الطلاء السيارة
ولن يضر الأسلاك
لا يوجد المركبات العضوية المتطايرة
لا يوجد المذيبات
غير قابل للاشتعال


اي سوال انا حاظر.

تحياتي لكم ..

[راعي الغنمات]

ياليت تجرب ملمع بودي السيارات علبة بـ 15 ريال ولفة قطن من الصيدلية بـ 4 ريال
جرّب وشوف النتيجة

[aborajwa]

يا مرحبا ان شاء الله بجيبلك بس احسب( التكلفه) .


وهاذي البيتين اهداء لك .


ابشر من عيوني الثنتين ..... مثلك البي مطاليبه .
القلب ما يسكنه شخصين ..... واحد ويكفيني تعذيبه .



هههههه



تحياتي لك...


تسلم لي عيونك الثنتين ..... ويلبي قلبك ياطيبه
وقلبي اهديه لك باليدين ..... يتحمل الحب وتعذيبه

[المعايد]

بيض الله وجهك
منتج رائع وسعره مناسب جدا

[مليح البآرود]

تسلم لي عيونك الثنتين ..... ويلبي قلبك ياطيبه
وقلبي اهديه لك باليدين ..... يتحمل الحب وتعذيبه



خلاص احرجتني مقدر اقول شي.


اثرك منت بسيط.


الله يجزاك خير على هالبيتين.

تحياتي لك.

[مليح البآرود]

بيض الله وجهك
منتج رائع وسعره مناسب جدا



ووجهك ابيض ما سوينا الا اللي الواجب

[aborajwa]

خلاص تم اخوي مليح البارود بغيت الثاني البخاخ .. والسعر اللي تحدده راضي فيه منتج يستاهل وبنادقنا تستاهل . وانت مكسب لنا الله يطول بعمرك على الرضا والطاعة .

[عشقي الصحاري]

وعليكم السلام@
شف ياخوي عندك البنزين تراه زين لصدى الحديد@
وان شا الله يفيدونك البقيه من الشباب@
تحياتي لك@

[فتاح الجواد]

السلام عليكم ورحمة الله
الله يعوضك خير وياجرك
وعندي لكم نصيحة ادهن السبطانة بالصلصة الطماط واتركها لمدة 15 الى 20 دقيقة
ثم ادعكها بخرقة خشنة نوعا ما لمدة 5 دقائق وان شاء الله انك بتدعي لي
وليتك تجرب على منطقة صغيرة وان جازت لك النتيجة 100% استمر
واذا ما عجبتك العذر والسموحة
وانا مجربها مع الصدأ وحدة بوحدة

[راعي الشبب511]

الله لا يهينك اخوي والله ما قصرت وبيض الله وجه
وتران اتصلت على السنيدي -والصياد العربي- والرمايه ولى لقيته
لاكن اضاهر انا بنشغلك شوي :D
والله يجزاك خير

[مليح البآرود]

الله لا يهينك اخوي والله ما قصرت وبيض الله وجه
وتران اتصلت على السنيدي -والصياد العربي- والرمايه ولى لقيته
لاكن اضاهر انا بنشغلك شوي :D
والله يجزاك خير

هاذا واجب علينا لا تشغلني ولا شي

اتوقع نفس المنتج ما تحصلهم عندهم

[راعي الشبب511]

هاذا واجب علينا لا تشغلني ولا شي

اتوقع نفس المنتج ما تحصلهم عندهم
اي اغلب المنتجات ليست بجوده عاليه وعاد تصدق انا اشك في بخاخ استخدمته
اشتريته من احد المحلات قلتله ابي زيت تنضيف
وعطاني هذا يقول مانع صدا وزيت في نفس الوقت ونضفبه وجلست فتره بعدين قنصت
ويوم رجعت بعد ايام صار الي صار
والمشكله ماني معرضها لمكيف لاكن والله ما ادري وش الي صار

[فتى ظبيان]

السلام عليكم
اللي فهمته ان الصدأ بدأ فجأة بعد رحلة صيد
وهذا الشي حصل لي من فترة قريبة مع بندق هوا
والمشكلة كانت في وضع البندق مقابل المكيف
تكثفت الرطوبة على البندق بسرعة وكانت زي الكاسة الباردة
وتركتها يومين بس ورا باب الغرفة وصار لونها بني من كثر الصدا
اللي عندك هين عن اللي عندي ولكن سلاح زي اللي عندك توجع في الراس
احفظها زين وخذ بمشورة الشباب

[الوسيطاء]

اخوي اذا تبي العلم الوكاد فيه بخاخ خاص بكلبليتر السيارات اشتره ورش البندق كلها

وراح يصير سحر فجئه الصداء راح واذا ما راح على حسابي 20 ريال قيمته

والبخاخ العلبه بيضاء اللون وعليها رسمه كلبليتر وهاذا من تجربه

[راعي الشبب511]

الله لا يهينكم على المشوره يا اخوان والله يبيض وجيهكم وراح اجرب بخاخ الكلبليتر اخوي
لاكن هاه اذا ما نفع تحولي عشرين ريال:D
الله يعطيك العافيه

[ابو بدر العتيبي]

افادوك اهل الخبره الله يبيض وجيههم

[الشرطى]

وشف فيه بخاخ WD يباع فى ساكو ماقول احد جربه

انا منضف به ساكتون هوائيه لها ست سنين فى الدالوب وبدون تلبيسه

فككتها أجزاء وبخيت عليها قطعه قطعه وأناظر فى الصداء وهو ينزل من الساكتون

ثمن مسحها زين ومن بعدها لمعها بزيت مناسب اى زيت

وراح تشكرنى ولا تنسانى من الدعاء الطيب

[هويدي]

الحل جليها بملمع الدرع تحصله بأي محل زينه بالرياض

وطريقته نفس جلي الدلال .. الشباب يجلون فيه الشكمان المصدي ويصير نيكل

جربته على ساكتون هوائيه بويته صارت كالجديده ( اسود لماع )

[مليح البآرود]

الحل جليها بملمع الدرع تحصله بأي محل زينه بالرياض

وطريقته نفس جلي الدلال .. الشباب يجلون فيه الشكمان المصدي ويصير نيكل

جربته على ساكتون هوائيه بويته صارت كالجديده ( اسود لماع )



ملاحظه اذا جليت فيه اكثر يقلب اللون الاسود الى لون نيكل وهو مخصص لون الرصاصي فلا باس بالمسح البسيط

[راعي الشبب511]

هذي النتيجه بعد التنضيف
الأدوات بخاخ الصدات ابو جمل-زيت مكينت خياطه-2سفنجه ام وجهين الي فيه وجه خشن
بديت برش الصدا مباشره وخليته مقيقه
وبعده بديت الدعك بالوجه الخشن في السفنجه دعك ماهو لعب ههه
وارش بعد التنضيف بعد وادعك شوي
وبعدها مسحتها بخرقه وجبت السفنجه الوجه الناعم وزيتته
وبديت التمسيح
وبعدين زيتلك خرقه وامسح



وهذي النتيجه



قبل البدا بعد التفكيك


http://up.arab-x.com/Oct11/rre47588.jpg



بعد التنضيف



http://up.arab-x.com/Oct11/duU47588.jpg



والف شكر لكل من شار وعلق على استفسار
والله يبيض وجيهكم
والحين وينك يا الجرجس ههههه

[مليح البآرود]

الحمد لله اللي حل المشكله بشكل بسيط وبتوفير

بيض الله وجهك.

[راعي الشبب511]

الحمد لله اللي حل المشكله بشكل بسيط وبتوفير

بيض الله وجهك.
وجهك ابيض ومارديت على رسالتي يا النشمي

[aborajwa]

اخوي راعي الشبب كاني اشوف الخرازة قلبت نيكل ابيض .. والا التصوير .

[راعي الشبب511]

اخوي راعي الشبب كاني اشوف الخرازة قلبت نيكل ابيض .. والا التصوير .

لا من نعكس النور لاكن اصلا الماصوره ماهيب سودا ولاهيب نيكل