ناخيكم يالصقاره لا تردون اخوكم

[الحر503]

ابي استفسر ياشباب انا توني مبتدء ولا اعرف باعلوم الصقاره بس ودي اشتري صقر وابدء اتعلم فعلي ابيكم تنصحون اخوكم انا اسمع ان به محل بالديره بالرياض يبيع صقور عاد انا ابي اروحله واشوف اسعاره بس ابيكم تشورون علي ابي نوع من الصقور واعذروني بالكلمه ذي يعني قليل مرضه لاني سمعت واحد يقول لاتاخذ شيهانه لانها تمرض واجد عاد هذا قضاء وقدر بس ابي مشورتكم والسعر بحدود المعقول,,,واسف على الاطاله

[دلوع الهوى]

هلا بك اخوى انا من الامارات ومادري وين يبيعون عندكم الطيور في الديرة وانصحك انك تاخذ اجبلية تتعلم عليها لي تتمكن وموفق خير

[الحر503]

يالله حي اهل الامارات على راسي والله وبيض الله وجهك على المشوره

[ســـبــار ربــعـــه]

اخوي خذ وكري ولا شيهانه جبليه واحرص انك تشري طير جاهز يعني قد دعي ودهل وقبل تشتري اشرط الفحص _وافحص الطير في مستشفى الصقور _ وتاكد من ريش الطير وعظامه مافيه كسور قد جبرت او عمليات ونصيحتي شف احد له خبره وخله يخاويك _والدراهم خل معك اقل شي ثلاث الاف وخمس_وبعدين رح مع الصقاقير وشف طرقهم وسوالفهم واسأل عن ماتريد وتلقى الجواب وانصحك تستشير اقدم صقار تراه استاذ في الصقاره

[يحب البر]

هلا ابو الشباب ان بغيت الراي المضبوط اللي قليل من الناس يعترف فية من خبرة طويلة
لالالالالالالالالالالالالالالالالالاتقرب الطيور كانك تبي راحة البال وسعة الصدر والوقت لقضاء التزاماتك ( لعلي اكون لك من الناصحين )
تقبل مروري ولك كل الود

[اسلي نفسي]

هلا ابو الشباب ان بغيت الراي المضبوط اللي قليل من الناس يعترف فية من خبرة طويلة
لالالالالالالالالالالالالالالالالالاتقرب الطيور كانك تبي راحة البال وسعة الصدر والوقت لقضاء التزاماتك ( لعلي اكون لك من الناصحين )
تقبل مروري ولك كل الود


ليه ياخوي الرجال يبي يتعلم ويقنص وهو دخل يبي مشورتنا في طير يناسبه كمبتدء
مو نحطمه
تقبل مروري

[أبوعجاب]

حياك الله وعسنا نفيدك
واذا تبي النصيحه لا تشتري الا معك احد من خوياك صقار يعرف بطيور
وانا انصحك اخذ فرخ شيهانه جبليه طول وعرض ماتنقص عن١٣ او ١٤
واذا خايف من الشواهين عليك بوكري

[القناص أسعدي]

اخوي الحر
اذا تقبل نصيحتي وانا لك ناصح من قلبي ,
اذا كنت مبتدء انصحك تشتري وكري بيتي يعني سبق وان درب من قبل لانه طير سهل الطباع ويتحمل ويطيع صاحبه وسريع الالفه وهو اقرب الطباع للطير الحر ,
وكذلك انصحك ان تاخذ صقار له خبره لانك مبتدء وتنقصك كثير من الامور بحال الشراء
وانصحك ان تتجنب كل انواع الشياهين لانه طير حساس ولا يتحمل الاخطاء
والطير الوكري المعقول يصل من 2000 إلى 3000 ريال وهناك وكري قيمته اعلى من هذه الاسعار ولا تشتري باكثر من ذي القيمه لانك مبتدء ومعرض الطير للموت مع المبتدء واذا تعلمت فالك الاحرار اللي بقيمة مليون ريال وتستاهل

[الحر503]

بيض الله وجيهكم وماقصرتو,,طيب ابي من وين اشتري بالرياض ,,, (يحب البر) مشكور على النصيحه وجزاك الله خير ,,

[مخاوي الذيب 305]

اشتر طير يكون متعلم مدرب وصايد
اخذ شيهانه جبليه يكون قياسها 12 وانت نازل او وكري لان الشيهانه تمرض بسرعه وما اتحمل الجوع اما الوكري يتحمل الامراض والجوع

[اقدم صقار]

السلام عليكم
اخوي النخوه اكبر من ذا الموضوع الله يهديك
وابشر باللي تبي كانك تبي طير يونسك اشتر شاهين جبليه مدربه وتلحق الحمام
قيمتها من 2000 الى 2200 ريال وبتلقا واجد وانا اخوك
تقبل مروري

[حمود الصعيبي]

قبل تشري الطير اشتر كتاب اسمه الصقر والصقار تلقاه عند محلات الكشته وخاو اهل الطيور لتكتسب الخبره الكافيه ثم عقبه اشتر الطير

[بركات ت ت]

مرحبا بك في علم الصقاره

افادوك الاخوان والله يوفقك ان شاء الله