تانكي ماء

[22ابوعبدالله]

السلام عليكم

مساء الخير

ابي لتانكي ماء.

الي يجي خلف المرتبه بس ما ادري وش النوع الزين

مريت السنيدي عنده ستيل. يقول 600 وبرق الحيا يقول 650

وبصراحه اسعار غاليه مره.

الرمايه عنده خزان الوادي.


بس مدري عنه يقولون. يطعم في الماء.

وقلت ماالي الا المكشاتيه. يدلونا على الزين

نبي شين يكد وسعره رخيص. والظاهر انها ما تجتمع
لكن نبي مشورتكم مع العلم السياره gx موديل 97

والله يرحم والدينكم ولا يهينكم

تحياتي
×

[22ابوعبدالله]

المشاهدات واجد


نبي راي طيب

[نيشان تميم]

وعليكم السلام ..

انا سبق اني ركبت تانكي السنيدي الستيل الواقف .. وتندمت لآنه ياخذ مكان وبلشة في التعبية

وياخذ ارتداد كبير !!

وشار علي واحد اني اخذ تانكي الوادي الفرش .. مع العلم اني متخوف من مسئلة الطعم

وتوكلت على الله وأخذته من المصنع بـ 250 وغسلته بـ ماء هماج مع شوي خل التفاح

وبديت أعبية الى حد النص واروح فيه مشاويري علشان ينغسل .. وكثفت عمليات الغسيل الى ان طلع

طعمة ممتاز .. ولبسته بعازل الفرش ( اللباد ) والى هالحين له 3 سنوات وعز الله انه كفى ووفاء

سعر ممتاز .. وياخذ موية أكثر من الواقف .. ويعطيك مساحة كبيره في السيارة !!

توكل على الله يابو عبدالله وبإذن الله راح تسهل أمورك

[22ابوعبدالله]

بيض الله وجهك يانيشان

لاهنت يالغالي

على ردك

[alcobra2000]

الله يرزقك من واسع فضله