شوزن قديمة أريد معلومات عنها ( يوجد صور )

[Cyber]

السلام عليكم اعضاء ومشرفي منتدى مكشات

عندنا شوزن قديمة جدا من 25 سنة او اكثر وشاريها الوالد ذاك الوقت ب 8 الاف وابي معلومات عنها بحكم خبرتكم وجايبلكم صور عن أبرز مافيها يعني الارقام والعلامات وانتم ابخص

اخليكم مع الصور

http://up.sa/mk/1.jpg


http://up.sa/mk/2.jpg



http://up.sa/mk/3.jpg


http://up.sa/mk/4.jpg



http://up.sa/mk/5.jpg



http://up.sa/mk/6.jpg


http://up.sa/mk/7.jpg

http://up.sa/mk/8.jpg

[الشرطى]

هذى هريستال بلجيكيه

طيبه بالحيل بالحيل

الله يعطيك خيرها ويكفيك شرها

[هدااج 2008]

ام خمس بالجيكيه الاصليه هرستاال
جودهاااا بسنونك
وفالك الشحم

[شمروخ الود]

للبيع
اخوي

[Cyber]

مشكورين يا اخوان ومازالت اطمع بالمزيد من المعلومات
يعني هل هي ام ولد او ام شجره كما يقال
وكم الضغوط الي تتحملها وكم مقاس ماصورتها الخ

[المفواح]

ماشاء الله نصيحه لاتفرط فيهاء للان النوع هاذا نادر

[وارد منصور]

لا تفرط فيها وزنها ذهب

[شاخوفة]

هذي البلجيك الاصلية رقم 1 ممتازة جدا كانت لها صولات وجولات لاتفرط فيها ولو تجدد افضل بس والله اعلم ماتتحمل فوق 40 قرام وشكرا

[السلوم 2005]

انا عندددي مثلهااا بس ماصورتها بدوون سلم ... هل هي نفس جوودتها ؟؟

[Auto-5]

السلام عليكم
مثل ما قالو الاخوان هذي براوننج أوتوفايف صنع مصنع فابريكو ناشيونال هيرستال ببلجيكا
البندق هذه مادري كم طول السبطانة لانها تجي ثلاث اطوال 28 و 30 و32
بندقة طيبة يوم وقتهاقبل ظهوراللإيطالي الجبارطبعآعيبهالاتستحمل الجرامات أكثرمن 36 بل حتى الـ 36 يشعرالحاضن وتلك عند الإتساخ لسرعة طلبها للتنظيف ,
البندق هذه الآن ليست مرغوبة حتى للترهيم لأن المرهمين يرهمون الكروم وهذه عادية ,
أتمنى لك التوفيق وأنا لاأنصح بالاعتماد عليها لمن لايعرف يركب ابرتها ونواتيشهالسرعة انكسارهذه الأشياء وبدون سبب واضح من واقع تجربة ,
طبعآ أنا احب هذه البندق وأمتلكها لكن عندي غيرها للرماية الحقيقية ...
لكم وددي

[الوسيطاء]

[QUOTE=Auto-5;7457668]السلام عليكم
مثل ما قالو الاخوان هذي براوننج أوتوفايف صنع مصنع فابريكو ناشيونال هيرستال ببلجيكا
البندق هذه مادري كم طول السبطانة لانها تجي ثلاث اطوال 28 و 30 و32
بندقة طيبة يوم وقتهاقبل ظهوراللإيطالي الجبارطبعآعيبهالاتستحمل الجرامات أكثرمن 36 بل حتى الـ 36 يشعرالحاضن وتلك عند الإتساخ لسرعة طلبها للتنظيف ,
البندق هذه الآن ليست مرغوبة حتى للترهيم لأن المرهمين يرهمون الكروم وهذه عادية ,
أتمنى لك التوفيق وأنا لاأنصح بالاعتماد عليها لمن لايعرف يركب ابرتها ونواتيشهالسرعة انكسارهذه الأشياء وبدون سبب واضح من واقع تجربة ,
طبعآ أنا احب هذه البندق وأمتلكها لكن عندي غيرها للرماية الحقيقية ...
لكم وددي[/QUOTE

ما ازود على كلام اخوي والبندق للمستخدم الخفيف

[Cyber]

مشكورين يا اخوان
بصراحه استغربت من حكاية الاستخدام الخفيف
والله ياجماعه يجيها رمي ماهو طبيعي
بكل موسم لايقل عن نص صندوق
ولاعمرها طلبت شي
وانا الوريث الثالث لها واستلمتها من 4 سنوات
ولاعمرها تنظفت الا مره وحده من مشتراها

فغريبه قولت انها ماتستحمل
وارمي فيها جميع الظغوط لكن اكثر شي ابو غزال رقم 6

[الشرطى]

اخوى عطيتك العلم لاتفرط فيها وسلامتك اى نعم الايطاليات اطيب لاكن لاننسى انها فى الصداره منذ الازل فى عالم الشوازل


تقبل مرورى ,,,

[ذئب الشعيبه]

هذه بلجكيه وصراحه طيبه لاكن بعد ماطلعته السوبربنلي الايطاليه افضل منها بكثير وعلى فكره لاترمي فيها ضغوط والله يبارك لك فيها

[ركان]

أخوي الفاضل أنا مع كلام الأخ ( أوتو 5 )
البندق بلجيك أم شجرة ام جسر من البنادق الممتازة بس ماتتحمل الضغوط زي ماقال أخونا انت تقول رامي فيها برقم 6 أبو غزال وهذا مايقصد فيه الضغط هذا مقاس الحلبي ( الصتم ) اللي في الطلقه أما المقصود بالضغط فهو كمية البارود اللي يدفع الصتم ويبداء من ( 28-32-36× ......) هذه الضغوط اللي تتحملها بندقك إلى 36 لأن مقاس فتحة خروج االفشقة اثنين فاصلة ثلاثة أرباع علماً بأنها لا تتحمل الفاكتوري ضغط 36 وذلك بسبب قوته وأختلافه عن باقي الرصاص لان ضغط 36 من الشركات البولندية يختلف عن الأيطالي وذلك من واقع تجربة حيث أنني كنت أرمي بالبولندي أبوغزال وكان ارتداد البندق زين وجربت الفكتوري وبديت ألاحظ أن ارتداد البندق وندفها صار قوي بشكل ملحوظ بس أخوك ورط بالفشق اللي شراه قلت خلني أخلص منه وتوبة لكنى جبت العيد وانكسر الحاضن .
اتمنى اني قدرت أفيدك

[مدير الكدري]

هذه بلجكيه وصراحه طيبه مره وفالك الصيد

[ابوشوق 909]

الله يعطيك خيره ويكفيك شرها وتاكل من صيدها وتورثها للي بعدك

[مسنع ربعة]

فالة الشحم كم تبيعة ؟؟

[بدر138]

هذي بلجيكيه طيبه بالحيل حاره بالرمي واذا جيت ترمي الطير خلك بعيد لأنك اذا قربت راح يصير الطير كباب ههههه
بالنسبة للضغوط لاترمي اكثر من ضغط اربعينن وفالك الشحوم واللحوم

[قناص*07]

عندي اختها بس بدون جسر


ممتازه حيل وافضل البنادق القديمه وبعض الجديده.
لا ترمي بها باكثر من 36 ضغط
ابعد عن الصيده مسافه جيده عشان ما يسير على قول الاخوان كباب.
البندق تزم حول الـ 15 الى 30 سم وعلى حسب الزهبه و الضغط.

الحاضن دايم ينكسر من الضغوط العاليه.

غيرها انها حمار مكده اكرمك الله

[ناصر القريني]

هذي ياطويل العمر بلجيكيه وعندي زيها لها اكثر من 56 سنه وزينه وفشقها انصحك بــ32 اينو ع بس المهم يكون الضغط 32

[Cyber]

مشكورين ياشباب

كيف اعرف الضغط تبع الفشقه ؟؟