فزعتكم يالربع (( اهل الامارات و السعودية ))

[الجنيدي 123]

السلام عليكم ورحمة الله وبركاتة


يالربع انا و واحد من ربعي ودنا نشتري طيرين للعلم بعدنا مبتدئين لكن في مرة خذينا طير شاهين وتدربنا علية وحبينا السالفة حييييل لكن ما قدرنا نكمل معة لان كانت علينا اختبارات والحين نحن ما ورانا شغلة نبي طيرين يكونوا حق تدريب وحق قنص كراوين ياليت نوع الطيور واسعارهن ومن وين نقدر نحصلهاا في الامارات ارد واقوووول نحن مبتدئين مانبي طيور سعرهااا يخوووف هههههه .


وسموووووحة منكم

[أنا داري]

زور مزكز الصقور في دبي ند الشبا بس هناك توسيم اذا ودك بوحده
حق كراوين يبغيلك تبع ولا وكري
والله يوفقك بس لا تخاف من اسعار ند الشبا رح وانته خايف هههههه×

[لبيه يمنادي]

الله ايحييك ياخوي انت وربيعك

اذا انتم في الامارات ... عليكم بند الشبا وأن شاء الله بتحصلون مطلوبكم .. اما بالنسبه لختيار الطير المناسب فأنا اراي من خلال طلبكم ان الامسب لكم هو تيع شاهين او وكري فهو الانسب للكراوين . واسهل في التدريب .

[قنيص غبر]

اذا مبتدئ وتريد تبسط خذلك تبع وحش علمه ربي سبحانه فنون الكاراتيه والجيجوتسو اقصد فنون الصيد .. الجير لا تقربه بيطلع لك قرون وشعر ابيض انت وخويك

[راعي ضويانه]

اذا تبي بالرياض عندك سوق الديره مليان طيوووور والامارات بعد فكل مكان بتلقى

[بركات ت ت]

اذا في الامارات افادوك الربع

واذا في السعوديه حسب منطقتك الي انت فيها وشف لك صقار من الي تعرفهم يدور لك صقر

واذا انت بالشرقيه انا حاضر ..

[بوسيف دبي]

السلام عليكم ياخوي .. أنا صقار من أهل دبي وعندي بعض المعارف من أصحاب المحلات بسوق ند الشبا في دبي ، واذا احتجت أي مساعدة ترا ما يردك إلا لسانك وهذا رقمي 00971507887200 واتمنى لك التوفيق ..

أخوك/ بوسيف

[سطام ابو سعود]

الاخ ابو سيف يفيدك وما قصرو الاخوان