ابي مكانيكي فاهم تكفون يحل مشكلتي

[أنفاس رجل]

صباح الخير * مساء الخير

أخواني ابي فزعتكم فديتكم


لو انا مو من عشاق البليرز والله لا احرق فيها مايسوى علي كل شوي في الصناعيه

بس عشقي للسياره هذي هي الي خلتني اتمسك فيها

المشكلة

انا عندي بليزر موديل 85 المكينه ماهي صافيه

وديته لمكانيكي سعودي شيك على البواجي حصل اكثر من بوجي منتهي وفيه بوجي منكسر

جلس يطلع من الورشه حقته بواجي ويصنفرها ويركبها قلت له اروح اشتري بواجي قال مايحتاج

المهم قال حصلت اسلاك البواجي اثنين عطلانات وركبت من عندي اسلاك بواجي عدد 2

فك الغطاء وجلس يشد على البلوف الجهه اليسرا للمكينه طبعا المكينه 350

قال ان شاء الله يضبط

طلعت من الورشه واثر التقطيع زاد اكثر كان اول المكينه فيها رجه خفيفه فقط بعد ماطلعت من الورشه صارت المكينه صافيه بس يقطع اذا مشيت

رحت وغيرت بواجي جديدة واسلاك جديدة

ولا راح التقطيع

سألت واحد قال غير الصفايه .. رحت وغيرت الصفايه

ولا تغير شي

رحت لمكيانيكي هندي فك الغطاء البلوف وقالي فيه واحد من البلوف ما يشتغل

شد على البلف هذا وفك البلف ولا تغير نفس الحركه بطيئه جداَ بعكس البلوف الثانيه

يقول البلف قافل لازم يفك راس المكينه

تكفون وش الحل لاني تعبت كل يوم في الصناعيه

واسف اني طولت عليكم بس والله تعبت من ورشه الى ورشه لين عرفت هنود الصناعيه كلهم ههههههههههههههه