هل تعبأ بنزين 91 او95 ولماذا وهل سيارتك 6 او4 سلندر

[سلمانـ]

السلام عليكم صباحكم سعيد بأذن الله انا موتري فتك 2005 وبالتأكيد كما يفضل الكثير البنزين الـ95 للست والثمان سلندر والبنزين 91 للأربع سلندر ولو حبينا نوفر اكيد الأخضر اوفر ولاكن حكم القدر ورغبة المحرك واداء المحرك

أنت ماذا تعبأ سيارتك 91 او 95 وهل هي اربـ4ــع سلندر او سـ6ــت سلندر او ثمـ8ــان سلندر ؟
ماالسبب لأختيارك نوع الوقود توفير ولا بنظرك انه لافرق بين نوعين الوقود الأخضر والأحمر ؟
هل سبب لك الوقود الأخضر اية مشاكل في محرك ست سلندر ام لا ؟

[مكشآتي للآخر]

إستخدم: إحمر
السبب:عناد بالوكالة
بتقولي ليه:بقولك يوم شريت الموتر عطوني فاتورة بانزين فل من ضمن الهدايا فاتورة من المحطة الفلانية
بكمية ناسي كم بالضبط بس تقريبا 90 لتر
المهم حركت من الوكالة تخبر توني مطلعة الموتر
يوم رحت للمحطة واوقف عند 95
وإعطية الفاتورة
الا ابو يمن يقولي الوكالة قايلين لاتعبون للسيارات الجديدة 95 بس 91
قلت مرة ماتجي؟ قال مرة
قلت ايه اجل عبة على حسآبي فل
وعشان كذآ ليومك هاذا وانا اعبيه 95 ماودي إغير ل91 وإشوف انه إفضل للسيارة
لانها 8 سلندر والوالد يستخدم ال95 من مدة والحمد لله ماشاف من الموترشي


نوع السيارة:GMC SIERRI 1500 Z71 2010



..وإنآ إشوف انه 100% في ال95

[ملازم]

وعليكم السلام ورحمة الله وبركاته

سيارتي لاندكروزر 6 سلندر
اعبي 95 لانه افضل وارخص من 91 عن تجربه
بتقولي غلط 91 ارخص
اقولك جربته بالمسافه طلع 95 مسافته ابعد بكثير وحسبت قيمة هذا وذاك طلع 95 ارخص بالنسبه لي
اخوي كذلك جربه غصبا عنه ما حصل الا 91 وعباه سيارته جمس 8 سلندر ههههههه يقول وصلني ثلاث ارباع المسافه وشغلتي كل شوي اوقف اعبي

وافر التحية

[ذيب سايه]

سيارتي هايلوكس 2009 واعبيه 95 من يوم ماشريته ..

لان عدد الاوكتين فيه اعلى من الاخضر الـ 91 وهذا يجعل البنزين اقوى في احتراقه داخل المحرك ويعطي عزم اكبر ..

والبنزين الاخضر سد بخاخ لسيارة واحد من الربع هايلوكس 2007 وغيره بـ 2500 ريال وكله من البنزين الردي ذا ..

[مهندس مهني]

سيارتي 8 سلندر اكسبديشن 2004
اعبي بنزين اخضر و الحمد لله ماشفت منه الا كل خير
و سبب استخدامي له مذكور في كتالوج السيارة انها تمشي على بنزين 87

[sgl2002]

ياشباب الدعوه حسب مواصفات السيارة وتوصيات المصنع

يعني في سيارات تقبل 95 و 91
وسيارات ماتقبل غير 95 وفوق
وسيارات تقبل حتى 87 .. يعني هي على حسب المصنع



وبالنسبة لي معي باترول كلبريتر وجربت 91 و 95 وكلها نفس الشي اللهم صرف فلوس على الفاضي ،،

عشان كذا خلني على 91 أرخص ونفس المسافة اللي يوصلني بها 95 يوصلني 91

[سيف وقلم]

بنزين 91 _ 6 سلندر

[سلمانـ]

اسعدني مشاركتكم بارك الله في افكاركم وبأذن الله نستفيد من التجارب وبالنسبه لي لو موتري الفتك ماعليه خطر كان ماعبيته الا اخضر بس وش نسوي

[كويس]

6 سلندر واستعمل لها 91

[owwn]

احمر اكيد
لانه اكتان عالي ونظيف
السياره كابرس 8 سلندر

[برادو 99]

من اكثر من 9 سنوات وهوما يشرب غير الاخضر وما شاف الا العافيه 6 سلندر

[المديرzx300]

[CENTER][/CENTERالسلام عليكم
الغريب ان بعض الاخوان يقول ان البنزين الاحمر يوصل اكثر من الاخضر!
البنزين الذي يدخل داخل غرفة الاحتراق له كمية محددة ماعليه من احمر او اخضر
ولاكن هذي عمليه نفسيه عند كثير من الناس ان الاحمر يوصل اكثر اي يفهمون اكثر
من الصنع
كل سيارة له نوع من البنزين
ملاحضة البنزين الاحمر و الاخضر بس في السعودية لكي اصحاب المحطات مايغشون الناس
في الكويت البنزين كله احمر بس يختلف في التركيب الكيميائي ويسمونه ممتاز وخصوصي
اخيرا ان ماعمري عبيت الا اخضر لجميع سياراتي الي شريت ٦ او٨سرندل خط اوصح ماعلي ]

[يالبى الهلا]

من واقع تجربه عبئ ينزين91 داخل المدينه
وعبيئ بنزين 95 للسفر والمسافات الطويله والتطعيسه

[يالبى الهلا]

في الكويت ماعندهم بنزين اخضر واحمر وعندهم خصوصي وممتاز ومستلمته شركات وليس افراد وماتدري من يغش وماهو البنزين الاخضر من الاحمر الا مكتوب على المضخه خصوصي وممتاز وهنا يحصل الغش
اما عندنا ولله الحمد تعرف البنزين من لونه وهي مادة لونيه تركيبيه تضعها معامل التكرير لمعرفة البنزين للعميل وهي من صالح المستهلك

[سلمانـ]

افادني كثيرا تجاربكم واعتقد اني من اليوم راح اعبي اخضر اوفر لي واحسن

[أبوياسر74]

سيارتي ميركوري 2006

لونها فضي(هههه)

المهم كنت أعبيها 91
ولاحظت انها عندما أشغلها

ماتشتغل إلا بعد عدة دقات

وشفت في اليوتيوب تجربة تبين الفرق بين 91-95

وهي وضع بنزبن 91 في كأس واشعل النار في فتيلة وقربها للبنزين في الكأس

واشتعل عادي

وكرر التجربة ببنزين 95 وعندما اشعل النار في الفتيلة اشتعل البنزين في الكأس

على طول دون تقريب الشعلة للكأس معنى ذلك أن 95 أقوى في الاشتعال من 91

وعندها قررت تعبئة سيارتي ببنزين 95 ولاحظت أنه تشتغل بسرعة وافضل من قبل هذه تجربتي ولعل فيها فائدة للجميع