سؤال ياهل الصقور

[عاشق غريب]

السلام عليكم ورحمه الله وبركاته


انا عندي شيهانه بحريه مثلوثه

ولها يومين اذا علفتها المرش ونتو بكرامه يصير اخضر اول مره تصير معي

افيدوني الله لا يهينكم

[بركات ت ت]

هلا بك اخوي

اذا الطير كافخ كثير او جايه إجهاد يجوز انه متملع وإذا متملع يكون لون المرش اخضر ..

[عاشق غريب]

بيض الله وجهك

وش العلاج

[بركات ت ت]

ووجهك

العلاج فيه كبسولات لونها بنفسجي يبيعونها في الصقر والصقار بالرياض

والشرقيه عند محلات الصقور اغلبها .. وهذي من علاج د. فارس

أو تعطيها شب وموميان مع العلف أو تاخذ لها علاج من العيادة في الرياض

ولازم تريح الطير ثلاث أيام على الاقل .

[الرجل الطموح]

السلام عليكم ورحمه الله وبركاته



انا عندي شيهانه بحريه مثلوثه

ولها يومين اذا علفتها المرش ونتو بكرامه يصير اخضر اول مره تصير معي

افيدوني الله لا يهينكم

مثل ما تفضل اخوي بركات وحسب المعلومات اذا كان المرش اخضر فاتح الطير مملوع عليك ترييح الطير وعلى حسب قوة الملع ثلاث ايام وإعطائه شب +موميان وان شاء الله يتحسن وإذا كان المرش اخضر غامق يكون فيه ديدان امعاء . وبالسلامه ان شاء الله.

[عاشق غريب]

ما قصرتو وبيض الله وجيهكم

[استاذ]

أهل الخبرة رح يعلمونك