فزعتكم فزعتكم يالاجواد والله يخلف على الغالي..بانتظار أهل الخبرة

[أبوياسر1]

أمسي عليكم بالخير جميع كلٍ باسمه


قبل عشرة ايام صدم اخوي بالكوريلا (2011) الصدمة ولله الحمد وصلت قبل المكينة بشوي..
مالكم بالطويلة..سمكرنا الموتر واستلمه اخوي.. لكن قبل يومين ما تشتغل السيارة يعني تدق سلف لكن ما تشتغل !
توقعت طرمبة ولا بلى بالسلف وديناه ميكانيكي بمجمع ابن علي بام الحمام ((ورشة القحطاني)) وقال ان البواجي دخلبه ماء ودخل المكينة..وقالي: نبي نفك راس المكينة ويبي يكلفك شغل الفك 1500 !!

سؤالي:

1- قبل ما اصلح السيارة هل يشمله الضمان بالوكالة علما اننا ماخذينه آجار منتهي بالتمليك..يعني السيارة مسجلة باسم الوكالة..انا خوفي اني لا وديته لمهم حجزوه عندهم وصلحوه وصكون بمبلغ مع العلباة وأنا الي ادفعه :/
فمن عنده خبره ارجو ان يعلمن هل هذا العطل يغطيه الضمان أو لا ؟؟

2- طبعا إذا صارت ما تدخل بالضمان.فهل المبلغ الي عطان اياهـ راعي الورشة 1500 قيمة فك الراس معقول ؟؟ لاني لو ابطلع واصلحه عند غيره بياخذ من 300 ريال قيمة الفحص


بانتظآر ردودكم الكريمة..

[الوقيدي]

السلام عليكم : اجور الشغل تقريبا من 200 الى 300 ريال مع شراء وجه رأس فقط اصلي. اذا كان السبب من تهريب وجه الرأس اذا كان السياره بها حراره سابقا .لكن . الى اللقاء السياره موديل حديث .
اذالم يكن السبب من الرأس او وجهه الرأس او صوفه اوطبه ماء .
فالحل: تفك جميع البواجي وتشغل السياره حتى يخرج الماء او الزيت الموجود فوق الرأس مع فتحه البوجي ثم تنظف البواجي بالبنزين وتعيد تركيبها مع تغير الزيت والسيفون اذا كان يحتاج تغييره بسبب دخول الماء له. الى اللقاء

[الوقيدي]

السلام عليكم : قبل ماتعمل أي شيئ تأكد من ان الجنزير البلاستيك غير منقطع . تشغيل السياره والجنزير منقطع يطعج بلوف الرأس .

[اسهيل]

السلام عليكم : اجور الشغل تقريبا من 200 الى 300 ريال مع شراء وجه رأس فقط اصلي. اذا كان السبب من تهريب وجه الرأس اذا كان السياره بها حراره سابقا .لكن . الى اللقاء السياره موديل حديث .
اذالم يكن السبب من الرأس او وجهه الرأس او صوفه اوطبه ماء .
فالحل: تفك جميع البواجي وتشغل السياره حتى يخرج الماء او الزيت الموجود فوق الرأس مع فتحه البوجي ثم تنظف البواجي بالبنزين وتعيد تركيبها مع تغير الزيت والسيفون اذا كان يحتاج تغييره بسبب دخول الماء له. الى اللقاء
اخوي كلامك سليم اخوي في العام الماضي يوم الغرقه دخل في السيارة ماء وقمنا بفك البواجي واحد واحد يعني تفك واحد وتدق لين يطلع الماء ثم تسكره وتفتح الثاني وكذا مع تنظيف كل واحد

[Abo-ibrahem]

الحمدلله على سلامة اخوي ومعوض ان شاء الله

بالنسبه لورشة القحطاني اذا كنت تقصد اللي المعلم تبعهم سوداني اسمه مالك

فأسعارهم مبالغ فيها جداً....

قد سألت عن اشياء عندهم واحصل فرق كبير بينهم وبين غيرهم