سيارتي تقص ولا تدخن

[ممدوح العوفي]

بسم الله الرحمن الرحيم

إخواني الكرام

السلام عليكم ورحمة الله وبركاته

استفسار لمن لديه خبرة أ وتجربة

سيارتي GXR 2004 بدأت تولع لمبة الزيت

غيرت الزيت بالوكالة ثم رجعت بعد 1000 كيلو قالوا كل شيء تمام ما فيه شيء

نصحوني أغير على 5000 كيلو

ثم بعد شهرين ولعت اللمبة مرة آخرى أهملت الموضوع شوي ثم غيرت الزيت لقيته ناقص تقريبا من علبة ونصف إلى علبتين

الان عداد الزيت 3500 وتقريبا ناقص علبة أو أقل بقليل

علما أني لم اروح عليه خط طويل خلال التغييره الأخيرة

=============

ذهبت للوكالة فحصوا ضغط المكينة وبحثوا عن تهريب أو دخان مافيها شيء

ثم قالوا يمكن لازم شنبر (( طبعا الوكالة ما يزينون شنبر بس توظيب كامل ))

رحت ورشة ثانية قالوا الاحتمال الكبير شنبر

قالي أحد الشباب ترى يمكن المسألة من وجه البلوف غير وجه بلوف

صرت محتار جدًا

فياليت من عنده خبرة يفيدني ولكم فائق التحايا وأصدق الدعوات

[ابو محمد السهلي]

كم ماشي اذ في ال ٤٠٠ فمعناه انه يبغا شنبر ......و الشنبر سنه وتوضب ...... يعنى وضب وريح وراسك ...بس ترا العماله تسرقك .. وتبدل قطع الغيار ... الا من رحم االله ...اذ فيه سعودي يشتغل بيده احسن

[ولد البرقاء]

حصل معي نفس الطريقه غيرت جلد بلوف في القصيم شغل سعودي وتواصل معي 0506148466

[الباثفندر 3.5]

اخوي موترك ما فيه الا العافيه و النقص عندك طبيعي احتمال عندك خلل من لمبة الزيت لانه نقص علبه او اقل بعل ال ٣٥٠٠ يعتبر طبيعي و ممتاز يعني لا تحاتي امورك تمام

[صحراء الدهناء]

فيه واحد من الزملاء معه gxr ونفس سالفة موترك يغير الزيت بالقصيم ويطلع مكه قبل الطائف تولع اللمبه علما ان الموتر لا يدخن ولا شي وما شي في بحر 300 الف

ياليت اهل الخبره يفيدونك ويفيدونا

[المنيعي1]

كم ماشي موترك

[ابوو زيد]

اخوي النقص بمكاين التويوتا طبيعي 6 سلندر راس واحد

اعرف ناس واجد تنقص عندهم

[vza]

س/ وش نوع الزيت اللي تستخدمه للموتر ؟
شيك على صوف المكينه الاماميه و الخلفيه عند ميكانيكي تعرفه و ثقه
لا تستعجل و النقص ما ادري هو طبيعي و الا لا ؟
لكن مواتر واجد تنقص

[volcano]

عشان تريح دماغك من الاخر

فك كل البواجي اذا لقيت بهن زيت يعني شنابر 100% وغير كذا اما جلد بلوف او نوعية الزيت..

جرب زيت الترا 7 قليل التبخير

[gx-low]

اخوي اذا المشكلة جلد بلوف بتلقى الزيت طالع من عند راس المكينة وزي ما قلت اذا مشيت 3000 ينقص له علبه تقريبا

اذا المشكلة من جلد البلوف او الصوف تراها عاديه جدا متى ما فضيت غيرها واذا ما غيرتها مب مشكله اهم شيء تابع نقص الزيت وزده

[رساوي ربع]

طيب انا ينقص عندي علبه عند 500 كيلو وش المشكله فيه تكفون

[ابوفهوود]

انا بقولك اذا انت تستخدم زيت تايوتا طبيعي بنقص

الحل استخدم زيت سوبر شل وراح تنسى اللمبه او اي زيت غير تويوتا لانه خفيف مره

[aloosh]

السلام عليكم اخوي المشكله في الزيت اللي انت تستخدمه والله اعلم استخدم سوبر جيتي 20/50
انتبه للصوره اللي تحت اللي يمين اصلي واللي يسار مضروب وبالتوفيق
http://www.mekshat.com/pix/upload05/images201/mk188294_28012011804.jpg

[الحصان 1]

اخواني نقص الزيت ضعف في الشنمبر اذا كان مافيه تهريب في صوف المكينة
التدخين لايدل على شيء واذا كان السرندل نظيف مافيه شفه في الخانات شنمر واتكل
على الله

( ملاحظة )
دائمآ حاولو ماتشتغلون سياراتكم الا عند مكانيكية سعوديين قدر المستطاع وبحكم خبرتي في العمال
والورش اكثرهم ماعنده ذمه الا من رحم ربك

[ممدوح العوفي]

شكرا لكم جميعا

بالنسبة للزيت اكنت اغير سوبر جتي بعدين قالوا الوكالة بعد ما جيتهم أول مرة غير تويوتا

بديت أغير تويوتا ونفس المشكلة

ثانيا

أنا قلت إنه ناقص بعد 3500 نصف علبة

رحت أمس للبنشر وصار ناقص علبتين

قمت وزدت الزيت


غدا إن شاء الله راح ايضا اكشف عند واحد سعودي راعي ورشة

[vza]

و رد لنا وش صار معك

[فياض الربيع]

شف شغل السياره لمده خمس دقايق وهي واقفه وشغاله بعد الخمس دقايق

ادعس بنزين اذا دخن الموتر يبغى له شنبر انت تقول ان السياره ماتدخن وانت

ماشي لان السياره اذا كانت في بدايه تحتاج شنبر فقط وتكون السياره تدخن بعد وقوفها

بمده واذا مشيت يوقف الدخان ومع الايام تبدأ السياره تدخن وانت تمشي اذا كانت سيارتك ماشيه

فوق 350 الف اكيد تحتاج شنبر وخاصه اذا كنت تمشي عليها بسرعات عاليه بس نصيحه ترى الشنبر

يكمل معك سنه وبعدها تحتاج الى توضيب كامل وضبها كامل احسن بشرط عند واحد معروف وممتاز

[.أبوعبدالرحمن]

ينقل للقسم المخصص

[الوقيدي]

السلام عليكم : اغلب محركات تويوتا الدفع الرباعي 6 سلندر الموديل2007 ونازل فيه عيوب فنيه في جلد البلوف فقط .