يوسف الخليفة1
26/10/2011, 08:33 PM
بسم الله الرحمن الرحيم
السلام عليكم ورحمة الله وبركاته
لواهني من شال عده وتله=يم الفجوج اللي ملتها النواوير
فيها الخزاما بالسهل تقل زله=والحوا والبسباس بين المشاجير
لو طالت المده بها ما نمله=بها المذاري مع لجيج العصافير
فسيحتن عن جونا مستقله=حطبها وافر ما وطوها المداوير
اشعل بها ناري على النار دله=وابريق شاهي والوجيه المسافير
والقرص والم دافنه حدر مله=في نجعتن ما تنشرا بالدنانير
ندله الخاطر على كل فله=وانحوص عن دربن عليه العثامير
كم من فتا واجه على الدرب زله=لكن دمحها بالسموح المجابير
وايامنا ما تصفي لكل شله=لا بد ما تضوي عليها المكادير
رفقة موده كل واحد يدله=يفسدها حقد القلب وانتم مخابير
اليا بدا بالخاطر رسوم غله=فاعرف ترا الشيطان له فيه تدبير
بعض الهروج بغيبة الشخص عله=تلكز رماح المفسده بالنواحير
مثل الجرودي يسقي الخرب ذله=بالمخلب الصياد بين الدواغير
غرفت من عمري دقاقه وجله=واردفت نقوات التجارب من الغير
عرفت بالدنيا علاج المخله=وامن الحكم والدين حسن التفاكير
لا تجزم بغيمة وسم مستهله=حتى ولو ترعد سواة الطوابير
كم من سحابه خيبت من فطنله=تروح وتقفي لو بدا عنها تحذير
يوسف الخليفة ( أبو عبد الله )
السلام عليكم ورحمة الله وبركاته
لواهني من شال عده وتله=يم الفجوج اللي ملتها النواوير
فيها الخزاما بالسهل تقل زله=والحوا والبسباس بين المشاجير
لو طالت المده بها ما نمله=بها المذاري مع لجيج العصافير
فسيحتن عن جونا مستقله=حطبها وافر ما وطوها المداوير
اشعل بها ناري على النار دله=وابريق شاهي والوجيه المسافير
والقرص والم دافنه حدر مله=في نجعتن ما تنشرا بالدنانير
ندله الخاطر على كل فله=وانحوص عن دربن عليه العثامير
كم من فتا واجه على الدرب زله=لكن دمحها بالسموح المجابير
وايامنا ما تصفي لكل شله=لا بد ما تضوي عليها المكادير
رفقة موده كل واحد يدله=يفسدها حقد القلب وانتم مخابير
اليا بدا بالخاطر رسوم غله=فاعرف ترا الشيطان له فيه تدبير
بعض الهروج بغيبة الشخص عله=تلكز رماح المفسده بالنواحير
مثل الجرودي يسقي الخرب ذله=بالمخلب الصياد بين الدواغير
غرفت من عمري دقاقه وجله=واردفت نقوات التجارب من الغير
عرفت بالدنيا علاج المخله=وامن الحكم والدين حسن التفاكير
لا تجزم بغيمة وسم مستهله=حتى ولو ترعد سواة الطوابير
كم من سحابه خيبت من فطنله=تروح وتقفي لو بدا عنها تحذير
يوسف الخليفة ( أبو عبد الله )