المساعد الشخصي الرقمي

مشاهدة النسخة كاملة : ياخوان ابي افضل ورشات في الرياض والا القصيم لتربيط والجلد النيسان ربع وزنيت ابواب


صقر الجوارح
26/10/2011, 11:38 PM
ياخوان ابي فزعتكم ابي ورشة في الرياض او القصيم لنيسان الربع لتربيط وتغيير الجلد وزنيت الابواب وخبراتكم لاهنتم
فتاح الجواد
27/10/2011, 12:58 AM
النويصر وابن مرضاح في الرياض
والله يوفقنا واياك
صقر الجوارح
27/10/2011, 01:51 AM
جزاك الله خير اخوي فتاح الجود وين موقعهم
المان
27/10/2011, 01:54 AM
أخوي صقر .. مساك الله بالخير وكل عام وانت بخير قبل الزحمه
انا حطيت موتري ( فتك ) 2007 عند النويصر قبل امس وابطلعه اليوم العصر ان شاء الله وابعطيك تفصيل كامل وش سوو بالموتر لانه موتري واعرف وش فيه بالضبط واذا هم على سمعتهم بيتغير على الموتر وابشوف
صقر الجوارح
27/10/2011, 05:49 AM
الله يكتب اجرك اخوي المان وعساك دائماً بخير وسلامة انا في انتظار ردك
فتاح الجواد
27/10/2011, 10:40 AM
الله يسهل امرنا وامركم وامر كل مسلم
يفيدونك الشباب ونسمع الكلام الطيب
شلشكو2011
27/10/2011, 12:42 PM
أخوي صقر .. مساك الله بالخير وكل عام وانت بخير قبل الزحمه


انا حطيت موتري ( فتك ) 2007 عند النويصر قبل امس وابطلعه اليوم العصر ان شاء الله وابعطيك تفصيل كامل وش سوو بالموتر لانه موتري واعرف وش فيه بالضبط واذا هم على سمعتهم بيتغير على الموتر وابشوف

ننتظر رايك بالورشه
وياليت تفيدنا عن التكاليف ؟؟
وشكرا لصاحب الموضوع
برايدوي عنيد
27/10/2011, 12:51 PM
ببريده عندك

ورشه ابوسليمان الهبيش بطريق خضيراء , ورشه ابوعبدالله الصمعاني

بالتوفيق وتقبل مروري...
وليد46
27/10/2011, 03:17 PM
أخوي صقر .. مساك الله بالخير وكل عام وانت بخير قبل الزحمه
انا حطيت موتري ( فتك ) 2007 عند النويصر قبل امس وابطلعه اليوم العصر ان شاء الله وابعطيك تفصيل كامل وش سوو بالموتر لانه موتري واعرف وش فيه بالضبط واذا هم على سمعتهم بيتغير على الموتر وابشوف

قل امين الله يوفقك ويسعدك كلامك جاا في وقته لاني ناوي اجرب هالورشة بس نبي رايك عنه بكل شفافية وعسى امورك كله تيسر يالغالي. والف شكر لك
يالبى الهلا
27/10/2011, 03:52 PM
قل امين الله يوفقك ويسعدك كلامك جاا في وقته لاني ناوي اجرب هالورشة بس نبي رايك عنه بكل شفافية وعسى امورك كله تيسر يالغالي. والف شكر لك
هذا اللي ابا يجيب لك راس غليص قصدي العلم الاكيد وان شاء الله انه يتواصل معك ويفيدتا نحن المكشاتيه وننتظر الرد
صقر الجوارح
28/10/2011, 12:41 AM
مرحبا اخوي فتاح الجود واخوي شلشكو 2011 والله الورشاة ذي ماودك تط موترك الاعند واحد تعرفه شكلي ابي اروح للاخوان في بريدة ورشهم يمكن اكثر مصداقية واكثر خبرة تقديري لك اخوي بريداوي عنيد وممكن اكون بكرة اكون ببريدة هذا رقم جوالي لاني ابي الوصف
صقر الجوارح
28/10/2011, 12:43 AM
وليد 46 ويالبي الهيلا شكرا لمروركم واتمني ان تجدون المفيد
أصيل حجآ زي
28/10/2011, 01:03 AM
مرحبا اخوي فتاح الجود واخوي شلشكو 2011 والله الورشاة ذي ماودك تط موترك الاعند واحد تعرفه شكلي ابي اروح للاخوان في بريدة ورشهم يمكن اكثر مصداقية واكثر خبرة تقديري لك اخوي بريداوي عنيد وممكن اكون بكرة اكون ببريدة هذا رقم جوالي لاني ابي الوصف






لا يــُسمح بأضآفة أرقآم هوآتف ولا جوآلات ولا أي دعآية لمحل .
:no2:
أقراء قبل أن تكتـُب بهذي الخيمة بالمـُقدمة !!!

قبل أن تكتب موضوعك في خيمة أعطال السيارات وإصلاحها ‘ أقراء : {{{ أنظمة الخيمة }}} . (http://www.mekshat.com/vb/showthread.php?t=355126)
الإستراتيجي
28/10/2011, 01:23 AM
ننتظر معكم مصداقية الورش تهمنا و كثير ذكروها ولا جربتهم حتى الآن وناوي التجربه ...
صقر الجوارح
28/10/2011, 06:23 AM
جزاك الله خير اخوي اصيل قراءة الشروط ولم اجد مايمنع ذالك ولا ني ملزم اقرء الجميع التعليقات اجمع الشروط مع العضو نمر وشروطك كمشرف وضعوها في الموضوع الرئيسي
اما بنسبه لرقم جوالي لكي يتم وصف الورشة من الأعضاء ام الرسائل الخاصة فأن لاأجيد كيفية ارسالها يعني يبي لنا مدة من الزمن لكي نتطورفي امور المنتديات

تقبل كلام بصدر رحب
السومر
28/10/2011, 09:27 AM
ورشة النويصر

شغل اليد / 1200 ريال واي قطعه او ربله تحتاج تغير يبلغونك فيها اذا تبي تغيرها ولا لا وطبعآ هم يجيبون القطع ويعطونك فاتوره بالقطع

ومستحيل تطلع من عندهم اقل من 2000 ريال

انا مجربهم وبصراحه شغلهم عادي وسعرهم غالي جدآ

لكن نصيحتي رح لصناعيه القديمه وخل عنك الورش اللي نسمع فيها

ودور على مزاجك والسعر اللي يناسبك ولكن خلك واقف على روسهم

وشغلة التربيط ما تاخذ اكثر من 3 ساعات اذا استلموها 3 اشخاص

وقبل كل شي اتفق معهم على ان يكون التربيط شامل من الخارج ومن الداخل و اسفل السياره والديكورات
المان
29/10/2011, 03:27 AM
مساكم الله بالخير جمعيا ... واسف على التاخير
اللي يسأل عن ورشة النويصر وشغلهم يأخذ العلم الاكيد مني .. أنا توي مطلع موتري من عندهم ... والله يشهد علي في كلامي هذا
السعر غالي جدا جدا ولا فيه اصلا اي احتراف او مشكله كبيره بالسياره عشان يستاهل مبلغ 1300 شغل يد بس !!! والقطع طبعا كلها عليك وهي اصلا جلد البودي ومسامير توازن ولي مكيف صحراوي ّيدخله في جلدة الباب عشان يقفل زين وبس !!!
ويحط لك اسفنج داخل ديكورات الباب عشان ماتطلع اصوات القربعه !!!
بالمختصر المفيد كل الورشه باللي فيها كلام فاضي ... مجموعة (ابويمن) ولاقين ناس تدفع ... لو يروح الواحد يشتري كل جلد الموتر اللي فوق واللي تحت وحقت الابواب ويجيب له لفة اسفنج (سماكة 2سم) ويمر على اطرف ورشه ويقول له ركبها لي ويوقف فوق رأسه ويفحص موتره بنفسه ويخلي الميكانيكي يشد على كل مسمار بالصدام وبطن الموتر والطبلون والمراتب احسن له من نصب واحتيال هالورش لان الشغله حسب تقديري ماتتعدى 800 ريال بالكثير
وليد46
29/10/2011, 11:26 PM
طيب اخوي الغالي المان الموتر فيه فرق كبير بعد شغل النويصر ولا لا هنا السؤاااال الله لايهينك
المان
30/10/2011, 01:25 AM
اخوي وليد .. ولايهونون باقي الاخوان
انا موتري فتك موديل 2007 وكنت مسوي له تربيط قبل العام عند ورشة القصيم (أبوطلال) بشارع الجمعيه بالصناعيه القديمه والصراحه فيه فرق بين شغله وشغل النويصر ..
يعني انا مالاحظت الا فرق بسيط جدا قبل ادخل موتري وبعد ماطلعته