يا اهل الخبره

[ابو مناحي]

السلام عليكم ورحمة الله وبركاته

مساكم/صبحكم الله بالخير

يا اخواني عندي جمس 2001 8100 اذا طفيته وشغلته يالله يشتغل
وتطور الوضع اذا طفيته مايشتغل الا بشتراك

وديته لورش كثيره ماعرفو وش مشكلته

اخرها وديته قبل اسبوعين للجابري وصلحه وقال المشكله قطعه في الطبلون

وغيرت بطاريه وزان والبارح شغلته ولا اشتغل يعني رجعت المشكله


فلي عنده حل الله يجزاه خير لايبخل علينا


وجزاكم الله خير

[صقر الجوارح]

اخوي شيك علي السلف والدينمو وشف اسلاك الكهرب لايكون فيها جروح ويصير فيها تهريب شحنات

[الإستراتيجي]

ممكن فيه كتاوت يهرب كهرب أو قطعة ملتمسه تسحب كهرب


بالعادة سلف الموتر يكون يهرب كهرب كان معي جمس سوا لي المرض


وطلع السلف فيه مشكلة يدق ثقيل إذا إحتمى الموتر تنتظر نصف ساعة يبرد


والمشكلة الثانية أن السلف يسحب كهرب من البطارية وهي طافية

نطلت السلف وزينته ومن ذاك الحين وحتى بيعته وهو ممتاز


تأكد زي ما قلت من السلف لعل المشكلة تكون منه وتنحل أو شف لو فيه شغل كهربائي سابق في السيارة

مثل أنوار أو مراوح تم تركيبها مؤخرا ترى الكتاوت حقتها تصرف كهرب

الحل بسيط حط قاطع شغله أول ما تجي تشغل السيارة وطفه أول ما تطفي الموتر :good: